استفسار بخصوص تجديد رخصة السيارة فى فترة السماح

[ibrahimahmed]

السلام عليكم
كنت عاوز استفسر عن تجديد رخصة العربية ... هى انتهت وانا فى فترة السماح دلوقتى
من المفروض ان اى تجديد لرخصة العربية لازم اعمل شهادة مخالفات للعربية
سؤالى بقى .... لو الرخصة انتهت وانا فى فترة السماح ... هل شهادة المخالفات كافية ... ولا لازم اعمل شهادة بيانات ... ولو لازم اعمل شهادة بيانات ... شهادة البيانات تبقى بديل شهادة المخالفات ولا لازم اعمل الاتنين
شكرا

[mazen56]

أول حاجة علشان تجيب المخالفات لازم تجيب بينات مخالفات ( وده بيكون فيها الرقم السيارة القديم علشان المخالفات بتكون على الرقم القديم والجديد)
وبعد كدة تبدأ الاجراءات العادية للترخيص وهي الفحص لو عند فحص - التأمين الاجباري - الضريبة .

[Abo_Mazen]

ما دمت داخل المرور يبقى عادي تتعامل بشهادة المخالفات فقط..لكن لو المعامله هيدخل فيها شهر عقاري يبقى كده لازم تجيب شهادة بيانات