موكب افراح !!!!!!!!!

[ahmed_wbt]

حصلت معاى فى فرح فى بنها واتسحبت رخص نص عربيات الزفه وللعلم مكنش حد فاتح الباب ولا موقفين الشارع

كل الزفه ماشيه ورا بعضها ومشغلين الانتظار بس ومحدش ضرب كلاكسات علشان الناس من هناك قالولنا ان فى كمين قدام

وبعدين دخلنا اللجنه وحصلت الكبسه اللى لحق جرى جرى والباقى اتمسك :)

كنت حاسس يومها اننا فى مطارده مخدرات والله وكل اللى اتسحب رخصته دفع 150 جنيه فى المرور مخالفه وفعلا الظابط قال مفيش فورى فى الحكايه دى

[mo7a_mo7a]

أنا هحاول ارد على تساؤلاتك حسب معلوماتي المتوضعه عن قانون المرور المعدل أو الجديد كما يطلق عليه البعض
1- انا فعلا كنت مخالف ؟
نعم مخالف طبقا لنص المادة (72) مكررا بند (ب) اللى بتعاقب المخالف بسحب رخصة القيادة فقط لمدة لا تقل عن شهر ولا تزيد على ثلاثة أشهر فى حالة إرتكاب المخالفة وهي استعمال المركبة فى مواكب خاصة أو تجمعات دون تصريح من الجهات المختصة، عليه نفهم من كدة ان المواكب الخاصة ليها تصريح عشان الناس اللى كانت بتسئل، هما يوافقو عليه أو لأ دي قصة ثانية.
2- ولو كنت مخالف هل كان من حقى دفع مخالفة فورية؟
الاجابة لا عشان القانون هنا لم يضع غرامة مالية للمخالفة انما استوجب سحب الرخصة لمدة زمنية محددة فقط بقرار من مدير إدارة المرور المختص. (هى الحته دي مكلكعه شوية لو حد من الأعضاء الأفاضل عنده تعديل او تفاصيل اوضح تفيد ياريت يقولها ).
3- وهل كان من حقه سحب الرخصتين ؟
هو من حقه سحب رخصة القيادة فقط عشان الموكب لكن طلما حضرتك قولت ان الظابط كان بيقولك ملصقات كمان في الحاله دي بيسحب رخصة العربية بس دى فيها تصالح فوري بتدفع 50 جنية وطلما لما حضرتك قولت له (ملصقات ايه انا معنديش اي نوع من انواع الصق على العربية خالص يبقى ازاى انا مخالف ؟) رد عليك ( واذا كان على الملصقات ولا تزعل حشيلهالك من المخالفة!!!!!!!) كان في الحاله دي المفروض يرجعلك رخصة العربية وتطلبها منه، ولما قالك ( القانون بينص على ضرورة سحب الرخصتين القيادة + المركبة) افتكران الظابط ده مش فاهم حاجة ومحتاج يذاكر كويس يا اما هو بيستعبط.
4- طيب وغرامة المخالفة دى كام على الرخصتين؟
الموكب: قلنا سحب لمدة لا تقل عن شهر ولا تزيد على ثلاثة أشهر بس بعد العرض على مدير إدارة المرور المختص أو من يندبه من مأمورى الضبط القضائى من ضباط المرور المختصين ويتم عرض الرخصة مع محضر الضبط على نائب مدير الأمن المختص ليقرر بحسب الأحوال إما إعادة الرخصة إلى صاحبها إذا تبين له عدم وجود مخالفة وإما ليأمر بإيقاف الرخصة على الوجه الذى يحدده القانون.
الملصقات: انا مش عارف هو شلهالك ولا لأ عموما هيه غرامة لا تقل عن مائة جنيه ولا تزيد على ثلاثمائة جنيه.

الف الف شكر علي توضيحك الهايل وعرضك الممتاز

[mo7a_mo7a]

حصلت معاى فى فرح فى بنها واتسحبت رخص نص عربيات الزفه وللعلم مكنش حد فاتح الباب ولا موقفين الشارع

كل الزفه ماشيه ورا بعضها ومشغلين الانتظار بس ومحدش ضرب كلاكسات علشان الناس من هناك قالولنا ان فى كمين قدام

وبعدين دخلنا اللجنه وحصلت الكبسه اللى لحق جرى جرى والباقى اتمسك :)

كنت حاسس يومها اننا فى مطارده مخدرات والله وكل اللى اتسحب رخصته دفع 150 جنيه فى المرور مخالفه وفعلا الظابط قال مفيش فورى فى الحكايه دى

مهو ان حضراتكم تشغلوا الانتظار في الطريق بدون داعي ده في حد ذاته مخالفة مرورية

[ahmed_wbt]

مهو ان حضراتكم تشغلوا الانتظار في الطريق بدون داعي ده في حد ذاته مخالفة مرورية

لا طبعا مش بدون داعى

ده لان الكل كان ماشى على اليمين بسرعه هاديه فلازم نشغل الانتظار علشان محدش يمشى ورا الزفه ويبقى فاكر ان ده طابور ولا حاجه

وساعتها كان الشارع 3 حارات كبير وكل فين وفين لما عربيه تعدى مننا يعنى حتى مش موقفين الشارع ولا تعدينا على حق حد ولا قفلنا الطريق ومنعنا حد من المرور ولا حتى ازعجنا حد بالكلاكسات

القانون معاك انه يجب احترامه بس مينفعش نطبق كل اللى بنشوفه ونسمعه من ناس تختلف تماما حياتهم عن حياتنا

يعنى النقطه دى عاده فى المصريين وشئ لا يمكن يغيره الف قانون يبقى الحل هو وجود نظام يتم من خلاله العاده دى دون التعدى على حق الغير

سواء بقا بتحديد خط سير معين للزفه او تصريح ليها يتحمل مستخرجه كل المسؤوليه الجنائيه فى حاله ان فرد من الزفه قام بعمل متهور انما نقول لا ونمنعها ونسحب رخص الناس وندفعهم غرامات

من وجهه نظرى قله أدب بصراحه مش تطبيق قانون

[hossam_elwani]

متشكر على التوضيح

[ابوهاشم]

انا فعلا كنت تابعت قانون المرور الجديد
وعرفت بس انك علشان تزف عريس وعرسه بتجيب تصريح من المرور بكده وتمشى عادى بالتصريح ده وده بيكون مقابل مبلغ من المال
لكن صف ورا بعضه دى مالهاش دعوه هى المشكله فى العربيه اللى فيها العريس بس

[شاهين - بنز]

وأخيييييييييييييييييرا الحكومة حتحاسب بتوع مواكب الأفراح
يعني خلاص مش حيبقى في إزعاج ضوضائي يصحينا من النوم ولا حيبقى في عربيتين سادين الشارع وقاعدين يزمرو ومعطلينا وراهم
لا والله لسه في أمل في البلد