عن قطع الغيار والدولار والتوكيلات اتحدث كريم منير

[Karim_Monir]

عزيزي المواطن المصري الشقيق في هذا الوطن البائس:
اسمحلي اعرفك شويه من اللي بيحصل في السوق المصري وخاصه سوق السيارات وعذرا ان الكلام هايكون طويل شويه لكن اوعدك تطلع بمعلومه مفيده
كلنا عارفين ومتابعين كويس جدا ازمه الدولار اللي حصل والارتفاع الغير مسبوق خلال ال 3 شهور الاخيره
بالنسبه لسوق السيارات الجديده خد كلامي الجاي كمثال فقط
لو حضرتك قيمه سياره مستورده 10 الاف دولار وكان الدولار ب 7 جنيهات فقيمه السياره فقط قبل الجمارك والضرايب ومكسب الوكيل ومكسب المعرض والاوفر برايس وكل الحبشتكنات هو 70 الف جنيه
لو التاجر عنده 100 سياره على الارض والدولار ارتفع ل 8 جنيه هو مش هايبيع السياره ابدا ب 80 الف اصل سعرها ويحط عليها ما سبق
لكن هو هايبيعها علي اساس سعر الدولار 9 جنيه ؟
متستغربش
مش فاهم ليه حضرتك ؟
عشان هو هايبدء يشتري الدولار من السوق السودا مش من البنك المركزي اللي معندوش سيوله هايلاقي سعر الدولار كسر ال 8.5 ايوة ثمانيه جنيهات ونصف وعشان بيدور علي ورق من فئه ال 100 دولار عشان يسهل تهربيه فبيكون السعر اعلى شويه
وعشان لسه هايهربه للخارج فبيحط نسبه مخاطره علي سعر الدولار فالسعر تقريبا بيكون 9 جنيهات
يعني بيحسبلك سعر العربيه وهي واقفه عنده عالارض في المعرض ب 9 جنيه :-) ويضيف بقى جمارك وضرايب وتخليص وشاي وقهوة وعمال وبلا بلا بلا على حساب حضرتك
ده فيما يخص السيارات طب ايه اللي بيحصل في سوق قطع الغيار الجديده :
لو عديت علي منتدى نايل موتورز او الصفحه او الجروب هاتلاقي ناس كتير قوي بتشتكي انها مش لاقيه قطعه الغيار الفلانيه للعربيه رغم انها في التوكيل والعربيه مركونه وانا مش عارف اعمل ايه وبلا بلا بلا
ولا لفيت ش دمش والتوفيقيه والحرفيين ومالقتش قطع غيار العربيه وبتكلم عن الجديد وليس الاستيراد
تعالو كدة نرجع لاول السنه الحاليه 2015 لما تحديد في شهر فبراير صدر قرار البنك المركز وعمل تحديد لسقف الايداع اليومي والشهري بالدولار برقم معين
استني ايه الكلام المكلكع ده يا كريم متكلمني براحه شويه :-)
حاضر .. سيادتك لما تيجي تعمل ايداع بالدولار ممنوع انك تعمل ايداع باكثر من 10 الاف في اليوم او 50 الف دولار في الشهر سواء كنت فرد او شركه
عشان حضرتك متلمش الدولارات من السوق وتعمل بيها تحويلات لبره تشتري بيها سلع تدخلها مصر وتفضي البلد من العمله الصعبه
طيب ماهو ده كويس عشان الحد من استيراد السلع المستفزه عينه اكل الكلاب والقطط وغيرها وكمان لمكافحه تهريب العمله وغسيل الاموال لكن حضرتك في توكيلات سيارات مش عارفه تشتري قطع غيار
لما اكون توكيل وعندي اكتر من 5 موديلات لازم اغطيلهم قطع غيار دائمه باكتر من 50 الف دولار شهريا فانت كدة بتحطني في وضع محرج مع عملائي
ليه بتخليني الجأ لاساليب ملتويه وافتح كذا شركه وهميه عشان بس اقدر احط ايداعات في الحسابات واعمل تحويلات وده اللي هايعملوه شركات غسيل الاموال لكن مش هاتعمله الشركات المحترمه الكبيره
ازاي عايز تعمل مناخ استثماري محترم وانت مانع الناس تشتري من بره عشان مش عارف تسيطر علي سوق الدولار وانهيار الجنيه نتيجه عدم تواجد اي صناعات حقيقيه تتصدر
ازاي تقولي ان عربيه زي لانسرشارك باعت الافات في مصر تلف مصر كلها علي مرايه ومتلاقيهاش غير ب 3 الاف جنيه حضرتك وفوانيس العربيه التايواني بالفين جنيه ومتلفش علي الاصلي عشان مش موجود
عشرات الموديلات تقريبا مش موجود ليهم قطع غيار سواء في التوكيل او بره وازاي انا كمواطن مصري اشتريت عربيه دفعت فيها دم قلبي وشقى عمري مالقيلهاش قطع غيار كانها سياره مجهوله المصدر

لكل اصدقائي اللي عاملين حمله #خليها_تصدي وجدير بالذكر ان نايل موتورز اول من قام بحمله مشابهها من كام سنه (خليها تصدي وموديلها يعدي) لما حصل ارتفاع غير مبرر في اسعار السيارات وقتها كانت الحمله بسبب قوي ارتفعت اسعار السيارت مع ثبات سعر صرف العمله
لكن دلوقتي الحمله مالهاش سبب مجدى تقريبا لان ارتفاع الاسعار سببه انهيار عملتنا المحليه امام العملات الاجنبيه

عزيزي محافظ البنك المركزي :
من المتفق عليه ان حضرتك تاخد خطوات قويه لحمايه ووقف انهيار عملتنا في سوق العملات وخاصه امام الدولار لكن من حقي كمواطن اني الاقي السلع الاساسيه اللي تكفل لي العيشه الادميه من ادويه لقطع غيار ضروريه لسلع اساسيه وليست ترفيهيه مش اجيب عربيه جديدة واركنها تحت البيت عشان مالهاش قطع غيار في التوكيل


عزيزى المواطن المصري وشقيقي في هذا الوطن
لنا الله :-(

لو عجبك المقال ممكن تعمل شير لغيرك يفهم الوضع شويه
خالص تحياتي
كريم منير
مؤسس مواقع ومنتديات نايل موتورز للسيارات

[Mohamed Abd ElKhalek]

كفيت ووفيت....وقلبنا اتوجع :(

نكهن عربياتنا طيب ولا ايه العمل؟

[Colin Chapman]

تسلم ايدك ولنا الله

عزيزي المواطن المصري الشقيق في هذا الوطن البائس:
اسمحلي اعرفك شويه من اللي بيحصل في السوق المصري وخاصه سوق السيارات وعذرا ان الكلام هايكون طويل شويه لكن اوعدك تطلع بمعلومه مفيده
كلنا عارفين ومتابعين كويس جدا ازمه الدولار اللي حصل والارتفاع الغير مسبوق خلال ال 3 شهور الاخيره
بالنسبه لسوق السيارات الجديده خد كلامي الجاي كمثال فقط
لو حضرتك قيمه سياره مستورده 10 الاف دولار وكان الدولار ب 7 جنيهات فقيمه السياره فقط قبل الجمارك والضرايب ومكسب الوكيل ومكسب المعرض والاوفر برايس وكل الحبشتكنات هو 70 الف جنيه
لو التاجر عنده 100 سياره على الارض والدولار ارتفع ل 8 جنيه هو مش هايبيع السياره ابدا ب 80 الف اصل سعرها ويحط عليها ما سبق
لكن هو هايبيعها علي اساس سعر الدولار 9 جنيه ؟
متستغربش
مش فاهم ليه حضرتك ؟
عشان هو هايبدء يشتري الدولار من السوق السودا مش من البنك المركزي اللي معندوش سيوله هايلاقي سعر الدولار كسر ال 8.5 ايوة ثمانيه جنيهات ونصف وعشان بيدور علي ورق من فئه ال 100 دولار عشان يسهل تهربيه فبيكون السعر اعلى شويه
وعشان لسه هايهربه للخارج فبيحط نسبه مخاطره علي سعر الدولار فالسعر تقريبا بيكون 9 جنيهات
يعني بيحسبلك سعر العربيه وهي واقفه عنده عالارض في المعرض ب 9 جنيه :-) ويضيف بقى جمارك وضرايب وتخليص وشاي وقهوة وعمال وبلا بلا بلا على حساب حضرتك
ده فيما يخص السيارات طب ايه اللي بيحصل في سوق قطع الغيار الجديده :
لو عديت علي منتدى نايل موتورز او الصفحه او الجروب هاتلاقي ناس كتير قوي بتشتكي انها مش لاقيه قطعه الغيار الفلانيه للعربيه رغم انها في التوكيل والعربيه مركونه وانا مش عارف اعمل ايه وبلا بلا بلا
ولا لفيت ش دمش والتوفيقيه والحرفيين ومالقتش قطع غيار العربيه وبتكلم عن الجديد وليس الاستيراد
تعالو كدة نرجع لاول السنه الحاليه 2015 لما تحديد في شهر فبراير صدر قرار البنك المركز وعمل تحديد لسقف الايداع اليومي والشهري بالدولار برقم معين
استني ايه الكلام المكلكع ده يا كريم متكلمني براحه شويه :-)
حاضر .. سيادتك لما تيجي تعمل ايداع بالدولار ممنوع انك تعمل ايداع باكثر من 10 الاف في اليوم او 50 الف دولار في الشهر سواء كنت فرد او شركه
عشان حضرتك متلمش الدولارات من السوق وتعمل بيها تحويلات لبره تشتري بيها سلع تدخلها مصر وتفضي البلد من العمله الصعبه
طيب ماهو ده كويس عشان الحد من استيراد السلع المستفزه عينه اكل الكلاب والقطط وغيرها وكمان لمكافحه تهريب العمله وغسيل الاموال لكن حضرتك في توكيلات سيارات مش عارفه تشتري قطع غيار
لما اكون توكيل وعندي اكتر من 5 موديلات لازم اغطيلهم قطع غيار دائمه باكتر من 50 الف دولار شهريا فانت كدة بتحطني في وضع محرج مع عملائي
ليه بتخليني الجأ لاساليب ملتويه وافتح كذا شركه وهميه عشان بس اقدر احط ايداعات في الحسابات واعمل تحويلات وده اللي هايعملوه شركات غسيل الاموال لكن مش هاتعمله الشركات المحترمه الكبيره
ازاي عايز تعمل مناخ استثماري محترم وانت مانع الناس تشتري من بره عشان مش عارف تسيطر علي سوق الدولار وانهيار الجنيه نتيجه عدم تواجد اي صناعات حقيقيه تتصدر
ازاي تقولي ان عربيه زي لانسرشارك باعت الافات في مصر تلف مصر كلها علي مرايه ومتلاقيهاش غير ب 3 الاف جنيه حضرتك وفوانيس العربيه التايواني بالفين جنيه ومتلفش علي الاصلي عشان مش موجود
عشرات الموديلات تقريبا مش موجود ليهم قطع غيار سواء في التوكيل او بره وازاي انا كمواطن مصري اشتريت عربيه دفعت فيها دم قلبي وشقى عمري مالقيلهاش قطع غيار كانها سياره مجهوله المصدر

لكل اصدقائي اللي عاملين حمله #خليها_تصدي وجدير بالذكر ان نايل موتورز اول من قام بحمله مشابهها من كام سنه (خليها تصدي وموديلها يعدي) لما حصل ارتفاع غير مبرر في اسعار السيارات وقتها كانت الحمله بسبب قوي ارتفعت اسعار السيارت مع ثبات سعر صرف العمله
لكن دلوقتي الحمله مالهاش سبب مجدى تقريبا لان ارتفاع الاسعار سببه انهيار عملتنا المحليه امام العملات الاجنبيه

عزيزي محافظ البنك المركزي :
من المتفق عليه ان حضرتك تاخد خطوات قويه لحمايه ووقف انهيار عملتنا في سوق العملات وخاصه امام الدولار لكن من حقي كمواطن اني الاقي السلع الاساسيه اللي تكفل لي العيشه الادميه من ادويه لقطع غيار ضروريه لسلع اساسيه وليست ترفيهيه مش اجيب عربيه جديدة واركنها تحت البيت عشان مالهاش قطع غيار في التوكيل


عزيزى المواطن المصري وشقيقي في هذا الوطن
لنا الله :-(

لو عجبك المقال ممكن تعمل شير لغيرك يفهم الوضع شويه
خالص تحياتي
كريم منير
مؤسس مواقع ومنتديات نايل موتورز للسيارات

تسلم ايدك ولنا الله

[kimocyc]

لنا الله..

[A7medelfe2y]

وهل الوضع دا هيطول يا استاذ كريم ولا في امل ان الجنيه يبدأ يفوق من الغيبوبه دي

[Mahmoud.Fathy]

احنا كده نقفل المنتدى بقى :) :) :) ايه السواد ده

[احمد المصرى]

هل فى امل قريبا ان الجنيه يرجع تانى ولا الجنيه غرق ومش راجع تانى

[mohamed_hamdi]

جزاك الله كل خير على التوضيح البسيط للناس كلها و ان كان ده أكد مخاوف الجميع مما هو قادم لأن كل وكالات التققيم الأجنبية بتقيم الدولار بسعر 9ز75 بنهاية 2016 كسعر حقيق للجنيه المصري يبدأ عندها اي مستثمر انه يضخ استثمارات في البلد ة يحول دولار من بره للبنوك و تدور العجلة بس للأسف ده هيكون على حساب التضخم الداخلي الرهيب لأن 80% من السلع في الأسواق مستوردة

[lancer06]

تسلم ايديك اللى كتبت الموضوع
واتمنى من الله ان صوتنا يوصل
لأن الواحد صوتة راح من كتر الشكوى وللاسف لا حياة لمن تنادى
اللى عاوزين وشايفينة صح من وجهة نظرهم هو اللى بيمشى
رغم انهم عارفين ان فى طرق غير شرعية الناس تنفذ اهدافها منها وبرضة احنا اللى بنتضر
نفسنا نعيش حياة كريمة نفسنا فى علاج متوفر بإستمرار نفسنا نرفه عن نفسنا حتى لو بجزء ضئيل احنا راضيين
نفسى المسؤولين ينزلو للناس يقولو احنا سمعناكم صوتكم وصل رنا يقدرنا ونسعدكم
وفى النهاية كما قلت لنا الله وما لنا إلا سواه

[Karim_Monir]

الجنيه اتوجهله ضربات قاضيه بجد
مفيش سياحه حرفيا ودي اكبر دخل عمله صعبه بدون مستهلكات وطبعا العاملين بالسياحه عارفين المأساه مع السائح الروسي الشحات
قناه السويس متعملش اي حاجة
العاملين بالخارج بطلو يحولو دولارات وبيحوشو عندهم فلوسهم ويصرفو او يحولو اللي علي قد مصاريف اهلهم
مفيش صناعاه بجد وانهاير كبير لمعظم الصناعات القويه
حتى صناعه السيراميك والبورسلين المنتج الصيني بهدلها
وصناعه السجاد المنتج التركي بهدلها
تصنيع الملابس خلاص بنجلاديش وتركيا والهند والصين تفقوقو بمراحل كبيره كجودة وسعر
مش فاضل غير شويه المواد الخام وهاتخلص
لو مفوقناش بسرعه وبخطط سريعه واهما وقف استيراد الهبل اللي عايشين فيه مش هاتلقو اللبتوب اللي تكتبو بيه مشاكاتكم دي
لما مرسيدس بجلاله قدرها تقفل في مصر وتقرر تنقل المصنع المغرب احنا عندنا حاجات غلط لازم تتصلح

[Karim_Monir]

واللي هايزود انهيار الجنيه حاله الفزع ان ناس كتير عماله تحول تحويشتها دولارات باي سعر فطبعا ضغط رهيب وقله المعروض وانهيار الجنيه اكتر

[ahmed1981]

ـ
كلام سليم

فعلاً الأزمة صعبة جدا
مفيش سياحة
والدعم الخارجي توقف
تحويلات المصريين في الخارج حصل فيها تحول جذري وفكري
وبدإت فكرة الهجرة المؤقتة لحين العودة بتحويشة العمر فكرة ساذجة
واللي بيشتغل في بلد بقى بيعيش حياته
والتحويلات بقت مجرد مصاريف العيال لو عنده حد في مصر بيعوله
.
البترول المصري بدأ في النضوب وخلال سنوات هينتهي إحتياطي مصر البترولي البسيط أساساً
والغاز هيعمر حبة صغيرين كمان
والتعويل على قناة السويس مش هتحلب أكتر ما بتحلب الوقتي
هي التجارة العالمية اللي بتمر فيها حجمها كده
.
سبحان الله
لنا الله

ـ

[mohamed hatem]

كلام صح جدا ... ومع الاسف فيه كمان استغلال شويه من التجار ...يعني هو خراب من كذا ناحيه ...
اما بخصوص البنك المركزي و الحكومه ... فمع الاسف مشفتش غباء اكتر من كده ...لانهم عارفين الطرق الشرعية و الغير شرعيه لتسريب الدولار و تسريب الموارد الماليه للجمارك و الضرائب ..وطبعا عاملين من بنها عشان خاط الكبار اللي شاغلين نهب في ام البلد ميتضروش

[hossam_elwani]

عزيزي المواطن المصري الشقيق في هذا الوطن البائس:
اسمحلي اعرفك شويه من اللي بيحصل في السوق المصري وخاصه سوق السيارات وعذرا ان الكلام هايكون طويل شويه لكن اوعدك تطلع بمعلومه مفيده
كلنا عارفين ومتابعين كويس جدا ازمه الدولار اللي حصل والارتفاع الغير مسبوق خلال ال 3 شهور الاخيره
بالنسبه لسوق السيارات الجديده خد كلامي الجاي كمثال فقط
لو حضرتك قيمه سياره مستورده 10 الاف دولار وكان الدولار ب 7 جنيهات فقيمه السياره فقط قبل الجمارك والضرايب ومكسب الوكيل ومكسب المعرض والاوفر برايس وكل الحبشتكنات هو 70 الف جنيه
لو التاجر عنده 100 سياره على الارض والدولار ارتفع ل 8 جنيه هو مش هايبيع السياره ابدا ب 80 الف اصل سعرها ويحط عليها ما سبق
لكن هو هايبيعها علي اساس سعر الدولار 9 جنيه ؟
متستغربش
مش فاهم ليه حضرتك ؟
عشان هو هايبدء يشتري الدولار من السوق السودا مش من البنك المركزي اللي معندوش سيوله هايلاقي سعر الدولار كسر ال 8.5 ايوة ثمانيه جنيهات ونصف وعشان بيدور علي ورق من فئه ال 100 دولار عشان يسهل تهربيه فبيكون السعر اعلى شويه
وعشان لسه هايهربه للخارج فبيحط نسبه مخاطره علي سعر الدولار فالسعر تقريبا بيكون 9 جنيهات
يعني بيحسبلك سعر العربيه وهي واقفه عنده عالارض في المعرض ب 9 جنيه :-) ويضيف بقى جمارك وضرايب وتخليص وشاي وقهوة وعمال وبلا بلا بلا على حساب حضرتك
ده فيما يخص السيارات طب ايه اللي بيحصل في سوق قطع الغيار الجديده :
لو عديت علي منتدى نايل موتورز او الصفحه او الجروب هاتلاقي ناس كتير قوي بتشتكي انها مش لاقيه قطعه الغيار الفلانيه للعربيه رغم انها في التوكيل والعربيه مركونه وانا مش عارف اعمل ايه وبلا بلا بلا
ولا لفيت ش دمش والتوفيقيه والحرفيين ومالقتش قطع غيار العربيه وبتكلم عن الجديد وليس الاستيراد
تعالو كدة نرجع لاول السنه الحاليه 2015 لما تحديد في شهر فبراير صدر قرار البنك المركز وعمل تحديد لسقف الايداع اليومي والشهري بالدولار برقم معين
استني ايه الكلام المكلكع ده يا كريم متكلمني براحه شويه :-)
حاضر .. سيادتك لما تيجي تعمل ايداع بالدولار ممنوع انك تعمل ايداع باكثر من 10 الاف في اليوم او 50 الف دولار في الشهر سواء كنت فرد او شركه
عشان حضرتك متلمش الدولارات من السوق وتعمل بيها تحويلات لبره تشتري بيها سلع تدخلها مصر وتفضي البلد من العمله الصعبه
طيب ماهو ده كويس عشان الحد من استيراد السلع المستفزه عينه اكل الكلاب والقطط وغيرها وكمان لمكافحه تهريب العمله وغسيل الاموال لكن حضرتك في توكيلات سيارات مش عارفه تشتري قطع غيار
لما اكون توكيل وعندي اكتر من 5 موديلات لازم اغطيلهم قطع غيار دائمه باكتر من 50 الف دولار شهريا فانت كدة بتحطني في وضع محرج مع عملائي
ليه بتخليني الجأ لاساليب ملتويه وافتح كذا شركه وهميه عشان بس اقدر احط ايداعات في الحسابات واعمل تحويلات وده اللي هايعملوه شركات غسيل الاموال لكن مش هاتعمله الشركات المحترمه الكبيره
ازاي عايز تعمل مناخ استثماري محترم وانت مانع الناس تشتري من بره عشان مش عارف تسيطر علي سوق الدولار وانهيار الجنيه نتيجه عدم تواجد اي صناعات حقيقيه تتصدر
ازاي تقولي ان عربيه زي لانسرشارك باعت الافات في مصر تلف مصر كلها علي مرايه ومتلاقيهاش غير ب 3 الاف جنيه حضرتك وفوانيس العربيه التايواني بالفين جنيه ومتلفش علي الاصلي عشان مش موجود
عشرات الموديلات تقريبا مش موجود ليهم قطع غيار سواء في التوكيل او بره وازاي انا كمواطن مصري اشتريت عربيه دفعت فيها دم قلبي وشقى عمري مالقيلهاش قطع غيار كانها سياره مجهوله المصدر

لكل اصدقائي اللي عاملين حمله #خليها_تصدي وجدير بالذكر ان نايل موتورز اول من قام بحمله مشابهها من كام سنه (خليها تصدي وموديلها يعدي) لما حصل ارتفاع غير مبرر في اسعار السيارات وقتها كانت الحمله بسبب قوي ارتفعت اسعار السيارت مع ثبات سعر صرف العمله
لكن دلوقتي الحمله مالهاش سبب مجدى تقريبا لان ارتفاع الاسعار سببه انهيار عملتنا المحليه امام العملات الاجنبيه

عزيزي محافظ البنك المركزي :
من المتفق عليه ان حضرتك تاخد خطوات قويه لحمايه ووقف انهيار عملتنا في سوق العملات وخاصه امام الدولار لكن من حقي كمواطن اني الاقي السلع الاساسيه اللي تكفل لي العيشه الادميه من ادويه لقطع غيار ضروريه لسلع اساسيه وليست ترفيهيه مش اجيب عربيه جديدة واركنها تحت البيت عشان مالهاش قطع غيار في التوكيل


عزيزى المواطن المصري وشقيقي في هذا الوطن
لنا الله :-(

لو عجبك المقال ممكن تعمل شير لغيرك يفهم الوضع شويه
خالص تحياتي
كريم منير
مؤسس مواقع ومنتديات نايل موتورز للسيارات

استفساراتى وتعليقى على ماسبق

ازاى بيتم تهريب دولارات بره مصر بكميات تكفى استيراد سلع بملايين الدولارات ؟!!! ولا فيه سكك شبه رسميه متطبخه

والى اعرف ان بالنسبه لجزئيه الايداع الشهرى بمبلغ 50 الف فيه استثناء للكينات الكبيره من مجموعات ووكلاء للقصه دى وله الاحقيه للايداع بحريه

فيه جزئيه كمان عايز اسالك فيها ايه حكاية ربط التحويلات بالجمارك دى ؟

[moha sasa]

- عايز تتعالج ولا تاخد مسكنات؟؟؟؟؟؟؟؟؟؟؟؟؟

- العلاج:- يتساب الدولار للعرض والطلب.

- المسكانت:- ثبت معدل صرف الجنيه المصرى امام الدولار الأمريكى.

- العلاج هيتعبك شويه، بس فى المستقبل أنت مش هتشتكى من المرض(الدولار) ده تانى.

- المسكانت عشين عليها من اربعين سنه.

- والنتيجه الأمة أصبحت جاريه عند الدولار!!!!!!!!!!!!!!