عينيك زايغةةةةةةةةةةةة

[Ghamrawy]

لا مش بابص الا على حاجة غريبة تلفت النظر فيها جنط جديد مثلا نقشة كاوتش حلوة ،ديل شكمان جامد، فوانيس شكلها جديد

[bassemali]

الظاهر أن معظم أعضاء المنتدى عندهم نفس المرض اللي عند كريم ..... أنا كده بالضبط ده أنا لو ماشي بالعربيه وعربيه عجبتني راكنه على جنب ممكن أقف وأنزل أتفرج عليها مهما كانت أهمية المشوار اللي ورايا ........ ربنا يشفينا

[M.Mokhtar]

انا لما اشوف عربيه جامده بوقف ذى الصنـــــم وافضل اشوف فيهاايه وكمالياتهاايه وصاحبها معدل فيها ايه

وقبل اى شى بقول بسم الله ما شاء الله

لاحسن احسدها

وابص لعربيتى واقول الحمد لله ان معايا عربيه وفيه غيرى مش لاقى مواصلات

خلى بالك احسن يكون صاحب العربيه قاعد وشايف المنظر من بعيد :)

انا بحب اعمل زيك كده بس بخاف صاحبها يشوفنى يقول عليا حرامى :(

[mody_moka]

مفيش حد مش بيبص جمبه


كلنا بنحب نتفرج ع العربيات الجامده اللى بتعدى او تبقى قدامك


بس انا عن نفسى عنيا بتروح كتير اوى ع المزز لو فيه واحده تستاهل


ده مرض في الشباب كلها انها لو شافت بنوته حلوه بتقعد تبص عليها وممكن تشد معاها وترخم عليها كمان لو الطريق يسمح :d وكذلك ف العربيات لو شفت عربيه وشدتك اكيد لو قدامك هتفضل لازق فيها وتمشى براحه عشان تتفرج عليها

ربنا يهدينا ويشفينا جميعاً

[karkar]

العربيات اصلا كترت جدا بس اجمد حاجة لما تشوف عربية جامدة جدا وجواها واحدة اجمد منها

[MoToRiZeR]

الحقيقة فيه بورش كاريرا كابروليه بشوفها كتير عالمحور و الصحراوي اليومين دول فا طول منا ماشي قاعد أدور عليها .

[mohamed_rhem]

بصراحه ده مشكله عندي
كذا مره اشد ورا عربيه علشان اتفرج عليها كويس
وكذا مره كنت حخبط في حد علشان مش باصص في طريقي

[Rafraf]

3an nafsi mfish 3rbyat btshdni wna sai2

ya3ni ba5leni f tri2i w kman mafish 3rbyat 3'ariba bt2ablni

kolo mn el no3 el ma3rof

enma lo 3arbya gamda momkn aseb el 3rbya tmshi w anzl atfrg 3leha :D

ana mara mn kam sana kda kont awl mara ashof el x5

w kant mtfima eswd ko7llll

wna 3mal abos gwaha w a2ol eh el gmal da eh el 7lawa di ya salam

w hop ala2i sa7b el 3rbya byfta7 el ezaz w y2oli t7eb ta5odha lafa!!!

sebto w 3amlt nafsi hendi

etksft kasfa :@

alah maywriko:D

batlt mn sa3tha abos 3la 7agt el nas :D

[pro_samir]

بتهيالى الموضوع دة اصلا حاجة فطرية يعنى الرجالة بطبعهم بيحبو العربيات زى الخيول زمان

الآية:
(زُيِّنَ لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ الدُّنْيَا وَاللّهُ عِندَهُ حُسْنُ الْمَآبِ )

الخيل المسومة واكيد العربيات دلوقتى

بس المفروض برضو الموضوع ميكونش فراغة عين يعنى لان برضو ربنا بيقول

(وَلَا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِّنْهُمْ زَهْرَةَ الْحَيَاةِ الدُّنيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى )

القناعة كنز لايفنى :d

أى خدمة قلبتلكم الموضوع درس وعظ

[Mystique]

أنا تقدر تقول كده
شاب مزوااااااااااااااااااااااااااااااااااااااج
يعنى لو انا مليونير مثلا هتلاقينى كل شهريت تلاتى بايع عربيتى وراكب عربية تانية
جديدة او مستعملة
كل عربية مهما كانت ليها طعم خااااااااااااااااص مختلف عن التانية
اما فى الشارع بأه فطول منا ماشى او راكب بس مش سايق بتفرج على العربيات
و لو جيت أعدى الشارع و لقيت عربية عجبانى جاية
اسيبها تعدى الاول من قدامى عشان اتفرج عليها و ممكن اكون شوفتها ميت مرة قبل كده
بس برده اتفرج تانى لدرجة انى بقيت بعرف ماركة العربية من المراية..الرفرف..فانوس الاشارة الجانبى
اى حاجة
و انا سايق بأه بتفرج برده بس مش بحرية اوى عشان الطريق
بس ساعات كده أقول لوالدى فجأه بص العربية اللى جاية من ورايا دى
دى ملهاش حل و فيها كزا و كزا و سعرها
بس هوا بقى بيفضل يصرخ ( ركز فى الطريق و سيبك من اللى جاى و اللى رايح هتموتنا)
لو حد عنده حل لحالتى دى يلحقنى بيه

تقريبا كريم باشا رد عننا كلنا

أنا لما ببقى بالليل مش بعرف أبص قوي على العربيات واتلوح عشانها لحسن يكون جواها ولاد يفتكروا ان انا معجبة بيهم..لأن الواحد فيهم ساعات يلاحظ اني باصة ناحية عربيته يقوم يأمرك ولا يعمل حركات..فأنا مش ببص على العربيات الا بالنهار من ورا نضارة الشمس
بس مؤخرا عينيا مبقتش بتزوغ قوي لأن خلاص نادر لما اشوف عربية مميزة..كله بقى في منه كتير وعادي بقى

[نور القمر]

نايل موتورز ده لحس لي مخي
وعلمني زواغة العين
طول منا ماشية ابص على العربيات واقارن انهي شكلها احلى
ولو في عربية بيشكروا فيها في المنتدى ومش عارفه شكلها افضل ادور عليها في الشارع علشان اتعرف عليها يمكن تعجب بيا هي كمان
ولو عربية عجبني شكلها في الشارع قلبي بيرفرف على طول ولازم ولابد كل البد اعرف ماركتها ايه وادور على اراء الناس هنا فيها

[FLYINGPEUGEOT]

أية يملى عينى غيرك يالوزة بس ....:coolgleamA: :k4:


لو كانت إمرأة لتزوجتها :k1::k9:

[youssefmustang]

انا ببقى باصص على المرايات لكن لو واحدة سايقة بسيب البنزين والعربية كلها ماشية وبفضل باصص عليها مش عارف مع انى اخد كذا قفا من ابويا بسبب الموضوع دع وبردو مش عارف اركز طول مافى واحدة سايقة عربية جنبى
ربنا يستر علينا من الحريم وقرفهم
اخوكم يوسف

[Jato.33]

كل عربية مهما كانت ليها طعم خااااااااااااااااص مختلف عن التانية
اما فى الشارع بأه فطول منا ماشى او راكب بس مش سايق بتفرج على العربيات
و لو جيت أعدى الشارع و لقيت عربية عجبانى جاية
اسيبها تعدى الاول من قدامى عشان اتفرج عليها و ممكن اكون شوفتها ميت مرة قبل كده
بس برده اتفرج تانى لدرجة انى بقيت بعرف ماركة العربية من المراية..الرفرف..فانوس الاشارة الجانبى
اى حاجة
و انا سايق بأه بتفرج برده بس مش بحرية اوى عشان الطريق
بس ساعات كده أقول لوالدى فجأه بص العربية اللى جاية من ورايا دى
دى ملهاش حل و فيها كزا و كزا و سعرها
بس هوا بقى بيفضل يصرخ ( ركز فى الطريق و سيبك من اللى جاى و اللى رايح هتموتنا)
لو حد عنده حل لحالتى دى يلحقنى بيه

وأنا كمان بس مش عايز أخف

حلي الوحيد إني أركب BMW ساعتها بس هركز ومش هبص على حد تاني

"العربيات نعمة وإلي يكرههم يعمى"

[نور القمر]

انا ببقى باصص على المرايات لكن لو واحدة سايقة بسيب البنزين والعربية كلها ماشية وبفضل باصص عليها مش عارف مع انى اخد كذا قفا من ابويا بسبب الموضوع دع وبردو مش عارف اركز طول مافى واحدة سايقة عربية جنبى
ربنا يستر علينا من الحريم وقرفهم
اخوكم يوسف

عل فكرة حضرتك فهمت الموضوع غلط
المقصود عينه بتزوغ على العربيات مش على اللي جوه العربيات
ربنا يهدينا اجمعين