احلى اعضاء اعضاء نايل موتوز ممكن خدمة

[kareem_adel]

ازيكو يجماعة ايه الاخبار والاحوال انا بصراحة جاليا محتار اوى اوى وبشدة انا انشاء الله نويت اجيب عربية اوتامتيك يبانى فا ملقتش احلى من الياريس بالنسبة للفلوس اللى معايا فسالت ناس كتير قالولى وليه يعم ما عندك اوبترا فى سعر الياريس واجمد بكتير بس انا شايف انا شايف ان لا يعلا على اليبانى فى الاوتامتيك وحتى فى اعادة البيع ويبانى من اولها لى اخرها فا بصراحة عايز مساعدة منكو فى الاختيار واحسن حاجة اجيبها واكون مرتاح فى السعر ده لان مش معايا اكتر من 95 وارجو اللى يدخل يساعد ومينفضش وشكرا

[ابو فرح]

السلام عليكم
انا فعلا معاك اليابانى لا يعلى عليه الياريس افضل من حيث الشكل فهيا جميله وعلى ما اعتقد الامكانيات كمان
والف مبروك مقدما وربنا يديك خيرها ويعد عنك شرها

[nabaster]

بص يا باشا
انا بس هرد عليك لسبب
انتا قلت الي يدخل مينفضش بس انا عن نفسي معرفش ظروف الياريس ايه اولا الاوبترا بصراحه مركبتش دي ولا دي
عموما استني راي باقي الاعضاء واكيد هتلاقي الي عايزو يا باشا والف مبروك مقدما

[MoDyBeNz2008]

بس انت استخدامك ايه بالنسبة للعربية

سفر كتير و لا قليل - طولك قد ايه علشان ارتفاع السقف - معاك كام نفر في العربية - شايل شنط كتر و لا لاة - بتحب تجري و تش و لا لاة

كدة كلنا نقدر نفيدك


بس عموما فكر في الجين 2 برضو بس القرار النهائي بعد اجابة الاسئلة

[Hosam_Optrawy]

اولا 95 متجبش ياريس مانيوال حتى
ثانيا طبعا اليابانى احسن واضمن من الكورى
بس الكورى برضه مش وحش واثبت كفائه
ولو قصدك كمان عشان الفتيس الاوتوماتيك
ففتيس الاوبترا يابانى ومحدش اشتكى من 2005 حتى الان
واعادة البيع ممتازه
فكر وشوف اصلا انت احتياجاتك ايه زى ما مودى بنز قاللك عشان نقدر نفيدك اكتر

[limo]

الياريس كاستهلاك للبنزبن اقل بكثير من الاوبترا فلو انت بيفرق معاك استهلاك النزين الياريس هتكون انسب ليك

الامان وده برضو متوفر فى الياريس لانها فيها 2 اير باج وفرامل abs

العمر الافتراضى فى الياريس يعتبر اطول من الاوبترا (الى انا بحسه فى اليابانى عموما ان بعد فتره من الاستخدام بتلاقسه ماسك نفسه شويه عن الكورى )بس بينى وبينك انا بحس ان الياريس عربيه مش ماسكه نفسها زى بقيت اليابانى (ده احساسى الشخصى )

سعه المحرك وده لصالح الاوبترا لو انت بتسافر كتير او من بحب تحس يقوه سحب العربيه يبقى الاوبترا هترحيك عن الياريس بس على حساب استهلاك البنزين
من الاخر خد الياريس لو انت عايز استهلاك بنزين قليل مع عمر افتراضى اعلى ووسائل امان
الاوبترا لو انت بتسافر كتير ويهمك قوه سحب المحرك
انا بالنسبه ليا اختارالياريس لانى يهمنى الحاجات الى انا قولتهالك عن قوه السحب

[Samir Elshahawy]

سيدي الفاضل , كل سنة و أنت طيب اولا و مبروك مقدما علي العربية
بالنسبة الي الياريس أنا كنت مسافر يوم الأحد الماضي الي السويس و كانت معايا ياريس لسه عاملة 500 كم ووجدت الاتي :
- سريعة و سحبها كويس جدا رغم أنها 1300 سي سي
- عالية عن الأرض يعني مابتحكش في المطبات المصرية
- ثابته علي الطريق و في الملفات (كنت ماشي بيها 140 كم/ساعة)
- واسعة و مريحة من الداخل
- اقتصادية في استهلاكها للبنزين
- فيها وسائل أمان عالية عن الأوبترا ( ABS , Air Bags )
- و الاهم ياباني ناعمة و مالهاش صوت

لكن برضه فكر في البروتون - جين 2 2009 عربية حلوة و الكل بيشكر فيها و أن شاء الله أقولك رأي فيها بعد العيد لان هايكون معايا واحدة ايجار لحد ماعربيتي تتصلح

[haneena]

حضرتك التويوتا تكسب بصراحة من حيث الشكل والمضمون

[KHALED AYMAN]

بص يا باشا اهم حاجه الراحه النفسيه للعربيه الى هتشتريها .
انا من رايى ان الاوبترا شكلها احلى(وجهات نظر) و حجمها اكبر من الياريس (مش بكتير) و ال2 واسعين من جوا و فعلا زى ما الناس قالتلك استهلاك الياريس اقل للبنزين و انعم من الاوبترا و فيها ميزه انها يابانى و وسائل امان اعلى من الاوبترا بس خلى بالك ان بالسعر ده انت هتجيب ياريس فاااااااضيه خاااااااااالص و هتكون منيوال و كمان اعتقد انها ازيد من 95 الف انما الاوبترا فسعرها قريب من ال95 و هتكون اوتوماتيك و خلى بالك كمان ان الياريس ثباتها ضعييييييييييف جدا و ده كلام اصحاب العربيه انما الاوبترا اثبت منها(مش المانى بس ثابته) و على فكره الاوبترا وكيلها محترم و كويس و كمان الياريس .
اهم حاجه راحتك انت للعربيه و اتفرج على ال 2 و حاول تجربهم و شوف الى يناسبك و متتسرعش لانه قرار مش سهل و 100000000000 مبروك مقدما على العربيه