هل الاير باج بيفتح في حاله عدم ارتداﺀ الحزام

[abokoko]

اختي عملت حادثه بالسياره
وكان بحوارها اختي الثانيه
اللي بتسوق كانت رابطه الحزام
اختي الثانيه. بحوارها بدون حزام
الاير باجز فتح للسايق و الراكب الامامي
اي. ال 2 اير باج فتحوا
هل ده صح



السوال التاني
سرعتهم كانت بطيىئه لكن الخبطه جامده

فما هي اقل سرعه يفتح عندها الاير باج

[م أحمد]

ألف سلامة عليهم

موضوع فتح الأيرباج حسب المصنع ممكن بحزام و مصنع تانى يعتمد فقط على حساسات لوزن الكرسى علشان يفعل الايرباج مباشرة و فى عربيات ليها مفتاح للايرباج

الموضوع مش بيعتمد على السرعة فقط بيعتمد على شدة الصدمة و كل مصنع و رؤيته لوضع مكان الحساس و درجة الاصطدام...

[abokoko]

شكرا. لحضرتك
العربيهرنيسان صني 2016 n17

يا تري بتنتمي لاي نوع?

[tasaka]

على حد علمى .. الكرسى الامامى اليمين اللى بجوار السائق بيختلف عن اى كرسى تانى فى العربيه

ده لانه ممنوع جلوس الاطفال عليه بالوضعيه العاديه .. لان الايرباج لو فتح سيسسبب ضرر كبير للطفل و قد يسبب اكثر من ذلك لا قدر الله .. ( اعتقد بس موش متأكد .. ممكن استعمال كرسى طفل بوضعيه معكوسه )

علشان كده فى العربيات المحترمه بيكون فيه حساس للوزن .. و لو الوزن اقل من وزن معين و ايضا لو مفيش حد جالس على الكرسى .. بيتم عمل تعطيل اتوماتيكى للايرباج

و اعتقد الايرباج بيحتوى على بعض الشظايا علشان تفتح الايرباج .. و دى ليها تأثير عند الاصطدام بوجه الاشخاص .. فلذلك يفضل ربط الحزام سواء كان مرتبط بفتح الايرباج من عدمه

[رامي مصطفى]

الف حمد لله على السلامه

[Ahmed abdkarim]

الايرباج الاتنين بيفتحوا عالطول بدون حزام بس فى مفتاح جوه درج الطابلوه وممكن فى اماكن اخرى فى بعض السيارات علشان يعطل الايرباج اللى جنب السائق
اما الايرباج بيفتح ازاى ده له علاقة بالحساس بتاعه وده موجود ورا الاكصدام الامامى وده بيحس بالصدمات وملوش علاقة بالسرعة ولكن له علاقة بقوة الخبطة
زى الفيديو ده

https://www.youtube.com/watch?v=vPIYXpxjL1w&list=RDvPIYXpxjL1w#t=3

[melouk1]

كانت العربية إيه يا فندم ؟

[رامي مصطفى]

الايرباج الاتنين بيفتحوا عالطول بدون حزام بس فى مفتاح جوه درج الطابلوه وممكن فى اماكن اخرى فى بعض السيارات علشان يعطل الايرباج اللى جنب السائق
اما الايرباج بيفتح ازاى ده له علاقة بالحساس بتاعه وده موجود ورا الاكصدام الامامى وده بيحس بالصدمات وملوش علاقة بالسرعة ولكن له علاقة بقوة الخبطة
زى الفيديو ده

https://www.youtube.com/watch?v=vpiy...piyxpxjl1w#t=3

نعععععععم
ازاي يعني!!!!!!!!!!!!!!

[abokoko]

صني n17
2016

[م/أحمد عبد الفتاح]

الايرباج تم تعديلها كذا مرة من حيث نظريات العمل والبرنامج اللى بيشغلها وكلها دلوقتى بقت مالتى ستيج multistage وده معناه انها بقت بتفتح على قد الموقف اللى حصل يعنى لو الخبطة قوية بتفتح بضغط وقوة اعلى من لو الخبطة مش قوية علشان تحمى الركاب من اثرها - وبقت بتعتمد على كذا سينسور فى الاكصدامات والصدر والكراسى كمان منها حساسات الوزن وحساسات ربط الحزام بس الغالب دلوقتى حتى لو انت مش رابط الحزام فالايرباج حاتفتح ولكن مش بضغط عالى علشان ماتسببش اصابة للراكب الامامى او حتى السائق يعنى حاتفتح حاتفتح بس قوتها متغيرة حسب قوة الصدمة وحسب الوزن وحسب ربط الحزام من عدمه - والدليل على كده حتلاقى مكتوب تحذير لما تعمل صيانة فى مجموعة الدركسيون او حاتخلعه مثلا لازم تفك قواطيش البطارية وتسيب العربية ١٠ دقايق احتياطى قبل عمل اى صيانة فى مجموعة الدركسيون لتجنب الفتح الفجائى للايرباج - مع ان الفنى اللى حايشتغل فى الدركسيون اكيد مش حايربط الحزام - لانه ممكن يعمل اى خبطة على الدركسيون او الكرسى تحاكى الاصطدام - والحمدلله على سلامتهم وانها جات سليمة والموضوع ده اثبت ان وسائل الامان فى العربية دى ممتازة جدا

[د.محمود صلاح]

في كتالوج التيريوس كان مكتوب اقل سرعة يفتخ فيها الايرباج هي 25 ك/س ولازم الخبطة امامية مش جانبية ولا انقلاب
والعربيات مصممة انك لو مش رابط الحزام الامان الإيرباج ما يفتحش لانه في هذه الحالة سيسبب ارتطام شديد لرأسك في للخلف واضرار بالغة ..

[abokoko]

طقم الاير باج ب 9000 معرفش نوعه. و. المركز بيقول ممكن نسال علي الاستيراد او الاصلاح
علما بان التامين بيحمل العميل 25% علي الاير باجز