أريد القول الفصل أفادكم الله

[wael_wakeel]

إخوانى ..
أنا باختصار معايا 30.000 ج.م.
وفى شهر 9/2008 كده كنت خلاص نازل أدفع مقدم بيكانتو أوتوماتيك حاجة كده على قدى تمشينى وتريحنى ويبقى اللى فاضل من تمنها على الأقساط ميضلعنيش كل شهر ومش محتاج أنا عربية كبيرة وكده .. المهم ... ثم حدث الآتى ... لقيت ثلاثة زمايلى نطوا على راسى وقالولى
إوعى وعلى الله وحذار تشترى دلوقتى .. قلتلهم ليه ؟ .. قالولى لأن الأسعار هتنزل على شهر 1/2009 عشان انهيار الاقتصاد الكونى واتفاقية أغادير وكلام مجعلص و كبير خضنى بصراحة وقررت إنى أستجيب وأصبر حرصاً على الفلوس اللى طبعاً مش جاية بالساهل وطبعاً خوفاً منهم لأن شكلهم إنى لو نزلت ساعتها كنت هنضرب .. لكن أنا من ساعتها عمال أسمع كلام كتير ،
بعضهم بيؤكد إن العربيات هترخص والبعض بيؤكد أنها مش هترخص واحتمال تغلى .. ولكل منهم شواهده والدلائل التى لا أستطيع تصديقها أو تكذيبها ,,
والسؤال يا رجال :

1- هل فعلاً العربيات هترخص و أصبر على دفع المقدم ؟
ولغايت يناير ولا ساعتها هيقولوا اصبر كمان 3-4 شهور ؟

2- بالمقدم اللى ذكرته حوالى 30.000 ج.م. وإجمالى سعر قبل
حساب الفائدة حوالى 70.000 ج.م. هل فى عربية أفضل من
البيكانتو أوتوماتيك فى نفس المساحة السعرية دى ؟

أفيدونى أفادكم الله ..

[mohamed hatem]

بص يا سيدي ...............في بلدنا لا يوجد مجال للتصديق الا عند حدوث الواقعه

بمعنى ان محدش يعرف اي حاجه .....حتى لو في قرار او قانون فعلا صدر برده مش هتعرف امتى هيتنفذ لان مع الاسف ما فيش التزام لا بظروف اقتصادية و لا تواريخ تنفيذية ....المهم مصلحة الناس المعينة

احنا بلد اقوال وليست افعال .......فنصيحتي توكل على اللله في الللي كنت ناويه ...لان لو الواحد انتظر حجات كتير مفروض يعملها .....وندم على حجات كتير عملها...... مش هيعيش حياته ........

[Ghamrawy]

استنى لغاية شهر 1 ومش حاتخسر حاجة

[mody_halawa]

استنى لغاية شهر 1 ومش حاتخسر حاجة

لا ممكن الاسعار تزيد فى واحد ويبقى خسر بتاع 3 الاف جنية فرق زى ما غبور قال فى المقالة بتاعت الاخبار

[Ghamrawy]

لا ممكن الاسعار تزيد فى واحد ويبقى خسر بتاع 3 الاف جنية فرق زى ما غبور قال فى المقالة بتاعت الاخبار

بصراحة مش باصدق اى كلام يقوله بياع السلعة نفسها و لا صحفى مأجور من نوع لو أنت طبال أنا زمار
و للاسف التجار هنا فى مصر مش بتمشى صح غير لما خلاص يبقى بيتها بيتخرب و يفلسوا

[wael_wakeel]

أما بعد يا إخوانى فأنا شاكر لكم حسن تعاونكم واستجابتكم
إلا أنكم ما زدتم على أن أكدتم الموقف الذى أنا فيه بين مؤيد للانتظار
ومن هو مع التوكل و اتخاذ القرار ...
ولكم العذر فأنا مثلكم و كل من أعرف ومن لا أعرف فى حيرة الاختيار ..
الله المستعان وحسبنا الله فى هذه الحكومة وأصلح الله حال هذا البلد ..
لكن هل ال(بيكانتو) أوتوماتيك أم غيرها إن كان لدى أحد منكم رأى يستفاد به ..
وجزاكم الله كل خير ؟؟

[wael_wakeel]

أما بعد يا إخوانى فأنا شاكر لكم حسن تعاونكم واستجابتكم
إلا أنكم ما زدتم على أن أكدتم الموقف الذى أنا فيه بين مؤيد للانتظار
ومن هو مع التوكل و اتخاذ القرار ...
ولكم العذر فأنا مثلكم و كل من أعرف ومن لا أعرف فى حيرة الاختيار ..
الله المستعان وحسبنا الله فى هذه الحكومة وأصلح الله حال هذا البلد ..
لكن هل ال(بيكانتو) أوتوماتيك أم غيرها إن كان لدى أحد منكم رأى يستفاد به ..
وجزاكم الله كل خير ؟؟

[Ahmed Selim]

أخى العزيز وائل

مفيش حد فى مصر من الناس العادية يقدر يجزملك أن العربيات هترخص أو هتغلى.

أنت ممكن تفكر فيها بطريقة تانية شوية.....لو العربيات رخصت يبقى متوقع عربية ب 70 ألف هترخص كام ؟؟؟ 3 ألاف جنيه ؟؟؟ طيب أنت فى الشهربن التلاتة اللى هتستناهم هتصرف كام مواصلات أو تاكسيات ؟؟؟ والعربية هتوفر عليك أد أيه تعب و أنت تقدر تعبك ده يساوى الفرق ولا لأ؟
أنا لو مكانك يبقى بالكتير هصبر شهر كمان لحد أول السنة غير كده لأ......هتوكل على الله و أستخير ربنا وبعد كده أمشى فى الأجرأت بتاعتى عادى.

بالنسبة بأه لعربية فى نفس حدود السعر....أنا أرشح الأفيو أو البونتو بدل البيكانتو عشان الأفيو 1500 و أكبر شوية مع العلم أنى لسه سايق بيكانتو من يومين تلاتة والعربية كانت عفشتها مش مظبوطة بس العربية ثابتة ثبات كويس لحد 120 كم .

خللى بالك أن الأفيو و البونتو هيكونو أغلى شوية بس مش عارف بكام بصراحة.

[ahit]

السلام عليكم و رحمة الله و بركاته
أخى العزيز


راجع هذا الرابط
أسعار السيارات و الجمارك ... فى برنامج البيت بيتك

[mahmoudzaied]

انا هقول رأيى وهتوكل على الله
انا لما جيت اشتريت العربية بتاعى جبتها ب 90 الف
بعدها بثلاثة ايام سمعت انها بقت ب 93 الف
دا قبل الازمة الاقتصادية
عموما انا شايف ان الاسعار فى مصر بتزيد مش بتقل
وكمان انا مش عارف ليه مصر مش متأثرة بالازمة
يعنى الاسعار رخصت فى العالم كلو معادا مصر والوطن العربى فى تزاديد مستمر
انا مش خبير اقتصاد بس استنى لشهر واحد مش فارقة كتير يعنى
ولو الاسعار منزلتش اشترى ومتأجلش
وفى الاخر دى بتبقى عملية نصيب


اما بالنسبة للاختيارات البديلة للبيكانتو
فى رينج ال 70 الف
1-اسبرانزا A516 مانيول (للاسف مفيش اتوماتيك) 68 الف
2-فيرنا مانيول فول اوبشن (انا مش عارف سعرها كام بالظبط بس مش معديا ال 70)
3-شيفورليه لانوس اعتقد رخصت عن ما كان دايو بحوالى 3000 جنيه
4- فيرنا فيفا حلوة وشكل كويس و 1500 سى سى
بلاش تجيب البيكانتو لانها صغير و ثباتها مش قد كدة وكما سعرها مبالغ فيه جدا هيا بس هتوفرلك بنزين كتير
او ممكن تشوف عائلة الاسبرانزا ال 1300 بس هات الهاتش باك شكلها تحفة وسعرها رخيص جدا وفى القسط هتريحك

[ZIMOFOX]

[align=center]Brilliance [/align]
[align=center]FRV[/align]

[MohaMed_Refaat]

اللى شاف حلقة عمرو اديب من برنامج( القاهرة اليوم) انهاردة اللى هى بتاريخ 1/12/2008 كان مستضيف الوزير المهندس رشيد وقال بالحرف الواحد لا يوجد تخفيض على جمارك السيارات ولا حتى السنة الجاية والكلام دة على لسان سعادة الوزير واللى يعرف يجيب لينك الحلقة ويتاكد لانى موش لاقية .

[dr_abooody]

على فكرة الاسعار هتنزل ان شاء الله

و كل التصريحات و الحاجات اللي عمالة تتقال ان السيارات مش هترخص عبارة عن اشتغالات عشان دلوقتي السوق نايمممممم جدااااااااا جداااااااا و مفيش حد بيشتري على امل انخفاض الأسعار
عشان كدا بيقولى انها مش هترخص عشان الناس ترجع تشتري تاني

لكن يا جماعة خلينا مقاطعين شرا السيارات عشان هيضطروا يرخصوها غصب عنهم

[analyzer]

انتظر الى شهر يناير ولو مرخصتش مش هتغلى
فى حدود 70000 بالترتيب
1 - Frv
2- فيرنا
3- لانوس
بلاش الاسبرانزا
وفى الاول والاخر صلى استخارة

[TheEagle]

على فكرة الاسعار هتنزل ان شاء الله

و كل التصريحات و الحاجات اللي عمالة تتقال ان السيارات مش هترخص عبارة عن اشتغالات عشان دلوقتي السوق نايمممممم جدااااااااا جداااااااا و مفيش حد بيشتري على امل انخفاض الأسعار
عشان كدا بيقولى انها مش هترخص عشان الناس ترجع تشتري تاني

لكن يا جماعة خلينا مقاطعين شرا السيارات عشان هيضطروا يرخصوها غصب عنهم

+
1
دا شئ متوقع جدا ان الحكومة و التجار يقولوا كده

و لا انتوا تخيلتوا انهم يقولوا الأسعار هترخص عشان يوقفوا سوقهم بايديهم ؟!!