إعـــــــلان

Collapse

.

,
See more
See less

إمتى تغير كاوتش العربية !!!!!!

Collapse
X
 
  • Filter
  • الوقت
  • Show
Clear All
new posts

  • إمتى تغير كاوتش العربية !!!!!!

    متى يتم تغيير كاوتش العربية؟؟؟؟؟



    كاوتش العربية هو الوصلة الوحيدة بين العربية وبين الطريق ولذلك من المهم جداً إن الكاوتش يكون بحالة جيدة وده بيستدعى أسئلة مهمة عند بعض الناس :
    "أنا إمتى أغير الكاوتش؟"
    "أنا كنت عاوز أغير الكاوتش والراجل بتاع الكاوتش قاللى لسه شوية أعمل إيه؟"
    "الكاوتش بتاعى نقشته لسه سليمة ومعدى بيه الـ ٥٠ الف كم أغيره ولا أستنى؟ "
    والعديد من الاسئلة المشابهة - لذلك حأحاول هنا أجاوب على هذا السؤال .
    فردة الكاوتش مالهاش عدد كيلومترات معين نقدر نقول اننا حانغير عنده لأن الطرق بتختلف والحمولة بتختلف وطريقة السواقة كمان بتختلف .
    - أول حاجه لازم نعرفها إن كل فردة كاوتش ليها تاريخ إنتاج بيبقى مكتوب عليها - بيبقى مكتوب فين؟
    ١) حنلاقى على اى فردة كاوتش قرب الجنط شوية كتابة بحروف صغيرة حندور على كلمة DOT حنلاقى بعدها شوية حروف وأرقام بعدهم فيه ٤ أرقام محطوطين فى برواز لوحدهم - هما دول تاريخ إنتاج الفردة - أول رقمين من الشمال بيدوا رقم الاسبوع اللى تم فيه إنتاج الفردة ( السنة ٥٢ إسبوع) واخر رقمين بيدوا السنة بمعنى لو لقينا الأربع أرقام دول مثلا ٢٥١١ يبقى رقم ٢٥ هو ده الاسبوع اللى تم فيه انتاج الفردة الاسبوع الخامس والعشرين ( تقريبا شهر يوليو) ورقم ١١ ده بيدل على السنة يعنى سنة ٢٠١١ - يبقى تاريخ الانتاج يوليو ٢٠١١.
    ٢) لو لقينا كلمة DOT دى بعدها حروف وارقام ومافيش الاربع ارقام دول يبقى نقلب الفردة حنلاقيهم فى الناحية التانية.
    ٣) لو ملاقيناش كلمة DOT مكتوبة على الفردة يبقى ندور على البرواز اللى مكتوب فيه ٤ ارقام .
    ودى صورة بتوضح مكان التاريخ



    لو الفردة فات على تاريخ انتاجها ١٠ سنين يبقى لازم تتغير فورا حتى لو لسه مركبها إمبارح

    - تانى حاجة لازم نعرف إن أى فردة بيبقى فيها مقياس للتاكل لو وصلنا للمقاس ده يبقى لازم نغير الفردة فوراً - طيب فين مكان المقاس ده ؟؟؟
    حنلاقى على الفردة من ناحية الكتابة على حرفها قرب القطر الخارجى راس سهم او مثلث محفور على الكاوتش ( الميشلان ممكن نلاقى الراجل الكاوتش شعار ميشلان مكان السهم) - عند السهم ده حنبص على المجارى اللى فى وسط الفردة حنلاقى فى كل مجرة خط كاوتش صغير بالعرض هو ده المقاس - لو لقينا الخط ده جوة واوطى من النقشة يبقى لسة الفردة شغالة ومش متاكلة - لو لقينا الخط ده فى الحذا بتاع النقشة يبقى الفردة لازم تتغير فوراً - لو لقينا التاكل باين فى مجرة واحدة والباقى كويسين يبقى برضه الفردة لازم تتغير فوراً .
    دى صور بتوضح مكان مقاس التاكل







    ودى صورة بتوضح شكل الفردة اللى وصلت النقشة فيها لغاية المقاس ولازم تتغير


    والأحسن إننا منستناش لغاية النقشة ماتوصل للمقاس لأ إحنا حانغير قبل المقاس بـ ١ مم أو ١,٥ مم علشان نكون فى الأمان .

    - لو الفردة حصل فيها بعض القطعات أو الثقوب الكبيرة أو الحروف بتاعتها إتاكلت أو حصل للفردة تاكل من ناحية وناحية لأ أو تاكل فى مكان معين أو اتقطعت من ناحية الكتابة أو عملت بلالين أو حصل فيها تنميل وتشققات - يبقى لازم نغيرها على طول .
    ودى مجموعة صور لبعض المشاكل التى تحتم تغيير الفردة :










    لولقيت الفردة بتاعتك كويسة ومافيهاش مشاكل ومافيهاش تاكل وتاريخ انتاجها جديد معظم صناع الكاوتش متفقين على قاعدة بتقول إن الكاوتش يتغير على ٥ سنين إستخدام أو ١٠ سنين من تاريخ الإنتاج أيهما أقرب بغض النظر عن عدد الكيلومترات المقطوعة .
    أرجو إنى أكون قد وفقت فى شرح هذا الموضوع ببساطة ليستفيد منه الجميع.
    amadios سابقا

  • #2
    المشاركة الأصلية كتبت بواسطة م/أحمد عبد الفتاح مشاهدة المشاركة
    متى يتم تغيير كاوتش العربية؟؟؟؟؟



    كاوتش العربية هو الوصلة الوحيدة بين العربية وبين الطريق ولذلك من المهم جداً إن الكاوتش يكون بحالة جيدة وده بيستدعى أسئلة مهمة عند بعض الناس :
    "أنا إمتى أغير الكاوتش؟"
    "أنا كنت عاوز أغير الكاوتش والراجل بتاع الكاوتش قاللى لسه شوية أعمل إيه؟"
    "الكاوتش بتاعى نقشته لسه سليمة ومعدى بيه الـ ٥٠ الف كم أغيره ولا أستنى؟ "
    والعديد من الاسئلة المشابهة - لذلك حأحاول هنا أجاوب على هذا السؤال .
    فردة الكاوتش مالهاش عدد كيلومترات معين نقدر نقول اننا حانغير عنده لأن الطرق بتختلف والحمولة بتختلف وطريقة السواقة كمان بتختلف .
    - أول حاجه لازم نعرفها إن كل فردة كاوتش ليها تاريخ إنتاج بيبقى مكتوب عليها - بيبقى مكتوب فين؟
    ١) حنلاقى على اى فردة كاوتش قرب الجنط شوية كتابة بحروف صغيرة حندور على كلمة DOT حنلاقى بعدها شوية حروف وأرقام بعدهم فيه ٤ أرقام محطوطين فى برواز لوحدهم - هما دول تاريخ إنتاج الفردة - أول رقمين من الشمال بيدوا رقم الاسبوع اللى تم فيه إنتاج الفردة ( السنة ٥٢ إسبوع) واخر رقمين بيدوا السنة بمعنى لو لقينا الأربع أرقام دول مثلا ٢٥١١ يبقى رقم ٢٥ هو ده الاسبوع اللى تم فيه انتاج الفردة الاسبوع الخامس والعشرين ( تقريبا شهر يوليو) ورقم ١١ ده بيدل على السنة يعنى سنة ٢٠١١ - يبقى تاريخ الانتاج يوليو ٢٠١١.
    ٢) لو لقينا كلمة DOT دى بعدها حروف وارقام ومافيش الاربع ارقام دول يبقى نقلب الفردة حنلاقيهم فى الناحية التانية.
    ٣) لو ملاقيناش كلمة DOT مكتوبة على الفردة يبقى ندور على البرواز اللى مكتوب فيه ٤ ارقام .
    ودى صورة بتوضح مكان التاريخ



    لو الفردة فات على تاريخ انتاجها ١٠ سنين يبقى لازم تتغير فورا حتى لو لسه مركبها إمبارح

    - تانى حاجة لازم نعرف إن أى فردة بيبقى فيها مقياس للتاكل لو وصلنا للمقاس ده يبقى لازم نغير الفردة فوراً - طيب فين مكان المقاس ده ؟؟؟
    حنلاقى على الفردة من ناحية الكتابة على حرفها قرب القطر الخارجى راس سهم او مثلث محفور على الكاوتش ( الميشلان ممكن نلاقى الراجل الكاوتش شعار ميشلان مكان السهم) - عند السهم ده حنبص على المجارى اللى فى وسط الفردة حنلاقى فى كل مجرة خط كاوتش صغير بالعرض هو ده المقاس - لو لقينا الخط ده جوة واوطى من النقشة يبقى لسة الفردة شغالة ومش متاكلة - لو لقينا الخط ده فى الحذا بتاع النقشة يبقى الفردة لازم تتغير فوراً - لو لقينا التاكل باين فى مجرة واحدة والباقى كويسين يبقى برضه الفردة لازم تتغير فوراً .
    دى صور بتوضح مكان مقاس التاكل







    ودى صورة بتوضح شكل الفردة اللى وصلت النقشة فيها لغاية المقاس ولازم تتغير


    والأحسن إننا منستناش لغاية النقشة ماتوصل للمقاس لأ إحنا حانغير قبل المقاس بـ ١ مم أو ١,٥ مم علشان نكون فى الأمان .

    - لو الفردة حصل فيها بعض القطعات أو الثقوب الكبيرة أو الحروف بتاعتها إتاكلت أو حصل للفردة تاكل من ناحية وناحية لأ أو تاكل فى مكان معين أو اتقطعت من ناحية الكتابة أو عملت بلالين أو حصل فيها تنميل وتشققات - يبقى لازم نغيرها على طول .
    ودى مجموعة صور لبعض المشاكل التى تحتم تغيير الفردة :










    لولقيت الفردة بتاعتك كويسة ومافيهاش مشاكل ومافيهاش تاكل وتاريخ انتاجها جديد معظم صناع الكاوتش متفقين على قاعدة بتقول إن الكاوتش يتغير على ٥ سنين إستخدام أو ١٠ سنين من تاريخ الإنتاج أيهما أقرب بغض النظر عن عدد الكيلومترات المقطوعة .
    أرجو إنى أكون قد وفقت فى شرح هذا الموضوع ببساطة ليستفيد منه الجميع.
    تسلم ايدك يا هندسه موضوع اكتر من رائع

    Comment


    • #3

      موضوع ممتاز وشرح واضح وأسلوب سلس...


      ليا تعليق بس على مسألة الـ10 سنين دي لإنها بصراحة كتير جدا...

      أنا بقول الكلام ده عن تجربة كادت تتسبب بحوادث مميتة مرتين.


      ...
      [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
      [I]مَثَلٌ صينِيّ[/I][/QUOTE]

      [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
      [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
      [/SIZE][/FONT]
      أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
      [SIGPIC][/SIGPIC]

      Comment


      • #4
        المشاركة الأصلية كتبت بواسطة borio1704 مشاهدة المشاركة

        موضوع ممتاز وشرح واضح وأسلوب سلس...


        ليا تعليق بس على مسألة الـ10 سنين دي لإنها بصراحة كتير جدا...

        أنا بقول الكلام ده عن تجربة كادت تتسبب بحوادث مميتة مرتين.


        ...
        ده المفروض إنه العمر الإفتراضى للكاوتش وإتفق عليه معظم صناع الكاوتش والهيئات الدولية الخاصة بسلامة السيارات بس بشرط "جودة التخزين " وطبعاً صعب جداً تحدد إذا كان العيب جودة تخزين ولا حاجه تانية - لكن معظم الدول مقننة الموضوع بالذات فى مقياس التاكل مش فى تاريخ الانتاج ممكن البوليس يوقفك ويشوف التاكل فى الفردة وصل قد ايه من النقشة أو عند الفحص الفنى لو الكاوتش التاكل فيه وصل لنسبة معينة حاتدفع غرامة كبيرة - يعنى فى انجلترا فيه قانون هناك محدد التاكل بما يعادل ١,٦ مم فرق بين النقشة والمقاس لو قل المقاس ده صاحب العربية بيتحاسب طبقاً للقانون ده - ومافيش فعلاً قوانين بخصوص التاريخ بالمرة.
        amadios سابقا

        Comment


        • #5
          انا اكثر من مره استعملت كاوتش لمده 7 سنين او اكثر بدون مشاكل

          Comment


          • #6
            تقرير ممتاز
            [SIGPIC][/SIGPIC] ياتقول كلام في محله يا تقول حلو ياحلو
            [url]/photos/a.879931698703941.1073741827.879900435373734/879931905370587/?type=1[/url]

            Comment


            • #7
              تقرير جميل جدا واجمل ما فيه الاسلوب السلس
              لو كان للمرء عقل يستضيئ به في ظلمة الشك لم تعلق به النوب
              و لو تبيّن ما في الغيب من حدث لكان يـعلم ما يـأتي و يجتنب

              Comment


              • #8
                بالنسبةلموضوع ١٠ سنوات كثير كل مواقع الاطارات ذكرت صلحية الاطارات من اربع الي ستة سنوات حسب جودة الاستخدام او التخزين وبعد ذلك يصبح غير انت علي سرعات علية وحصل معاية مرة في عربية مرفوعة فرقع وان علي سرعة ٦٠ وكان مخز ن لاكثر من ثمن سنوات واخر بعد سبع سنوات علي السريع وربنا ستر رغم ان كان الكوتش سليم شكلن

                Comment


                • #9
                  تسلم ايدك موضوع رائع فعلا
                  محمد المصرى

                  Comment


                  • #10
                    المشاركة الأصلية كتبت بواسطة mizomizomizo مشاهدة المشاركة
                    بالنسبةلموضوع ١٠ سنوات كثير كل مواقع الاطارات ذكرت صلحية الاطارات من اربع الي ستة سنوات حسب جودة الاستخدام او التخزين وبعد ذلك يصبح غير انت علي سرعات علية وحصل معاية مرة في عربية مرفوعة فرقع وان علي سرعة ٦٠ وكان مخز ن لاكثر من ثمن سنوات واخر بعد سبع سنوات علي السريع وربنا ستر رغم ان كان الكوتش سليم شكلن
                    من ٤ : ٦ سنين إستخدام - وموضوع جودة التخزين ده صعب جداً حد يحققه أو يحقق فيه لو حصل لاقدر الله حادث .
                    طبعاً موضوع الـ ١٠ سنين من تاريخ الإنتاج ده كتير بس المصنعين حسبوه على اساسا العمر الافتراضى للكاوتش - ولو أى حد بيشترى كاوتش مش حايشترى كاوتش متخزن من ٧ أو ٨ سنين لأن برضه ده كتير لو حطيت عليهم الـ ٥ سنين إستخدام يبقى انت خارج المدى يبقى ماتشتريهوش بالعمر ده أصلاً والأحسن يكون مثلاً انتاجه من سنة أو سنتين بالكتير- ولازم واحنا بنشترى ناخد بالنا من تاريخ الإنتاج كويس .
                    amadios سابقا

                    Comment


                    • #11
                      موضوع اكتر من رائع
                      [SIGPIC][/SIGPIC][SIZE=5][COLOR=blue][/COLOR][/SIZE] اشهد ان لا اله الا الله

                      Comment


                      • #12
                        بسم الله ماشاء الله معلومات قيمة وشرح رائع وبسيط وعطاء بلا حدود
                        ربنا يباركلك ويكرمك ويزيدك من فضله

                        Comment


                        • #13
                          موضوع رائع

                          Comment


                          • #14
                            موضوع ممتاز شكراً على المعلومات القيمه .

                            Comment


                            • #15
                              تسلم ايدك، كلام زي الفل
                              بيتهايئلي الكاوتش اللي بيعدي علي انتاجه 6 سنين حتي لو لم يستخدم خالص بيبقي خلاص انتهي، بيسموة مشمس
                              حسب لغة بتوع الكاوتش

                              Comment

                              Working...
                              X