شراء سيارة زيرو من المانيا

[Ayliz_2009]

السلام عليكم
اكيد كلكم سمعتوا عن موضوع الغاء الجمارك لى السيارات اللي 1300 سي سي او اقل.
طيب دلوقتي انا اقدر اجيب عربية زيرو من المانيا؟
هيكون مصاريفها كام (شحن، ضريبة، رسوم تنمية...) نقول مثلا ان سعرها 100000 جنية و طبعا انا هكون المالك الاول ليها هناك بس مش هتترخص هتتشحن على طول
انا لاقيت فولكس بولو و سكودا فابيا و سيات ليون
ارجو الافادة
شكرا

[Ahmed emad has]

مينفعش تشحن من غير مترخص الا بسجل تجاري وحاجات كتير كانك تاجر وهتبعها هنا زيرو . لو عاوز تدخلها استعمال شخصي لازم ترخص هناك وتبقي انتا المالك الاول وبتاخد خصم 10% بس الموضوع طويل واجراءات وحوارات كتير وفي الاخر هتجبها بنفس السعر اللي بتتباع بيه في مصر فملوش لزمة

[Ayliz_2009]

يعني لو انا مثلا اعرف حد تاجر يستوردها الموضوع ده هيفرق؟
اصل عشان ارخصها هناك لازم ادفع ضريبة و لو هشحنها على طول يبقى من غير الضريبة
فانا عايز اعرف لو في شركة استيراد هي اللي هتبقى في الصورة هيبقى ايه الموقف و الاجراءات التفصيلية؟

[محاسب صعيدى]

متابع باهتمام لان الموضوع بجد شيق جدا
وهل لو واحد معاه سجل شركة استيراد وتصدير ممكن يستورد سيارة خاصة لصاحب الشركة ولا اية النظام للاستعمال الشخصى للشركة

[Fawzy.Abdelnour]

اي حد يقدر يشتري عربيه و يشحنها من غير ترخيص، استخدام شخصي.
لو كذا عربيه هيكون لازم سجل تجاري و بطاقه ضريبيه و بطاقه استيراديه.

[abokoko]

اي حد تشمل المقيم للعمل وتشمل المسافر للسياحه ?

[Ayliz_2009]

اي حد يقدر يشتري عربيه و يشحنها من غير ترخيص، استخدام شخصي.
لو كذا عربيه هيكون لازم سجل تجاري و بطاقه ضريبيه و بطاقه استيراديه.

طيب ايه المطلوب في الحالة دي و المصاريف هتبقى كام؟
لو حضرتك تعرف حد ممكن نكلمه نسأله

[Ahmed emad has]

علشان تستوردها عن طريق شركة هتوصلك اغلي من السوق . عشان تستورد من غير ماترخص اللي اعرفه انا ان مينفعش تشتري اصلا لو كنت سائح و عشان تستورد زيرو لازم بطاقه ضريبة وسجل وما الي ذلك وقيمة اللي هتتدفعه في دخولها بالطريقة دي كتير . هتخلي تمن العربية اغلي من السوق . لو حضرتك ترخص هناك هتاخد خصم استعمال شخصي 10 % هتعادل قيمة ضريبة الترخيص اللي هتدفعها . عامة الموضوع ده متعب ومش مفيد و غب الاخر هتدفع نفس اللي هتدفعة في العربية لو جبتها من هنا .

[Ayliz_2009]

علشان تستوردها عن طريق شركة هتوصلك اغلي من السوق . عشان تستورد من غير ماترخص اللي اعرفه انا ان مينفعش تشتري اصلا لو كنت سائح و عشان تستورد زيرو لازم بطاقه ضريبة وسجل وما الي ذلك وقيمة اللي هتتدفعه في دخولها بالطريقة دي كتير . هتخلي تمن العربية اغلي من السوق . لو حضرتك ترخص هناك هتاخد خصم استعمال شخصي 10 % هتعادل قيمة ضريبة الترخيص اللي هتدفعها . عامة الموضوع ده متعب ومش مفيد و غب الاخر هتدفع نفس اللي هتدفعة في العربية لو جبتها من هنا .

ممكن حضرتك توضحلي اكتر يعني لو العربية مثلا ب ١٠٠٠٠٠ في ايه تفاصيل اللي هيتدفع؟ يعني عشان نقدر نقارن اكتر بقد ايه

[Fawzy.Abdelnour]

اللي اعرفه ان اي حد يشتري عربيه، مش مقيم هناك يبقي ماليكش ترخيص، انما تشتري و تشحن عادي.
المقيم فالخارج له تخفيض جمركي 10% علي اول سنة استخدام، و 5% للسنوات التي تليها، بحد اقصي 50%.
في شركات سيارات عامله برامج خاصة للاجانب اصلاً، و منها مرسيدس.

[Fawzy.Abdelnour]

شروط الاستيراد
1/ يسمح باستيراد سيارات الركوب بشرط أن يتم استيرادها في ذات سنة الموديل و ألا
يكون قد سبق استخدامها بحيث تكون السيارات مستوفاة لشرط العمر في تاريخ الشحن
أو فتح الاعتماد علي أن تتضمن شروطه أن يتم الشحن خلال سنة الموديل أو تحرير البيان الجمركي . ويستثني من شرط قانون تنظيم الإعفاءات الجمركية .
2/ و يتم استيفاء المركبات والعربات والسيارات لشرط العمر وقت الشراء أو التمليك بالنسبة للوارد منها للاستعمال الشخصي أو الخاص للمصريين المقيمين في الخارج للاستخدام الخاص وسيارات الركوب الخاصة بالمستثمرين في حدود سيارة واحدة لكل مستثمربموافقة رئيس الهيئة العامة للاستثمار والمناطق الحرة
ثانيا -
الخصومات الممنوحة للسيارات المستعملة الواردة للاستعمال الشخصي أو الخاص وذلك طبقا لاحكام المادة 29 من قرار وزير المالية رقم 10 لسنة 2006 باصدار اللائحة التنفيذية لقانون الجمارك رقم 66 لسنة 1963
- تمنح السيارات المستعملة التي ترد للاستعمال الشخصي أو الخاص اعتبارا من أول شهر أكتوبر لسنة الموديل :
- خصما قدرة 10 % من القيمة ( فوب ) وذلك حتى نهاية سبتمبر من العام التالي بشرط أن تكون مستوفاة للقواعد الاستيرادية
- وتمنح هذه السيارة التي ترد بعد ذلك التاريخ خصما قدره 5 % عن كل سنه تالية محسوبة اعتبارا من أول شهر أكتوبر من كل عام دون الإخلال بالخصم والشروط المشار إليها بالفقرة السابقة
- لا يجوز أن تزيد نسب الخصم المشار إليها بالفقرتين السابقتين عن 50%

[Ayliz_2009]

جميل الكلام
بس السؤال على عربيات جديدة مش مستعملة، و ايه هي المصاريف الكاملة؟

[Fawzy.Abdelnour]

في المانيا ينفع تسوقها كمان، بتجيب حاجه اسمها لوحات تصدير.
Export plates / transit plates delivery for export and transit

https://gallivant.wemarsh.com/german-export-plates/

[Fawzy.Abdelnour]

جميل الكلام
بس السؤال على عربيات جديدة مش مستعملة، و ايه هي المصاريف الكاملة؟

المصاريف الكامله هي سعر العربيه + الشحن + التأمين.
تحسب الجمارك و ضريبة المبيعات و رسم التنمية علي كده.

[Ayliz_2009]

ماهو انا اقصد الجمارك و الضريبة و رسم التنمية دول هيبقوا كام على عربية بسعرها 100000؟
في ظل ان الجمارك بقت 0