اشتري قسط ولا مستعمل ؟!!

[M@DO]

السلام عليكم اعضاء المنتدي الكرام

انا طبعا زي ما شايفين ان دي اول مشاركه ليا
لاني لسه جديد في العربيات برده
فانا عايز رائيكو اشتري سياره جديده بالقسط ولا مستعمله
مع العلم انا معايا 30 الف يعني مش هطول ولا جديد ولا مستعمل نضيف
وبصراحه مش عايز اجيب عربيه اصرف عليها من اولها وتفتحلي بقها

استفسار صغير بقي
لو هشتري قسط اقسط من عند معرض السيارات
ولا اخد قرض من بنك اكمل بيه تمن العربيه
انهي بتبقي فايده اقل او احسن في التعامل ؟؟؟

اسف اني اول موضوع ليا يبقي طلب كده بس انا محتار بجد

السلام خير ختام

[محمد مجدي 22]

طبعا قسط لان مستعمل ب 30 الف مايجبلكش حاجة
في معرض اسمة المالك كويس شوفة

[Mahony]

ما اعتقد ٣٠ الف ح تجيب حاجة كويسة ، و في نفس الوقت الله يعينك على الاقساط .. بس على الأقل عربية جديدة و تشتري دماغك .
لو ح تقسط ، حاول تشتري حاجة تكون معقولة
اسال الله لك التوفيق

[M@DO]

الف شكر ليكو يا رجاله ع التفاعل
طب رائيكو اقسط من المعرض ولا اخد قرض بنكي واقسط مع البنك
ولا الاتنين واحد مفيش فرق بينهم ؟؟

[hesham fawzy h]

انا مبحبش القسط فى اى حاجة الا للضرورة القصوى
علشان محدش ضامن الظروف

انا ارشحلك تحوش كمان من 5:7 الاف و تجبلك اكسيل نضيفة .. عربية ممتازة فعلا

[hesham fawzy h]

و بعدين العربية دى مش هتقعد معاك العمر كلة هتغير وتجيب احسن ان شاء الله

و نصيحة اخوية جيييب على قد فلوسك حتى لو هتركب فسبة

[M@DO]

كلامك مقنع والله اخي هشام
انا مثلا هجيبها تقعد معايا 3 او 4 سنين مش اكتر ان شاء الله
ترشحلي اكسل ولا سويفت ؟

[رامي مصطفى]

نصيحه لله بلاش موضوع القرض
المستعمل على قد الفلوس احسن بكتييى من الاقساط
مافيش فرق بين السويفت والامسيل الاثنين جمال
مع ان الاكسل اكثر انتشارا وارهص في قطع لغيار واسهل ف اعادة البيع
بالتوفيق

[hesham fawzy h]

كلامك مقنع والله اخي هشام
انا مثلا هجيبها تقعد معايا 3 او 4 سنين مش اكتر ان شاء الله
ترشحلي اكسل ولا سويفت ؟

اكسيل افضل عربية فى سعرها من وجة نظرى

[hesham fawzy h]

و ب 37 الف تجيب انضف حالة فى السوق


و مبروك مقدما

[M@DO]

الف شكر ليكو يا رجاله المنتدي
بجد انا كنت محتار وانتو رسيتوني ع بر
فلنتجه النظر الي الاكسل :d

[hesham fawzy h]

ههههههههههههههههه

[Bassem Youssef]

لو تزود المبلغ و تشتري مستعمل نضيف يكون افضل

[M@DO]

انا ممكن ازود بس مش كتير
يعني في حدود كده 5 الاف كمان
ده يجيب حاجه نضيفه دلوقتي ؟؟

[zico707]

اشتري على قد الفلوس احسن واريح للاعصاب ،،