سؤال بخصوص الفحص

[Dr\Mohamed]

السلام عليكم
لو سمحتم انا معايا عربية هيونداي اكسيل موديل 97 بقالها سنة
العربية فابريكة لسه والحمد لله
بس المشكلة ان الكبوت بوهيته محروقة من الشمس والوقتي محتاج افحص واجدد الرخصة

هل هتعدي في الفحص ولا لازم ارش الكبوت؟
انا طبعا مش عايز ارشه علشان اعادة البيع
العربية لونها موف

[svneleven]

لازم ترشها يا اما تفتح مخك مع بتوع الفحص.

[Elawany13]

اعمل الصح وبلاش حكاية تفتيح المخ والرشاوى ديه

[dr.mero90]

اعمل الصح وبلاش حكاية تفتيح المخ والرشاوى ديه

دا الكلام المظبوط يا فندم و بعدين احسبها هتلاقي حضرتك كده كده هاترش الكبوت يعني الرشوه اللي هاتدفعها كانك بترمي فلوسك ف الارض
ربنا يهدينا كلنا يا رب و نبطل تفتيح المخ لان ده اللي خلاهم بقو بيطلبو بقلب جامد و بقو بيوقفو المصالح عمدا عشان تفتح مخك

[Dr\Mohamed]

ربنا يكرمكم يا جماعة
شكرا ليكم كلكم

انا مش بمشي في السكك دي ومش بدفع رشاوي نهائي والحمد لله وخلصت عربيتي قبل كده السنة اللي فاتت بدون مليم حرام
لكن دي عربية اختي وانا كنت بسأل عن الوضع هيبقى ايه لو اللون محروق من الشمس هل المرور له دخل ولا مش بيعلق على حاجة زي دي؟

ربنا يهدينا ويغنينا بالحلال ويتوب على اللي بياخد قرش حرام

[dr.mero90]

ربنا يكرمكم يا جماعة
شكرا ليكم كلكم

انا مش بمشي في السكك دي ومش بدفع رشاوي نهائي والحمد لله وخلصت عربيتي قبل كده السنة اللي فاتت بدون مليم حرام
لكن دي عربية اختي وانا كنت بسأل عن الوضع هيبقى ايه لو اللون محروق من الشمس هل المرور له دخل ولا مش بيعلق على حاجة زي دي؟

ربنا يهدينا ويغنينا بالحلال ويتوب على اللي بياخد قرش حرام

ربنا يبارك ف حضرتك و يكفيك شر الحرام
كلام ف سرك المرور اليومين دول بالذات بيتلكك علي اي حاجه و احسن حاجه انك ترش الكبوت عشان مفيش واحد يكون مضروب شبشبين قبل ما ينزل من بيتهم و يطلعهم علي حضرتك رش الكبوت ع الاقل عشان منظر العربيه و لو حد فتح بؤقه معاك اضرب صوابعك ف عينه
ما تقولش عليا شرير و النبي ههههههههههههه

[tameem2010]

اساسا مش هيسال ولا هيهتم بموضوع البوية
كبر مخك
ولو زرجن فوت له بريزة يا معلمي !!(بصوت غزال في فيلم حماتي ملاك )

[dr.mero90]

اساسا مش هيسال ولا هيهتم بموضوع البوية
كبر مخك
ولو زرجن فوت له بريزة يا معلمي !!(بصوت غزال في فيلم حماتي ملاك )

ههههههههههههه انت شيطان و لا ايه ههههههههههه يعني احنا بنقنع الراجل يبعد عن الرشوه و انت بتقوله يدفع ههههههههههه
بهزر مع حضرتك طبعا

[Elawany13]

ربنا يكرمكم يا جماعة
شكرا ليكم كلكم

انا مش بمشي في السكك دي ومش بدفع رشاوي نهائي والحمد لله وخلصت عربيتي قبل كده السنة اللي فاتت بدون مليم حرام
لكن دي عربية اختي وانا كنت بسأل عن الوضع هيبقى ايه لو اللون محروق من الشمس هل المرور له دخل ولا مش بيعلق على حاجة زي دي؟

ربنا يهدينا ويغنينا بالحلال ويتوب على اللي بياخد قرش حرام

ربنا ييسرلك الحال

انا لسه مجدد ودخلت الفحص الفنى الاسبوع اللى فات فى طنطا
وعندى حكة فى اول الرفرف الامامى عند الكابوت وعندى فردة مساحة زجاج ناقصة ومحدش كلمنى ولا أخد باله ... كل اللى خد باله منه هو النمرة الامامية كانت باهته شويه وعايزه تتلون اسود وكان معايا قلم السبورة الاسود وعملتها وبقت زى الفل

حتى الطفاية كنت استعملتها وروحت لمحل واعاد ملئها وادانى شهادة صلاحية سنة والحمد لله تمام

[tameem2010]

ههههههههههههه انت شيطان و لا ايه ههههههههههه يعني احنا بنقنع الراجل يبعد عن الرشوه و انت بتقوله يدفع ههههههههههه
بهزر مع حضرتك طبعا

انا بفهمه الواقع .. مبحبش اعيش في اليوتوبيا

[dr.mero90]

انا بفهمه الواقع .. مبحبش اعيش في اليوتوبيا

للاسف حضرتك عندك حق هو ده الواقع ان الجنيه بيمشي ف اي مكان و يخليك تدوس ع القانون نفسه للاسف

[tameem2010]

للاسف حضرتك عندك حق هو ده الواقع ان الجنيه بيمشي ف اي مكان و يخليك تدوس ع القانون نفسه للاسف

اكلمك بصراحة بقى
انت دلوقتي هتدفع ليه ؟
انت هتدفع عشان تاخد حقك مش عشان تاخد حق غيرك او تمنع حق غيرك ده اولا
انت بتحاول تجيب حقك
طيب مش هتجيب حقك الا لما تدفع
يبقى هتدفع مضطرا
بس انت قلبك مطمئن لكده ولا انت مكره ؟
اكيد انت مكره
يبقى لا حرج عليك
انا مش بحلل ولا بفتي
انا بقول الواقع وبقول اللى انا نفسي بحس بيه
انا مش هدفع عشان اخد حق مش حقي ولا هدفع عشان امنع حق غيري
انا هدفع عشان اجيب حقي ومضطر اعمل كده ومعنديش بديل
يبقى اعمل ايه ؟

[dr.mero90]

اكلمك بصراحة بقى
انت دلوقتي هتدفع ليه ؟
انت هتدفع عشان تاخد حقك مش عشان تاخد حق غيرك او تمنع حق غيرك ده اولا
انت بتحاول تجيب حقك
طيب مش هتجيب حقك الا لما تدفع
يبقى هتدفع مضطرا
بس انت قلبك مطمئن لكده ولا انت مكره ؟
اكيد انت مكره
يبقى لا حرج عليك
انا مش بحلل ولا بفتي
انا بقول الواقع وبقول اللى انا نفسي بحس بيه
انا مش هدفع عشان اخد حق مش حقي ولا هدفع عشان امنع حق غيري
انا هدفع عشان اجيب حقي ومضطر اعمل كده ومعنديش بديل
يبقى اعمل ايه ؟

و الادهي من كده ان انت لو منعت نفسك من الدفع هتلاقي الف غيرك يدفع عشان ياخد حقك اللي انت نفسك فيه
يا فندم كلنا مظلومين ف البلد دى عايشين مقهورين تدفع تعدي تدفع تاكل تدفع تتجوز تدفع تعيش ف احلا مكان تدفع تركب احسن عربيه تدفع تحبس حد مضايقك تدفع تاخد حق حد تديه لحد تاني
للاسف العيشه بقت كلها تدفع تاخد ما تدفعش ما تاخدش و بالرغم من انى انا و انت و غيرنا كتير من جوانا مكرهين ع الموضوع ده بس بتدفع عشان تاخد حقك و تقف باحترامك و تاخد دورك طالما مالكش واسطه ف البلد دي يبقي واسطتك قرشك يا فندم للاسف معظم الناس كارهين الموضوع بس بتدفع بردو نفسي يجي علينا يوم ناخد ابسط حقوقنا من غير ما ندفع ابسط حق من حقوقنا اننا نعيش بني ادمين بكرامتنا و نبقي كلنا زي بعض و يبقي القانون واحد ع الكل ساعتها هاتحس بالرضا من جواك عن نفسك و عن حالك بس للاسف القانون بوشين وش لحضرتك و ليا و وش للبهوات اصحاب البلد دي و طبعا حضرتك فاهم هم مين يا فندم لو تقدر تاخد حقك من غير ما تدفع كان زمانك قدرت تفييم عربيتك عشان اختك و مراتك و امك راكبين معاك كنت تقدر تعمل الشغل اللي نفسك فيه ف عربيتك اللي هي من حر مالك و كمان بتدفع ايجار للدوله عشان تعرف تمشي بيها (طبعا دي الضريبه و التامين الاجباري ) حضرتك لو بصيت بمنظور سليم هتلاقي نفسك كده كده بتدفع حتي الرشوه بقت بالقانون حتي القانون نفسه بقي يرتشي
حسبنا الله و نعم الوكيل ف كل واحد يظلم بني ادم او ياكل حقه او يبدل حق الناس او يفتكر ف قراره نفسه انه احسن من باقي الناس

[Elawany13]

احنا مش عايشين فى المدينة الفاضلة ولا نيله
بس انا بدعوه انه يبعد عن الرشوة ولا يستسهلها لان الراشى مشترك فى الاثم مع المرتشى
ويتعب ويحتسب هذا التعب عند الله وربنا هيكرمه ويجازيه خير على تعبه ده
انا عندى موتوسيكل وعربية وبجدد رخصى ليهم من أواخر التسعينات وعمرى ما دفعت رشوة
مره بتعب ومره بتعدى وربنا بييسر