تجديد تصريح سيارة

[dr_rimon]

السلام عليكم
انا اشتريت عربية من سنة بتوكيل
و الرخصة بتاعتها كانت تصريح لمدة سنة
التصريح ده نهايته 23-10-2015
نهايةالضريبة 21-11-2016
الفحص 2017
دلوقتي ايه الخطوات اللي هعملها عشان اجدد التصريح ده؟؟

[fepsceasar]

روح بالتوكيل والتصريح القديم
وتستلم تصريح جديد ان شاء الله
انا كان اللى اشتريت منه مرخص سنة وخد تصريح تلات شهور وروحت بعد التلات شهوردول خدت التصريح الجديد
مش عرف ينطبق عليك نفس الكلام ولا لا

[أبو إياد]

اول خطوه نقل ملكيه
هاتروح المرور اللى تابع ليه العربيه وتطلب 2 شهاده بيانات ( للشهر العقاروى وللمرور اللى هاتنقل فيه )
وبالمره شهاده مخالفات
وتطلع على الشهر العقارى وتعمل عقد مسجل

الاوراق المطلوبه :-
بطاقه ساريه
رخصه العربيه
شهاده البيانات الموجهه للشهر العقارى
توكيل بيع العربيه

تانى خطوه ترخيص العربيه فى المرور اللى انت تابع ليه
الاوراق المطلوبه :-
بطاقه ساريه
رخصه العربيه
عقد بيع مسجل
شهاده بيانات
شهاده مخالفات

وهناك هاتتبع الاجراءات بدايه من الفحص