شحن العربية الزايد بوظلي البطارية !!!!!

[koko616]

عندي لانسر بومة
و كنت شاري لها بطارية AC Delco 55 امبير ... من سنة و 3 شهور
و انا متعود ان البطارية اقل حاجة بتقعد سنتين و اكتر

لقيت البطارية امبارح نفخت من الجناب و بدور العربية الصبح مش راضية تدور خااااااااااااااااااالص
البطارية ماتت

روحت للموزع اللي اشتريت منه ... قالي الضمان سنة بس و خلص ... و السبب في المشكلة دي ان شحن العربية بتاعتك زايد بيوصل ل 14.3 و ده هو اللي بوظ البطارية

كتاوت الدينامو بتطلع شحن زيادة ... فقولتله خلاص غير البطارية و هروح اشوف مشكلة الشحن عند الكهربائي فركبت بطارية جديدة من نفس النوع و روحت للكهربائي ..

قالي اصل فيه فيوز كان مكانه متغير هو اللي عمل مشكلة الشحن الزايد فرجعت لبتاع البطاريات تاني عشان يقيس الشحن بالجهاز ... قالي لسه زي ما هي

دلوقتي الكهربائي بيقولي لا العربية كده مفيهاش مشكلة الشحن مظبوط و بتاع البطاريات بيقولي لا الشحن زايد و لو البطارية الجديدة باظت انا مش مسئول عنها

فهل الرقم 14.3 ده كده فعلا زيادة ؟ و المفروض اتصرف ازاي ؟؟؟؟

[م أحمد]

جهد شحن الخلية 2.33 فولت للخلية.....نضربه فى 6 خلايا بتوع البطارية يطلع 14 فولت....دى القيمة المثالية

الزيادة عندك 0.3 فولت و دا ما تبوظش بطارية خاصة ان الجهد بيقل مع تحميل المكونات الاخرى فى السيارة غير البطارية

نرجع تانى لمدة سنة و 3 شهور برضه مش رقم وحش و مش حلو ...الكلام دا لو باظت بعد شهرين تلاتة

عمر ما الفيوز يغير من قيمة الشحن و الشحن مش زيادة عندك بصورة كبيرة ولا حاجة و شوف محل بطاريات تانى و خلاص

[besso]

الشحن ممكن يزيد ل15 ومايعملش مشكله ده مش عيب فى العربيه 14.3 ده طبيعى

[tameem2010]

الطبيعي والمثالي للعربية من 13.75 الى 14 فولت كشحن لبطارية السيارة

14.3 فولت مش مؤثر قوي
هو اينعم زيادة انما مش مؤثر

راجع القياس عند كهربائي تاني سواء على السلانسيه او عند التحميل على دواسة البنزين ده اولا
ولو فعلا 14.3 متشغلش بالك قوي

البطارية لما تقعد سنة ونص ده مش وحش في الاجمالي

[Mecha]

14,3 فولت مش كتير. اللي بعمل كدا البطاريه نشفت
لو سايله. او البطاريه اساسا كانت مركونه فتره في المحل قبل ما تتباع لك. وكالعاده الكدب وتلبيس العمم
بادعاء شحن الدينمو العالي اللي نادر الحدوث بالياباني.

[pepo2011]

الشحن كويس مش مشكلة والبطارية دي نصيب
بس الكهربائي ده برضو مش تمام مفيش حاجة اسمها فيوز شحن يأثر
تابعها كل كام يوم كده وشوف
وعموما سنة و 3 شهور مش وحش اوي

[koko616]

طب ايه هي الطريقة اللي ارجع بيها الشحن لمعدله الطبيعي لو حبيت ؟

[Mecha]

هو كدا الطبيعي
عاوز تلعب فيه حل الريجيلاتور في ضهر الدينمو
ودور ع الرجلاش واتحمل النتايج.

[koko616]

انا بس عايز اتفادى اي زيادة مستقبلية ... عايز ألحقه بدري بدري يعني لو فيه طريقة سهلة و موفرة