عندى باكيه ملك ومش عارف اتهنى بيها الرجاء المساعده

[goldenz]

السلام عليكم

بأختصار عندى باكيه اشترتها لما اشتريت شقتى والجراج مساحته كبيره تحت 3 ابراج متصلين ببعض .. للأسف نصف الجراج فى حد اشتراه وبيأجر فبيستغل الممرات وبيبيت عربيات فيه .. فطبيعى انا لو راكن وعاوز اطله لازم اطلع كل العربيات الى فى الممر ممكن تقول 10 عربيات وللأسف زهقت .. الراجل يقولى سيبلى المفتاح وحركنك فى مكان حلو .. بس انا مالك مش مستأجر .. ازاى ارضى بي ده؟

هل فى اجراء قانونى للموضوع ده؟ عشان مش من حقه يبيت عربيات فى الممر .. يعنى اصور الممر واروح للحى ولا اعمله محضر فى القسم ولا اعمل ايه بالضبط؟

طيب ممكن اخوفه بأى اسلوب تهديد بدل من اللجوء الى الحى ؟ لأن الحى تقريبا مش حيعمل حاجه .. طبيعى منتا فى مصر

ارجو الافاده ولكم جزيل الشكر

تحياتى
عمرو

[mr_green]

أعتقد حلك هو التفاهم معاه يسيب قدام الباكية بتاعتك فاضى

إنت تكسر فى الأرض 3 فتحات و تركب فيهم حديد بقفل أمام الباكية بتاعتك و إعمل الفتحة عميقة عشان ماتتشالش بالساهل و بعد ما تعمل إتكلم معاه و قولوا الجراج إركن مكان ما يعجبك لكن قدام باكيتى لأ
لا ضرر و لا ضرار

عند و قل أدبه قولوا إن كان عجبك بدل ما ندخل فى مشاكل مالهاش لازمه و دفاع مدنى و ضرايب و هازعلك و إن كان ليا عربية واحده تحت فإنت ليك 20 عربية و عربيتى متأمن عليها فبلاش ندخل فى سكة مالهاش لازمة

أنا لو جيت قدام باب شقتك و قفلته إنت هاتسكت ؟ خلص الكلام المهم الحزم و الشده

[graffittiii]

هو انا مش فاهم باكيه يعني ايه
بس لو مكان تركن فيه اعتقد هو مش هيمانع يبدل
يعني تركن انت ف مكان ناحية الخروج وهو ياخد مكانك عشان هو معاه مفاتيح العربيات وهيعرف يتعامل

[goldenz]

mr_green

شكرا لك اخى الكريم ..

المشكلة مش فى العربية الى قدامى المشكله فى الممر نفسه .. انا لو حطيت حديد برده مش حعرف اطلع لأن ممر الخروج بيحط فيه 10 عربيات بعد الساعه 12 بليل. وصعب اوى تقله متحطش عربيات فى الممر .. ممكن تقول بلطجه ولو مش عاجبك اشرب من البحر

انا بفكر اختار باكيه عشوائيه قرب ممر الخروج واقفلها بحديد وافاجئه وربنا يستر :D

[goldenz]

هو انا مش فاهم باكيه يعني ايه
بس لو مكان تركن فيه اعتقد هو مش هيمانع يبدل
يعني تركن انت ف مكان ناحية الخروج وهو ياخد مكانك عشان هو معاه مفاتيح العربيات وهيعرف يتعامل

باكية يعنى قطعة ارض فى الجراج تمليك تكفى سيارة واحده فقط .. بتشتريها من صاحب العمارة او صاحب الجراج وانتا حر تعمل فيها الى انتا عاوزه زى الشقة بالظبط وليها عقد ملكية.

[Salamonti]

من رأيي اتفق معاه على تبديل الباكية بواحدة تانية قريبة من المدخل..

[hugan]

من رأيي اتفق معاه على تبديل الباكية بواحدة تانية قريبة من المدخل..

+١١١١١١١١