محتار جدا و ارجوا المساعده

[Killer bee]

لساده الأعضاء الكرام
انا عايز عربيه في حدود ال 100 الف او اقل
مش مهم مانيوال ولا اتوماتيك
المهم تكون عربيه " ثقه " و تعييش و توكيل كويس و قطع غيار سهل الاقيها و بسعر كويس - و طبعا تكون بتكييف
انا لا اعرف اي شئ نهائي عن السيارات - صفر بأمتياز
انا حاليا بجد محتار بين كذا عربيه و كل ما اسأل حد يقولي رأي شكل
انا محتار بين الأيمجرند 7 / لوجان / افيو / لادا جرانتا المانيوال / سانديروا اقل فئه
و بجد قربت أتجنن فعليا و الموضوع ده واكل كل دماغي و وقتي بقالي أسبوع
العيوب اللي سمعتها بكل واحده منهم هي كالتالي
1) الأيمجرند - ظهور صدأ بجسم العربيه بعد اقل من سنه - التوكيل سئ - الموتور بيحتاج عمره كامله او تغيير بعد ال 60 الف - قطع غيار غاليه - و طبعا صيني فسعر اعادة البيع سئ
2) اللوجان - قطع غيار غاليه - بتحتاج صيانه متخصصه بالتوكيل - قطع الغيار غير متوفره
3 ) الأفيو - شكوي من التوكيل
الادا لسه ما اتجربتش و السانديروا مسمعتش عنها حاجه بس انا طبعا بدور علي أقل فئه و دي بتلعب في 100 الف يعني تدمير مادي لي

أرجوكم الأفاده و ليكم ألف شكر

[Bassem Youssef]

طلع من المقارنه

الافيو لانها عربيه "تعبانه" فعلا

الجرانتا لانها لسه جديده في السوق

الايمجراند لانها صيني

اللوجان اختيار كويس

و حط في اعتبارك برضه

الفيرنا زيرو او ياباني مستعمل

[M.Gomaa]

او حط في اعتبارك السينوفا مادام معندكش مشكلة لو صيني

[AlphaCharlie]

رأيي لو ياباني مستعمل بحالة جيدة افضل من جميع الخيارات المطروحة.

[Karim_Monir]

رايي الشخصي اني مش ميال لمعظم العربيات دي ما عدا السانديرو عشان شكلها حلو شويه
لكني بعاني من اللوجان 2014 اللي معايا
بس انت هاتجيب مانيوال مش هايفرق معاك

[Super_Star_h]

لو تصبر شويه وتزود وتنط على فئه اعلى يكون افضل
عندك اللانسر الشارك اول فئه برقبت كل دول