طريقة عمل اضاءة لغطاء محرك السيارة...بالشرح التفصيلى بالفيديو

[مصطفى-حسن]

طريقة عمل اضاءة لغطاء محرك السيارة
ـــــــــــــــــــ
فيديو انا عملتة علشان الناس اللى بتضطر تفتح كبوت السيارة بالليل لاى سبب ومبتكونش شايفة حاجة وبتعانى فى الضلمة

المكونات والطريقة سهلة وبسيطة وتنفع لغالبية العربيات


[youtube]https://www.youtube.com/watch?v=lFYZjslNZlA[/youtube]

[elnakshabandy]

مشكور ياستاذ مصطفى علي الشغل والمجهود الرائع

[مصطفى-حسن]

مشكور ياستاذ مصطفى علي الشغل والمجهود الرائع

العفو يا فندم وربنا يتقبلها فى صالح الاعمال

[hassanmm]

جزاك الله خير............

[rotanamasoud]

الله ينور يا مصطفى ليا تعليق
1-ممكن تستخدم سلك سمعات لان الليدات دى مبتسحبش امبير وحيكون رفيع وسهل الحشر والتمرير
2-الليداد اللى انت مختارها ملهاش كفر يحميها من الميه والتراب وطبعا الحوض بيتعرض لكل ده وممكن يبوظهم والافضل اختيار ليدات بغطاء او فى انواع وواتر بروف(طبعا اللى راكبين لو دخلت اى بنزينه وغسلت حيبوظو)غير الطريق والشتاء
ليا كمان اقتراح
ممكن تتعمل تنور اوتو عند فتح الكبوت بزرار تلاجه بس حيحتاج حد خبره لوضعه فى مكان صح وينضغط عند قفل الكبوت وممكن كمان يتعمل مع النور الصغير بحيث لو فتحت الكبوت بالنهار مينورش

[مصطفى-حسن]

جزاك الله خير............

الله يكرمك

[مصطفى-حسن]

الله ينور يا مصطفى ليا تعليق
1-ممكن تستخدم سلك سمعات لان الليدات دى مبتسحبش امبير وحيكون رفيع وسهل الحشر والتمرير
2-الليداد اللى انت مختارها ملهاش كفر يحميها من الميه والتراب وطبعا الحوض بيتعرض لكل ده وممكن يبوظهم والافضل اختيار ليدات بغطاء او فى انواع وواتر بروف(طبعا اللى راكبين لو دخلت اى بنزينه وغسلت حيبوظو)غير الطريق والشتاء
ليا كمان اقتراح
ممكن تتعمل تنور اوتو عند فتح الكبوت بزرار تلاجه بس حيحتاج حد خبره لوضعه فى مكان صح وينضغط عند قفل الكبوت وممكن كمان يتعمل مع النور الصغير بحيث لو فتحت الكبوت بالنهار مينورش

1 - استخدام سلك ضعيف فى حوض العربية فى الصيف والحر والشتا فكرة مش عملية

2 - اللدات دى انا مركبها فى عربيتى بقالها 8 شهور وبغسل الموتور والحوض كلة والكابوت وهيا راكبة وصامدة تمام

3 - لو عملت المفتاح اوتو مع فتح باب الكبوت يبقى معنى كدة ان النور هينور بالليل والنهار ودى فكرة مش عملية

الفكرة الوحيدة من كلامك اللى ممكن تكون عملية انى اعملة بمفتاح اوتو يكون متوصل مع نور العربية الصغير يعنى بشكل ابسط مينورش غير بالليل بس

واهلا وسهلا بكل اقتراح يضيف جديد

[ahmed.biso13]

الله ينور يا استاذ مصطفى
وانا احب الدماغ اللى بتشتغل
وعندى فكرة افضل وعملية وانا قمت بتنفيذها بالفعل
وهى ان الواحد يشترى كشاف ليد (شاحن)15جنيه والكشاف ده ليه عمر افتراض ده اكيد
واول حاجة بتيوظ فيه هى البطارية طبعا فاستحالة تصحله
فجات لى هذه الفكرة وهى وضع عدد 3 ليدات ابيض ثلجى( ليد صالون 48 ليد)
داخل الباغة الشفافة للكشاف
وبعد ذلك نقوم بتوصيله بسلك بطارية السيارةعن طريق عدد اثنين ماسك شبه الكماشة وسعر الاثنين
حوالى 5 جنيه
وهذا افضل مع احترامى لك ياستاذ مصطفى ليه؟
لان هناك اعطال قد تصيب داخل السيارة والواحد لازم يتحرك والليد معاه لانه لازم يشوفها كويس على سبيل المثال كاوتشة الكوبلن والبور وكذلك تيل الفرامل وكذلك شكمان السيارة وطبة زيت الماتور لو اتخبط الواحد لاقدر الله فى حجر مثلا
يعنى من الاخر بلادوس ليد وتكلفته حوالى 40 جنيه
وعلى فكرة فكرتك يا استاذ مصطفى اما عملتها فى شنطة السيارة والاضائة ابيض ثلجى
فهذا راى والله الموفق........

[rotanamasoud]

1 - استخدام سلك ضعيف فى حوض العربية فى الصيف والحر والشتا فكرة مش عملية
فى سلك سماعات محترم رفيع ومعزول وشعره جيد
2 - اللدات دى انا مركبها فى عربيتى بقالها 8 شهور وبغسل الموتور والحوض كلة والكابوت وهيا راكبة وصامدة تمام
طيب تمام بس الامن تكون واتر بروف
3 - لو عملت المفتاح اوتو مع فتح باب الكبوت يبقى معنى كدة ان النور هينور بالليل والنهار ودى فكرة مش عملية
عارف انها فكره غير عمليه لاكنها اقتراح
الفكرة الوحيدة من كلامك اللى ممكن تكون عملية انى اعملة بمفتاح اوتو يكون متوصل مع نور العربية الصغير يعنى بشكل ابسط مينورش غير بالليل بس

واهلا وسهلا بكل اقتراح يضيف جديد

انا كنت فكرات فى فكره فيشتين واحده فى الحوض وواحده فى الشنطه مع باردوس محمول تكون اكسترنال بور لاى جهاز كمان لان عندى كمبريسور هوا

[مصطفى-حسن]

الله ينور يا استاذ مصطفى
وانا احب الدماغ اللى بتشتغل
وعندى فكرة افضل وعملية وانا قمت بتنفيذها بالفعل
وهى ان الواحد يشترى كشاف ليد (شاحن)15جنيه والكشاف ده ليه عمر افتراض ده اكيد
واول حاجة بتيوظ فيه هى البطارية طبعا فاستحالة تصحله
فجات لى هذه الفكرة وهى وضع عدد 3 ليدات ابيض ثلجى( ليد صالون 48 ليد)
داخل الباغة الشفافة للكشاف
وبعد ذلك نقوم بتوصيله بسلك بطارية السيارةعن طريق عدد اثنين ماسك شبه الكماشة وسعر الاثنين
حوالى 5 جنيه
وهذا افضل مع احترامى لك ياستاذ مصطفى ليه؟
لان هناك اعطال قد تصيب داخل السيارة والواحد لازم يتحرك والليد معاه لانه لازم يشوفها كويس على سبيل المثال كاوتشة الكوبلن والبور وكذلك تيل الفرامل وكذلك شكمان السيارة وطبة زيت الماتور لو اتخبط الواحد لاقدر الله فى حجر مثلا
يعنى من الاخر بلادوس ليد وتكلفته حوالى 40 جنيه
وعلى فكرة فكرتك يا استاذ مصطفى اما عملتها فى شنطة السيارة والاضائة ابيض ثلجى
فهذا راى والله الموفق........

على فكرة انا معايا بلادوس صغير بسلك طولة 3 متر بتشتغل على الولاعة وبتطول كل حتة فى العربية بالاضافة للى انا عاملة

وبصفة عامة انت لو بتشتغل بايدك جامد فى العربية فهتكون معاك حاجات مش مع غيرك

انا عامل الفيديو دة كحل معقول جدا للاشخاص العاديين مش المحترفين

[مصطفى-حسن]

انا كنت فكرات فى فكره فيشتين واحده فى الحوض وواحده فى الشنطه مع باردوس محمول تكون اكسترنال بور لاى جهاز كمان لان عندى كمبريسور هوا

انا عامل بلادوس بسلك طولة 3 متر للشغل فى الاماكن اللى نور الكبوت مبيوصلش ليها

[Elawany13]

ما شاء الله ... تسلم ايدك شغل نظيف قوى

[aymanshebl]

الف شكر

[مصطفى-حسن]

ما شاء الله ... تسلم ايدك شغل نظيف قوى

شكرا جزيلا على التشجيع

الف شكر

العفو

[احمد الصباغ]

بداية شكرا جدا على الموضوع والمجهود المبذول لكن كمان شكرا على اختيار الفكرة انها حاجه كلنا بنتحتاجها ودا بناء على خبرة من وقفتى على السكك فى العربيه اللى كانت عندى
لكن ليا كام استفسار
الاول الفيوز المستخدم مقاسها كام لان تقريبا فيه مقاسات او انواع (مش عارف الصراحة)
ثانيا السلك المستخدم كام ملى
ثالثا ايه اللى ممكن اعمله فى السلك علشان يستحمل سخونية الماتور كنوع من الاحتياط الزياده
وسلام