إعـــــــلان

Collapse

.

,
See more
See less

رد للناس اللى بتسال امتى العربيات هترخص و هترخص حقيقى و لا لأ و ليه؟

Collapse
X
 
  • Filter
  • الوقت
  • Show
Clear All
new posts

  • رد للناس اللى بتسال امتى العربيات هترخص و هترخص حقيقى و لا لأ و ليه؟

    الناس اللى بتسال امتى العربيات هترخص و هترخص حقيقى و لا لأ و ليه؟
    التاثير مش قبل 6 شهور لان طبعا مصر تاثرت بالازمة المالية العالمية بس مش بنفس قوة التاثير اللى حصل بره و التجار و التوكيلات عندهم العربيات مش عارفين يصرفوها زى الاول فالدورة لسه مبداتش
    الفكرة ان اسباب انخفاض اسعار العربيات:
    1-انخفاض تكلفة الشحن لان البترول نزل ل اقل من 50 دولار للبرميل بعد ماكان معدى ال120
    2-انخفاض قيمة اليورو بشكل كبير جدا من 8.40 ل 6.95 و دا يفرق كتير اوى فى سعر اى عربية اوروبية مثال خلينا فى الاوبل الفكتر لو التوكيل بياخدها ب 10000 يورو من المانيا و يدفع جمركها حوالى 55% و يضيف مكسبه (كل الارقام دى مش دقيقة , دا مثال شبه حقيقى )
    فمثلا 10000*8.4*1.55=130200 + مكسبه 30000 جنيه = 160000 (دا تمن العربية المانيوال)
    اما بعد سعر اليورو الجديد 10000*6.95*1.55=107725 يعنى فرق على الاقل 22000 جنيه ( و فى الحقيقة مفروض يكون اكتر) + مكسبه الى هما برده 30000 جنيه=137725
    دا مثال فعلا بس الفرق مش مفروض يقل فى الحقيقة عن 20000 جنيه بالعكس ممكن يزيد
    3-انخفاض اسعار مكونات العربية زى الحديد و كدا و كمان البترول اللى بيشغل المصانع بره فبالتاكيد سعر العربية هيقل بره و نفترض العربية قلت 1000 يورو و بقت ب 9000 يورو 9000*6.95*1.55=96952 (دا نفس المثال) بتاع الفكترا تخيل العربية سعرها يبقى كام بعد مكسب الوكيل ميعديش 125000 (دا مثال شبه حقيقى).
    4-الكساد و الركود فى جميع الاسواق العالمية ممكن يخلى الشركات المصنعة تقلل تمن العربية علشان يعرفوا يبيعوا!!
    5-مصر هتضرب بقوة من الناحية الاقتصادية لان بره فى بطالة و فى تسريح لناس كتييير اوى من الشغل فبالتالى السياح مش هيقدروا يجوا مصر فى اجازات و بالتالى قطاع السياحة اتضرب , العقارات صحيح الاسعار مقلتش بس فى كساد و ركود و عدم بيع و ناس كتير فلوسهم فى العقارات فبالتالى ناس كتير هياثروا , التجار و المستوردين استوردوا سلع باسعار غالية محدش راضى يشترى فحصل ركود و بالتالى اتاثروا جامد و كل المجالات مرتبطة ببعض و المصانع اللى بتصدر بره مصر مش هتصدر لان فى كساد فى الاسواق العالمية يبقى اتوقف حالها و الشركات هتقلل الانفاق فى مجالات الدعاية فبالتالى المجال هيضرب و البورصة واقعة و الناس خسرت اكتر من نص فلوسهم فيها فبالتالى فى مشكلة كبيرة للمتاعملين فى البورصة و دا كله هياثر بقوة على القوة الشرائية فى مصر و الناس مش هيبقى معاها سيولة تشترى عربيات فحيصل ركود كبير عند التوكيلات فلازم غصب عنها مهما كابرت ترضى بتقليل هامش الربح بتاعها!!!!
    6-المصريين اللى بيشتغلوا فى امريكا و اوروبا ممكن يسرحوهم(شوية منهم طبعا مش كلهم) و يرجعوا مصر و ممكن اللى شغالين فى الخليج حسب الازمة هتستمر قد ايه و هتاثر اد ايه علشان فى ناس مش فاهمة قوة الازمة و فى ناس فاكرة ان الخليج اغنياء و متاثروش بالازمة لأ بالعكس الخليج اتاثروا بشكل رهيييييييييب من الازمة لاسباب كتير اوى اهمها ان كل استثماراتهم فى امريكا و اوروبا , ممكن تشبه الازمة بان العالم كله بيفلس (دا مجرد تشبيه مش سليم علشان الناس تستوعب الصورة) فبالتالى التحويلات اللى بيبعتوها مش هتيجى فمحدش هيشترى عربيات طبعا

    تخيلوا كل العوامل دى تجتمع مع بعض مرة واحدة , تفتكروا اسعار العربيات تنزل قد ايه؟
    اكيد هتنزل الارض مش 6000-7000 زى ماناس فاكرة و لا حتى 10000 لأ اكتر بكتييير اوى.
    الناس اللى بتسال الكلام دا هيحصل امتى
    فى رايى مش قبل سنة و ممكن البداية بعد 6 شهور, ليه؟
    لان الدورة محتاجة وقت , اولا الناس لسه مش كلها حاسس جامد اوى بالمشكلة الاقتصادية فى مصر و فى ناس لسه معاها سيولة , لما كل الناس تتاثر بدل المبيعات متقل 40% هتقل 90% فبالتالى مفيش مفر ان التوكيل يقلل ربحه (دا لو مشالش الربح فى سبيل انه ميخسر فلوس زى المرتبات و الكلام دا) , تانى حاجة لسه اليورو نازل مكملش شهر و العربية بيتعاقد عليها التوكيلات قبلها بفترة و لسه توكيلات كتير مباعتش موديلات 2008 زى الاوبل و بالتالى لازم يخلصوا من الكمية القدية قبل مبيستوردوا بالسعر الجديد و نفس الكلام بالنسبة لاسعار الشحن الجديدة , ثالثا لسه التوكيلات بره مشترتش بالسعر الجديد المكونات بتاعت الانتاج فبالتالى لسه اسعار العربيات مقلتش .

    حاجة كمان مش كل ما التوكيلات تنزل السعر 5000 و لا 10000 كل الناس تجرى تشترى , لأ لان المرة دى التوكيل مش هيقدر يعمل الى بيعمله كل مرة و يزود السعر لأ , التوكيل فى مصيبة و العالم فى مصيبة معديتش عليه قبل كدا غير من 70 سنة فبالتالى سياسة الفهلوة المصرية بتاعت التوكيلات مش هتنفع المرة دى لان الزمة اقوى منهم بكتير و هما هيبقى عندهم مصايب!!

    فلااازم الناس تتاكد ان التخفيض لسه محصلش و مش هيصل قبل 6 شهور على الاقل(قول سنة)!!!! مستحيل قبل كدا و لو حصل اى تخفيض قبل كدا يبقى مجرد تخفيض فى هامش ربح التوكيل حاجة بسيطة علشان يبيع اللى فى المخازن فالناس مش لازم تتخدع وتجرى تشترى.

    التحفيض قادم قادم لا محالة ان شاء الله!!!
    محدش يسمع الكلام اللى بيقول كله فى جيب التجار , بيحاولوا يفهموا الناس كدا علشان يخلصوا من اللى عندهم
    الفكرة بس هى نسبة التخفيض دا قد ايه و امتى و اعتقد الكلام دا وضحته
    معاك 125000 و نفسك فى اوبل فكترا؟ و الله ممكن بس كل اللى مطلوب من الناس محدش يشترى نهائيا لحد ما التوكيل يبقى مجبر يسعرها بالسعر دا و شرحتلك ازاى ممكن يعمل كدا فوق و ممكن اقل كمان من 125000 تخيل انت بقا!!!
    الكلام اللى انا كاتبه فوق دا رايى الشخصى و دا ممكن اى شخص يحسبه بالعقل و المنطق معتقدش ممكن يطلع غلط بس الله اعلم طبعا
    عايزين نعمل موضوع فى القسم الاجتماعى و نعمل استطلاع للراى نشوف الناس اتاثرت بالازمة لحد دلوقتى جامد و لا لأ و اتاثرت قد ايه

  • #2
    المشاركة الأصلية كتبت بواسطة som3aa مشاهدة المشاركة
    4- كل اللى مطلوب من الناس محدش يشترى نهائيا لحد ما التوكيل يبقى مجبر يسعرها بالسعر
    ++
    كلام جميل جداااا...
    بس يا رب جشع التجار ما يغطيش على الموضوع وربحهم يزودوه مثلا بدل 30000 يستغلوا الموقف ويبقي ربحهم 40000 ويقنعوا الناس ان الازمه اثارت عليهم هما ..

    Comment


    • #3
      كلام حضرتك منطقى وسليم

      نتمنى ان يحدث

      لكن المشكله ان مصر لها خصوصيتها فهى فقط مع ارتفاع الاسعار العالميه فى حاله حدوثها

      لكن حينما تنخفض بيعملوا ودن من طين وودن من عجين وكان ليس لهم علاقه بالعالم الخارجى

      وهذه هى المشكله

      ايضا جشع التجار فالتاجر حينما يجد ربحا سريعا وكثيرا يطمع ولايقوم ابدا بخفض السعر حتى لو اشترى بثمن اقل بسبب الجشع

      شئ اخر وهو تسريح العماله فى شركات الغرب اعتقد انه مش هيخفض السعر للدرجه اللى حضرتك متخيلها لانه لازم يعوض الخسائر وقله الانتاج فى السعر فهيكون الانخفاض فى حدود بسيطه جدا وليس كما نتوقع
      [SIGPIC]http://www.nilemotors.net/Nile/signaturepics/sigpic3105_1.gif[/SIGPIC]
      Dr Ibrahim Saad

      Comment


      • #4
        يا ريت الاستاذ اللي كاتب هذا البحث العلمي يقولنا

        ليه الاسعار لما كانت في دول الخليج واوروبا والعالم كله برخص التراب كانت عندنا مولعة نار ليــــــــــــــــــــــــــــه؟؟ وماكتش في ازمات ولا حاجة

        هو ده ردي علي اللي بيتوقع ان الاسعار ممكن تقل والحياة تبقي وردية ونص الشعب يركب فيكترا والنص التاني يركب باسات

        وفي رأي الشخصي ان الوكلاء واصحاب المعارض حتما سيعوضون الخسارة بزيادة الاسعار ومش بعيد تبقي العربيات ليها سوق سودا بعد كدة نتيجة نقص الاستيراد

        اخي العزيز سيبها علي الله لان الكلام كتر اوي بدون اي اثاث علمي وكله تكهنات لا اكثر من الطموحين
        [CENTER][SIGPIC][/SIGPIC][/CENTER]

        Comment


        • #5
          المشاركة الأصلية كتبت بواسطة ToYoTa مشاهدة المشاركة
          ليه الاسعار لما كانت في دول الخليج واوروبا والعالم كله برخص التراب كانت عندنا مولعة نار ليــــــــــــــــــــــــــــه؟؟ وماكتش في ازمات ولا حاجة
          اقولك يا سيدى ان مصر بتفرض جمارك بتوصل لحوالى نصف ثمن السيارة بعكس دول الخليج و اوربا اللى معندهمش جمارك اساسا و مش محتاجين فلوسها .
          لكن عايزك تفسرلى التحذيرات المتوالية من شعبة السيارات للتجار و المستوردين بسرعة تصريف المخزون لديهم و عدم التوسع فى الاستيراد .
          و كمان حاجة لية كل الشركات بدأت تنزل الاسعار و شوفنا عروض مشفنهاش قبل كدة ، و اوعى حد يقول تصريف مخزون 2008 - عمرها ما حصلت ان توكيل ينزل 10000 جنية (زى الفيات) من تمن العربية عشان المخزون و كمان عمرى ما شفت قبل كدة العروض اللى بنشوفها دلوقتى .
          [B][SIZE=3][I]الثورة[/I] شىء جميل يفكر لها الاحرار ويقوم [I]بها[/I] الشجعان [I]ويفوز[/I] بثمارها [I]الانتهازيون[/I][/SIZE][/B]

          Comment


          • #6
            يا خبر بفلوس بكره حيكون ببلاش
            [COLOR="#2d26e3"][SIZE="7"][marq="3;right;3;scroll"]لا تقل: يا رب لي هم كبير ........... بل قل: يا هم لي رب كبير.[/marq][/SIZE][/COLOR]

            Comment


            • #7
              المشاركة الأصلية كتبت بواسطة ezzatfox مشاهدة المشاركة
              لكن عايزك تفسرلى التحذيرات المتوالية من شعبة السيارات للتجار و المستوردين بسرعة تصريف المخزون لديهم و عدم التوسع فى الاستيراد .
              و كمان حاجة لية كل الشركات بدأت تنزل الاسعار .
              اولا لو ان شعبة السيارات (اللي هي يهما مصلحة المستوردين مش مصلحة المواطن الغلبان) دي خايفة فعلا ع المستوردين وعايزة تحزرهم خوفا من انخفاض الاسعار ما كانش التحزير ده بقي ع الملأ وفي الجرايد العامة بل كان هذا التحذير من تحت لتحت لان طبعا الشعب هيقري الجرايد ومش هيشتري وهيقولك استني لما ترخص يبقي كدة الشعبة دي ضرت المستوردين اللي هما منهم في بعضيهم واقتناعا بمبدأ ان الحداية ما بتحدفش كتاكيت اذن يبقي التحذير ده الغرض منه تعطيش السوق لفترة ما يتبعها زيادة مبالغة في الاسعار وهذا ما حدث بالفعل يعني تخيل انت كل الناس امتنعت عن الشراء لمدة 3 شهور وبعدين كله هجم ع الشراء يبقي النتيجة ايه اكيد زيادة في الاسعار

              ثانيا كل الموديلات الجديدة بلا استثناء تمنها زاد وعندم الدليل في التويوت والانسر والمازدا والهوندا والشيفروليه وايضا الهيونداي ده حتي البريليانس

              لكن لو اتكلمت ع الفيات انها رخصت هقولك ان الموديلات اللي رخصتها دي
              ما كنش ليها اصلا سوق في مصر وما بتتباعش وما حدش بيفكر يشتريها وما فيش صنايعية بيفهموا فيها فطبعا التخفيض ده عشان يمشوا حالهم
              لكن تيجي لباقي العربيات هتلاقيها زادت اوي واسأل وانت تعرف

              هتقولي الالنترا رخصت 4000 جنيه هقولك ماهم شالو منها اوبشنز عشان يرخصوها ال 4000 جنيه دي
              هتقولي الفولكس نزلت 20000 الف في عربية هقولك ان العربية دي تقفيلها اصبح صيني وبقت هاتشباك
              يعني العملية محسوبة بالورقة والقلم
              والاسعار زادت يا جماعة ما رخصتش وانزلو لارض الواقع وانتو تعرفو الحقيقة
              [CENTER][SIGPIC][/SIGPIC][/CENTER]

              Comment


              • #8
                نسيت تذكر اهم سبب فى الاخر
                ان احنا فى مصر !!!
                [CENTER][SIGPIC][/SIGPIC][/CENTER]

                Comment


                • #9
                  المشكله ان المصريين عمرهم ما يجتمعوا على حاجه
                  وعمرهم ما يقفوا صف واحد
                  [sor2]http://www.syarat4sale.com/wp-content/uploads/2010/12/nissan-tiida-002.jpg[/sor2]

                  Comment


                  • #10
                    المشاركة الأصلية كتبت بواسطة ToYoTa مشاهدة المشاركة
                    يا ريت الاستاذ اللي كاتب هذا البحث العلمي يقولنا

                    ليه الاسعار لما كانت في دول الخليج واوروبا والعالم كله برخص التراب كانت عندنا مولعة نار ليــــــــــــــــــــــــــــه؟؟ وماكتش في ازمات ولا حاجة

                    هو ده ردي علي اللي بيتوقع ان الاسعار ممكن تقل والحياة تبقي وردية ونص الشعب يركب فيكترا والنص التاني يركب باسات

                    وفي رأي الشخصي ان الوكلاء واصحاب المعارض حتما سيعوضون الخسارة بزيادة الاسعار ومش بعيد تبقي العربيات ليها سوق سودا بعد كدة نتيجة نقص الاستيراد

                    اخي العزيز سيبها علي الله لان الكلام كتر اوي بدون اي اثاث علمي وكله تكهنات لا اكثر من الطموحين
                    والله يا تويوتا انا مش عارف احل لغزك....انت ليه كل ما واحد هنا ع السايت يتكلم عن التخفيضات تهاجهمه و تهبط من معنويات الناس اللى بتتابع التقارير؟؟؟!!! ايه مصلحتك فى كده مش عارف....على العموم انا احب اوضح ليك حاجة مهمة جدا "أثاث بالسين مش بالثاء و الصحيح بتاعها أساس....راجع كتاب القراءة 2 ابتدائى

                    Comment


                    • #11
                      المشكلة ان الناس فاكرة ان لما اسعار هاترخص هاتبقى العملية فل ومية مية والناس كلها هاتركب البي ام والمرسيدس.. مع ان المصيبة لما هاتيجي (او بمعنى اصح جت خلاص) مش هاتبقى على الناس دي بس لاكن هاتبقى على كله يعني لما العربيات هاتبقى باسعار اقل اكيد متوسط دخل الفرد مش هايبقى زي لما كانت العربيات دي بالاسعار القديمة والموضوع في الاخر نسبة وتناسب...
                      المشكلة ان ده كساد (وهيه مش مشكلة دي مصيبة)..
                      كساد يعني شركات بتقفل وبطالة واقتصاديات بتنهار وخد من ده كتير...
                      وربنا يستر علينا
                      .

                      Comment


                      • #12
                        يا جماعة افهمو بقى الفكرة من المنتدى ..الرأي و الرأي الاخر

                        زي ما الاخ شايف ان الاسعار هاتنزل فيه ناس شايفة انها مش هاتنزل..

                        مش معنى كده ان ده له مصلحة او ده له مصلحة..دي وجهات نظر و المفروض تحترم
                        Tyler_durden سابقا
                        المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب

                        Comment


                        • #13
                          يا ريت الاستاذ اللي كاتب هذا البحث العلمي يقولنا

                          ليه الاسعار لما كانت في دول الخليج واوروبا والعالم كله برخص التراب كانت عندنا مولعة نار ليــــــــــــــــــــــــــــه؟؟ وماكتش في ازمات ولا حاجة

                          هو ده ردي علي اللي بيتوقع ان الاسعار ممكن تقل والحياة تبقي وردية ونص الشعب يركب فيكترا والنص التاني يركب باسات

                          وفي رأي الشخصي ان الوكلاء واصحاب المعارض حتما سيعوضون الخسارة بزيادة الاسعار ومش بعيد تبقي العربيات ليها سوق سودا بعد كدة نتيجة نقص الاستيراد

                          اخي العزيز سيبها علي الله لان الكلام كتر اوي بدون اي اثاث علمي وكله تكهنات لا اكثر من الطموحين
                          اولا دا مش بحث علمى دا استنتاج مبنى على العقل و المنطق
                          اولا يا جماعة انا عارف ان التجار فى مصر غير بره خالص و عمر ما حاجة غليت و رخصت مع ان انخفاض فى اوروبا او الخليج
                          بس المرة دى الموضوع مختلف تماما و دا اللى الناس مش قادرة تفهمه
                          الفكرة ان العربيات تمنها هينزل بس للاسف الناس مش هيبقى معاها فلوس (سيولة )علشان تشترى العربيات دى (مش كل الناس طبعا)
                          الفكرة الناس فاكرة ازمة مالية عالمية دى حاجة بسيطة و احنا ملناش دعوة بيها و احنا لم و لن و لا نتاثر و الكلام دا
                          الكلام دا غلط 1000000 فى المية , اولا قطاعات كتير جدا حصلها ركود شديد زى العقارات (لا فى بيع و لا شراء ) و السياحة هيحصلها ركود شديد دى مش محتاجة كلام و البورصة نزلت اكتر من النص و ناس كتييير اوى فلوسهم فى البورصة او اجزاء منها دا غير كل اللى انا ذكرته فوق و البلد و كل العالم هيحصلوا ركود شديد اوى فغصب عن الناس مش هيبقى معاها فلوس تشترى حاجة و اللى معاه سيولة خايف عليها فبرده مش هيشترى.
                          اقدر اقولك ان العقارات ممكن متنزلش لانها استثمار بعيد المدى و عمر العقارات منزلت فى مصر انما العربيات دى سلعة يعنى التاجر مفروض يستورد و يبيع و يستورد تانى.
                          طيب لما هى سلعة ليه التاجر بيبالغ فى مكسبه و لو الاسعار قلت حاجة بسيطة بيضرب المكسب فى جيبه؟
                          علشان عدد اللى يقدروا يشتروا عربيات قليل غير الخليج مثلا فمثلا توكيل تيوتا فى السعودية لو بيبيع 100000 عربية سنويا فى المقابل التوكيل فى مصر بيبيع 20000 الف مثلا(الارقام مش صحيحة دا مجرد مثال) و كمان التوكيل فى السعودية بيبيع عربيات اغلى زى الكامرى و اللاند كروزر و عربيات غالية فمكسبه منها كبير جدا اما الوكيل فى مصر فبيبيع كورولا و ياريس بس فاكيد بيبيع اغلى علشان يقدر يبيع زيادة , دا غير الجمارك فى مصر فالعربية بدل متتباع ب 50000 بتتباع ب 80000 , السبب دا بيخلى التوكيلات فى مصر (دا غير طبعا ان فى توكيلات جشعة و الجشع يفرق من توكيل لتوكيل) تحاول تكسب على قد ما تقدر من العميل اللى عارفه انه يقدر يشترى علشان عددهم قليل.
                          السبب الرئيسى لنجاح الجشع دا ان الناس معاها سيولة لاسباب كتير اوى الفترة اللى فاتت و اهمها استثمارات الخلجيين اللى خلوا الشقة اللى تمنها 500 الف ب 2 مليون مثلا و الاراضى و كل العقارات و الشركات اللى يملكها المصريين تمنها تضاعف و فى المقابل تمن السلع زى العربيات و الالكترونيات ثابت فى العالم كله يعنى العربية اللى ب 10000$ فى امريكا مثلا او اوروبا تمنها بيتحرك بسيط كل كام سنة فالناس بقد تقدر تشترى اكتر من الحاجات الاستهلاكية دى لان معاها سيولة كبيرة اوى(بدليل انتشار الفظيع فى المرسيدس و البى ام و العربيات اللى فوق المليون بقت مرطرطة فى الشوارع) فالتوكيلات زودت الاسعار لان الناس برده بتشترى.
                          اما بعد الازمة فاصبر 6 شهور و شوف كده ايه الاخبار !
                          القدرة الشرائية هتلاقيها ضعيفة جداااااا , لا فى اراضى و لا شقق و لا اى حاجة بتتباع فى مصر و لا العالم كله فالتجار الجشعيين مش هيقدروا يستمروا على الارتفاع لان كتير منهم واخد قروض لازم يرضها بفوايد و كلهم عندهم مصريف شهرية رهيبة زى مرتبات و حاجات كده و عندهم مخزون مش عارفين يعملوا فى ايه فغصب عنهم بالعافية لازم يرخصوا!!!
                          صدقنى الضرر على مصر كبييييييييييييير جدددددداااااا فوق ما تتصور بكتييييييييير و عايز تتاكد لو يقدر حد يجيبلنا مبيعات مرسيدس و هيونداى الشهر دا و اللى فات و الشهر الجاى هتعرف مدى الازمة شكلها عامل ازاى على جميع المستويات.

                          بعدين فعلا فى عربيات انخفض تمنها منها الهيونداى و الفكترا و الاوكتافيا و الفيات و غيرها فى الطريق صدقنى و خصووووصا العربيات اللى باليورو بالذات اللى متصنعة فى اوروبا و متقفلة فى اوروبا مش الجيتا مثلا (معرفش الجيتا بيستوردوها باليورو و لا بالدولار)
                          تخيل العربيات دى انخفض تمنها و الازمة لسه تعتبر مبداتش ( فى اولها خالص) , طيب تخيل فى عمقها بعد 6 شهور و لا اكتر بشوية هتلاقى مصايب
                          بخصوص العربيات اليابانى مش هتنخفض كتير دا لو انخفضت اساسا لان الين زاد اوى فعلا يعنى الامر مش مجرد استعباط من توكيلات , لأ فعلا زاد فى خلال سنة من تقريبا 5 جنيه ل 5.7 و دى تفرق كتير اوى فى سعر العربيات
                          البريليانس تمنها مازادش هما كانوا ناويين من الاول ينزلوها ب 70000 بس كانوا عايزين يعملوا ضجة و بعدين يغلوها , المازدا و الهوندا و الشيفورليه مازادوش , الهوندا زودوا امكانيات و كانت اساسا وصلت 150 عند الموزعين مش شهور , بعدين لما ينزل عربية full options بسعر 175 الف مش لازم نعيب عليه لانه كان بينزلها فاضية تماما وب 143 و التاس بتشترى و بتشترى ب150 و كانت فاضية و الoptions اللى فيها تستحق الفرق دا , العربيات الالمانى هتنزل لسعر مقارب جدا لليابانى بسبب الانخفاض الرهيب قى اليورو!!

                          Comment


                          • #14
                            المشكلة ان الناس فاكرة ان لما اسعار هاترخص هاتبقى العملية فل ومية مية والناس كلها هاتركب البي ام والمرسيدس.. مع ان المصيبة لما هاتيجي (او بمعنى اصح جت خلاص) مش هاتبقى على الناس دي بس لاكن هاتبقى على كله يعني لما العربيات هاتبقى باسعار اقل اكيد متوسط دخل الفرد مش هايبقى زي لما كانت العربيات دي بالاسعار القديمة والموضوع في الاخر نسبة وتناسب...
                            المشكلة ان ده كساد (وهيه مش مشكلة دي مصيبة)..
                            كساد يعني شركات بتقفل وبطالة واقتصاديات بتنهار وخد من ده كتير...
                            وربنا يستر علينا
                            .
                            يا سلااااام جبت الخلاصة

                            Comment


                            • #15
                              الكلام دة جميل قوى بس لا اعتقد ان دة هيحصل فى مصر
                              مصر الوحيدة لو كل الدنيا رخصت هى الوحيده اللى بتغلى
                              والدليل لما البنزين غلى وقالوا دى زيادة فى العالم كله والبترول غلى فى العالم كله
                              وقولنا ماشى
                              طيب لما البترول رخص تانى
                              وفى دول خفضت تمن البنزين تانى
                              احنا هنا فى مصر عملوا ودن من طين والتانيه من عجين
                              وطبعا مش هينزل فى سعر البنزين ابدا بعد ما زودة غصب عن كل البشر رغم الاعتراض

                              احنا فى مصر

                              Comment

                              Working...
                              X