طلعت فوق رصيف و الفتيس تقيل

[koko616]

عملت حادثة و طلعت فوق رصيف

ساعتها العربية كانت بتدور بس لما اجيب r او d
مكانتش بتتحرك خالص

فزقتها عشان انزلها من فوق الرصيف و كان الفتيس على ال n و ساعتها كان تقيل جدا

لقيت على الرصيف مكان العربية شوية زيت

ودتها للميكانيكي على ونش قالي المقص الامامي يمين اتكسر فجبت مكانه و غيرهولي و غيرلي جلدة كوبلن شحم داخلي و بارات

بعدها العربية اشتغلت كويس بس لسه الفتيس تقيل عن العادي و بيزيق :////
هو عمال يقولي هو كده طبيعي بس انا متاكد انه مش طبيعي

كده المشكلة ممكن تكون فايه و اعمل ايه عشان احلها ؟

[Fornoobz]

روح اكشف فى اسرع وقت على زيت الفتيس فى احتمال كبير ان فى خرم و منصحكش تمشى بيها علشان الفتيس ميبوظش و ربنا يوفقك

[pepo2011]

لازم تكشف علي الفتيس لانه وارد يكون اتخبط ومش باين

[koko616]

ما المشكلة اني كشفت عند الميكانيكي و قالي سليم :/

[SAMEH_FOUAD]

طالما فية زيت وقع , يبقى فية تسريب , فانت الاول لازم تعرف مكان التسريب وتعالجة

وراجع على فارغة الفتيس لو لقيت فية حاجة مطبقة او مكبوسة , بتكون ضاغطة على ال body valve , وبتمنع سريات الزيت بشكل طبيعى عشان كدة انت حاسس انة تقيل فى السحب , ودة مع الاستمرار بيحرق الفتيس

فانت روح اكشف عند واحد متخصص يكون فاهم فى الاوتو وان شاء الله خير