هل فكرت مرة في مساعدة رجل مسن او سيدة مسنة بسيارتك

[eng_mohamedagamy]

احب ان اطرح على حضراتكم فكرة
هلى فكرت في مساعدة شخص مسن تعرفه أو لا تعرفه و توصله الى اقرب مكان لوجهته؟
1- لا اعتقد انها فكرة سليمة
2- فكرة جميلة و سوف احاول تطبيقها
3-اخاف ان يكون هذا الشخص ينتمي الى تشكيل ارهابي و يخطفني انا و سيارتي .
4- عمري ما فكرت و لا ح افكر في الموضوع ده

احبائي... اخواني المحترمين اعضاء هذا المنتدى العظيم
فكرة بسيطة ... مش ح تكلف سيادتك سوى القليل من وقتك ... سوف تلقى ثواب كبير ... ويبارك الله لك في سيارتك .
حاول مرة تنقل او حتى تقرب المسافة بسيارتك....لأحد كبار السن الذين يقفون لساعات في انتظار المواصلات و لا يجدون الا البهدلة ... يا ريت نفكر في غيرنا ولو شوية و ربنا يوفق الجميع لعمل الخير ... ان شاء اللله

[OlaOsman]

انا عن نفسي باكون على أتم الاستعداد اني اعمل حاجة زي دي، خصوصا لو مسنين و مش قادرين يقفوا يستنوا حاجة، بيصعبوا علية اوي.

للأسف هتلاقي معظم الناس هنا بيخافوا يركبوا حد معاهم عشان الدنيا ما بقتش امان و كده

[Rsarabia]

مستحيل اعمل كدا لان دايما دايما على الطريق و انا بلف كل يوم الصبح بيكون فى ناس واقفين و بيقعدو يشاورو لاى حد معدى طيب انا لو ركبت هذا الشخص الغريب ايه ضمننى انه يكون حرامى ؟؟ او عاوز يموتنى وياخد العربية مثلا ؟؟ او يكون تبع عصابة او او او او طب و ليه اعرض نفسى للخطر ؟

[OlaOsman]

هو انا مش باتكلم عن الناس اللي بيشاوروا، انا باتكلم عن حد مسن واقف في حاله مستني حاجة يركبها، يعني لا شاور و لا عمل اي حاجة.

[eng_mohamedagamy]

اكيد حضرتك عندك نظرة في الانسان اللى واقف ده... و عمر اللي يعمل خير ما يلاقي شر ... توكل على الله و ساعد كبار السن المحتاجين...

[eng_mohamedagamy]

انا عن نفسي باكون على أتم الاستعداد اني اعمل حاجة زي دي، خصوصا لو مسنين و مش قادرين يقفوا يستنوا حاجة، بيصعبوا علية اوي.

للأسف هتلاقي معظم الناس هنا بيخافوا يركبوا حد معاهم عشان الدنيا ما بقتش امان و كده

الدنيا بخير... و الرسول (ص) يقول في حديث ما معناه (الخير في و في امتى )...لا تخافي ما دمتي تفعل الخير لوجه الله ... و جزاكم الله خير

[pro_samir]

فى أحيان كتير وخصوصا لو حد واقف فى الطريق نفسة يعنى مش فى مكان ممكن يلاقى مواصلة بسهولة سيان بقى واحدة ست او راجل او ست ومعاها ولد صغير ايا كان مش بتفرق

وبخاصة لو مشاورليش بيبقى الموضوع مطمئن شوية

بس المشكلة انة لما تبقى بالليل الموضوع بيبقى قلق والواحد بيبقى متأذى انة مش بيقفلهم حتى لو واحدة ست لان انت ممكن تقف تلاقى اللى طلعو عليك من تحت الارض

ومرة فى حادثة مشهورة حصلت فى طنطا اتنين منتقبات ركبو تاكسى وطلعو مطاوى ثبتو السواق واللى راكب جنبة وخدو منهم كل الفلوس ونزلو وطبعا محدش منهم قدر ينطق
واكيد دول مكانوش ستات يعنى

فالموضوع بيكون تقديري على حسب الموقف نفسة

[دموع الثلج]

كل ما تتاح الى الفرصه ويكون شكل السيده لا يثير القلق لدى

بركن على طول وبقولها انا طريقى كذا

لو تحبى اوصلك معايا وسيدات كثيره بيركبوا معايا او بنات شكلهم محترمين

عادى يعنى هو انا هموت موته غير اللى ربنا كاتبها لى

كل شى مقدر ومكتوب الواحد يصلح النيه ويتوكل على الله

ومن توكل على الله كفاه

[OlaOsman]

كل ما تتاح الى الفرصه ويكون شكل السيده لا يثير القلق لدى

بركن على طول وبقولها انا طريقى كذا

لو تحبى اوصلك معايا وسيدات كثيره بيركبوا معايا او بنات شكلهم محترمين

عادى يعنى هو انا هموت موته غير اللى ربنا كاتبها لى

كل شى مقدر ومكتوب الواحد يصلح النيه ويتوكل على الله

ومن توكل على الله كفاه

كلام سليم :)

[youssefmustang]

اى حد ممكن اعرفه او ساكن فى المنطقة اللى انا فيها لكن غير كده يولع بجاز وانا ايش عرفنى ما ممكن يطلع من الحكومة وعايز يشيلنى او يلبسنى قضية على الفاضى.
شكرا.... اخوكم يوسف

[OlaOsman]

اى حد ممكن اعرفه او ساكن فى المنطقة اللى انا فيها لكن غير كده يولع بجاز وانا ايش عرفنى ما ممكن يطلع من الحكومة وعايز يشيلنى او يلبسنى قضية على الفاضى.
شكرا.... اخوكم يوسف

طبعا انت حر في موقفك، انما عندي سؤال: ليه يولع بجاز؟ :)

[mohamed_kta]

السلام عليكم

و الله أنا شايف الموضوع يتلخص فى " كما تدين تدان " يعنى لو انت معاك عربية النهارده الله أعلم بكره فيه أيه ، وكمان مسيرك هتبقى مسن فى يوم من الأيام إنشاء الرحمن . مش كده ولا أيه

ياريت مننساش برضوا زى ما الأخت "دموع الثلج" قالت لو شاب شكله مثلاً ابن ناس و واقف فى البرد فى المطر فى عز الحر تزكى عن عربيتك و تركبه و ربنا يتقبل .

[eng_mohamedagamy]

اى حد ممكن اعرفه او ساكن فى المنطقة اللى انا فيها لكن غير كده يولع بجاز وانا ايش عرفنى ما ممكن يطلع من الحكومة وعايز يشيلنى او يلبسنى قضية على الفاضى.
شكرا.... اخوكم يوسف

عموما كويس ان حضرتك تبدأ بمن تعرف أو بمن يسكن في منطقتك ... بس من فضلك سيب الناس التانية من غير ما يولعوا بجاز ....