معنى فابريقة....؟

[م.محمد حافظ]

أحبائى رواد المنتدى أهنى نفسى بانتمائى لهذا المنتدى المحترم
واحب ان اساهم بتجربتى ...برجاء الاستفادة من الاعضاء المحترمين
ربنا كرمنى وحبيت اشترى سيارة حديثة نوعا ما...المهم لاقيت واحد من المنطقة عرض عليا اوبترا 2010 وقال اية فابريكة برة وجوة ...بصراحة مليش خبرة فى المستعمل ...المهم جبت سمكرى قال العربية فعلا فبريكة ومفيهاش قلم بوية دى لقطة ...مكدبتش خبر ...وبعدها بشر وان بغسل فيها بيدى ..لمحت (وعينى مبتجبش الا العيوب ..هههه)عدم انتظام للعتب اسفل باب السواق بس بصراحة مش اى حد يلاحظة ..المهم مش باين اثر خبطه قلت اختبر بالاستون لقيت القطنه بتتلون ...الخلاصه فهمت كدة انى دى خبطة مردودة ورشة باحتراف بدون معجون (اول الفبريكة)...بلف الجانب الاخر لقيت صدا او بارومه بالرفرف عند التقاة الرفرف مع الشاسية من اسفل وبداية تقشير للبويه وصدا خفيف مكان تدويرة الاستبن بالشنطه بس مش واكل فى الصاج غير بعض التعاريج الخفيفة فى فى صاج السقف ....هل انا شربت العربية ولا كل دا عادى وهل كدا فبريكة ولا اية ؟؟؟ افيدونى واسف على الاطالة

[dr_haitham79]

علشان ماتزعلش نفسك بلاش تفكر فى ان العربية وحشة وكدة
ممكن تقول فيها عيوب بسيطة لدرجة انها فاتت حتى على السمكرى اللى المفروض انه خبرة
وتحمد ربنا ان حضرتك شفت الحاجات البسيطة دى من بدرى عشان تلحقها وتظبطها بسرعة
بدل ماييجي عليها الشتا والمطر وتزيد
المهم ان اساستها والحالة العامة كويسة:
يبقي ولا يهمك واستمتع بعربيتك وربنا يباركلك فيها.

[م/أحمد عبد الفتاح]

حاتروح لسمكرى كويس غير الاولانى اللى كشف عليها :)
تخليه يحاول يرد السقف عالبارد حايتعدل ان شاء الله - وتخليه يلحق البارومة اللى فى اسفل الرفرف عالبارد برضه لو لسه فى مرحلة الصدأ ويصنفرها كويس بالصاروخ وبعد ماتبقى عالحديد حاتشترى عبوة ايبوكسى كيماويات البناء الحديث بالمصلب بتاعها من اى محل حدايد وبويات علبة بيضا مكتوب عليها بالاحمر cmb تمنها حوالى ٨٥ الى ٩٠ جنيه حتلاقى البرايمر اللى جواها لونه رمادى حاتقلبها كويس جدا وتاخد منها شويه صغيرين على قد الحته المصدية فى علبة تانية وتحط عليها قد معلقة من المصلب وتقلب كويس جدا وتديلها طبقة من البرايمر وتانى يوم تاخد شوية تانيين بنفس الطريقة وتديها طبقة تانية وبعد ماتنشف الراجل يصنفر بصنفرة ٣٠٠ بالمياه ولو حته اتكشفت اديلها كمان طبقة ويصنفر تانى لغاية ماتلاقى مافيش حديد مكشوف وبعد كده لو عازت طبقة خفيفة من المعجون يديها او لو ماعازتش يرش المنطقة دى بالبطانة وبعدين اللون .

[ahmed.biso13]

شوف ياباش اى عربية لازم تلاقى حاجة تتطلع فيها بس المهم ماتكونش موثرة بدرجة تغيير انصاف العربية او مغيرة سقف فا الحاجات دى مقدور عليها بشرط تروح لسمكرى محترف يعملك الكلام ده على البارد عشان البارومة ماتسرحش اكثر من كده
وبعد كده تدهن العربية كويس وتغسل الدواير بتاع العجل وترش مادة بيتامين عند بتاع الدكو وبعدها ترش اللون الداخلى للبطانةالعجل
وبعد كده تشتررى اربع كارتيرات جديدة ويركبهم السمكرى
وبعد استعمال السيارة فى الطين التراب سيمحو اثار الرش ولن يعرف احد بهذاالموضوع
لان رزاز الطينة فى الشتاء اثارها تجعلك لاتعلم من ان هذا هو لون بطانة العجل الفبريكة ام هذا الرش من قريب
لاننى عملت كده فى التمبرا وبعد انتهاء فصل الشتاء لم يعد هناك اثار للرش ومحافظ على الدواير

[م.محمد حافظ]

بصراحة العربية ادائها ممتاز ...بس حضرتك الواحد يضايق لم يدفع مبلغ كبير على مواصفات غير متطابقة ويخسر لم يفكر يبيع ....وشكرا لاهتمام حضرتك

[م.محمد حافظ]

شوف ياباش اى عربية لازم تلاقى حاجة تتطلع فيها بس المهم ماتكونش موثرة بدرجة تغيير انصاف العربية او مغيرة سقف فا الحاجات دى مقدور عليها بشرط تروح لسمكرى محترف يعملك الكلام ده على البارد عشان البارومة ماتسرحش اكثر من كده
وبعد كده تدهن العربية كويس وتغسل الدواير بتاع العجل وترش مادة بيتامين عند بتاع الدكو وبعدها ترش اللون الداخلى للبطانةالعجل
وبعد كده تشتررى اربع كارتيرات جديدة ويركبهم السمكرى
وبعد استعمال السيارة فى الطين التراب سيمحو اثار الرش ولن يعرف احد بهذاالموضوع
لان رزاز الطينة فى الشتاء اثارها تجعلك لاتعلم من ان هذا هو لون بطانة العجل الفبريكة ام هذا الرش من قريب
لاننى عملت كده فى التمبرا وبعد انتهاء فصل الشتاء لم يعد هناك اثار للرش ومحافظ على الدواير

بصاحة اثلجت صدرى ربنا يبارك فى حضرتك.....هى بصراحة العربية فبريكة فعلا لكن الملاحظات اللى ذكرتها بس اللى موجود ....استفسار بسيط هل لو قطعت جزء 3سم من نهاية الرفرف من اسفلولحام صاج مكانها يوثر على سعر العربية فى اعادة البيع....ووضع الشحم على مكان الصدأبعد السنفرة...بدل الرش ينفع ؟ ومتشكر جدا للاهتمام

[م.محمد حافظ]

علشان ماتزعلش نفسك بلاش تفكر فى ان العربية وحشة وكدة
ممكن تقول فيها عيوب بسيطة لدرجة انها فاتت حتى على السمكرى اللى المفروض انه خبرة
وتحمد ربنا ان حضرتك شفت الحاجات البسيطة دى من بدرى عشان تلحقها وتظبطها بسرعة
بدل ماييجي عليها الشتا والمطر وتزيد
المهم ان اساستها والحالة العامة كويسة:
يبقي ولا يهمك واستمتع بعربيتك وربنا يباركلك فيها.

صراحة العربية ادائها ممتاز ...بس حضرتك الواحد يضايق لم يدفع مبلغ كبير على مواصفات غير متطابقة ويخسر لم يفكر يبيع ....وشكرا لاهتمام حضرتك

[م.محمد حافظ]

- وتخليه يلحق البارومة اللى فى اسفل الرفرف عالبارد برضه لو لسه فى مرحلة الصدأ ويصنفره

بصراحة الصاج متاكل لمسافة 2سم عند اتصالة بالشاسة من اسفل (وصعب ان حد يشوفها) بس انا خايف ليفك والرفرف يبقى سايب من اسفل ...ومش عايز اعمل حاجة تموت سعر العربية ...فهل اخلى السمكرى يقطع الصاج المهرى ويلحم صاج نضيف ؟......وشكرا لاهتمام حضرتك

[م/أحمد عبد الفتاح]

بصراحة الصاج متاكل لمسافة 2سم عند اتصالة بالشاسة من اسفل (وصعب ان حد يشوفها) بس انا خايف ليفك والرفرف يبقى سايب من اسفل ...ومش عايز اعمل حاجة تموت سعر العربية ...فهل اخلى السمكرى يقطع الصاج المهرى ويلحم صاج نضيف ؟......وشكرا لاهتمام حضرتك

تمام كده مالهاش حل غير كده علشان تحافظ عالعربية بس المهم البويجى اللى حايدهنها يعالجها مظبوط علشان الصدا مايشتغلش تانى .