اشتريت عربية مستعملة فيات ومش عارفة اتعلم

[Lolo86]

السلام عليكم
عجبنى المنتدى وسجلت فيه دلوقتى

من 15 يوم اشتريت عربية فيات 128 مستعملة ب 18000
حالتها كويسة جداااا براى 3 ميكانيكيين وواحد بيارة

بعد مجبتها بفكر ابيعها بصراحة صعبة جداااا
الدبرياج مش عارفة اتحكم فيه
بشيل رجلى بسرعة والعربية تنط كل شوية
كرهت السواقة

بفكر ابيعها واجيب اتوماتيك جديد بالقسط
بس ماما بتقللى اتعلمى عليها حتى سنة
وبعدين بعيها انا مش موافقة
لانها صعبة جدا الناس اللى بيسوقوها معرفش ازاى

ايه رايكم انتو وهل صحيح لازم الاول اتعلم مانيوال
طيب ممكن اتعلم اتوماتيك علطول من الاول
ياريت تفيدونى

[م/أحمد عبد الفتاح]

هو الافضل فى الأول التعليم على عربية زى الـ ١٢٨ علشان تفهمى السواقة ومبادئ الميكانيكا والأبعاد ومعلش موضوع ظبط الرجل على الدبرياج بيبقى صعب فى الأول بس بعد كده حايبقى زى نزول السلم - ممكن تروحى لميكانيكى يشوف كابل الدبرياج يمكن يكون مصدى يغيره وتخليه يعلى الدبرياج شوية علشان ماتدوسيش للأخر وإن شاء الله حاتيجى معاكى :)
ولو فضل الحال على كده يبقى غيرى اللى بيعلمك السواقة

[عﻻء سالمان]

مدارس السواقة كتير ويفضل لاى حد يتعب فى اﻻول مع ماركة دارجة بحيث لو جرالها حاجة تتصلح بأقل تكاليف يعنى انتى ماشية صح بس ﻻزمك حجز مدرسة سواقة حتنفعك و هتجرأك ورأى ماما السديد انك تتعلمى عليها سنة قبل ما تدخلى فى موديل غالى ويمكن كمان تحبيها وتسوقيها مدة اطول بعد ما تتعودى عليها..بالتوفيق.

[Lolo86]

هو الافضل فى الأول التعليم على عربية زى الـ ١٢٨ علشان تفهمى السواقة ومبادئ الميكانيكا والأبعاد ومعلش موضوع ظبط الرجل على الدبرياج بيبقى صعب فى الأول بس بعد كده حايبقى زى نزول السلم - ممكن تروحى لميكانيكى يشوف كابل الدبرياج يمكن يكون مصدى يغيره وتخليه يعلى الدبرياج شوية علشان ماتدوسيش للأخر وإن شاء الله حاتيجى معاكى :)
ولو فضل الحال على كده يبقى غيرى اللى بيعلمك السواقة

ميرسي ردك ا /احمد

جزاك الله كل خير هو الدبرياج تقيييل جدااا
ادوس عليه بصعوبة وارفع رجلى بصعوبة جداااا
او ادوس مرة واحدة والعربية تنط قوم انا سايبة كل حاجة
ده غير ان كل شوية ادوس دبرياج وفرامل لما يكون زحمة
وابدا من جديد ؟؟؟
طيب يعنى ايه يعلى الدبرياج وهو ليه تقيل جدا
وفعلا غيرت اللى بيعلمنى اما اشوف حتعلم ولالا

[Lolo86]

مدارس السواقة كتير ويفضل لاى حد يتعب فى اﻻول مع ماركة دارجة بحيث لو جرالها حاجة تتصلح بأقل تكاليف يعنى انتى ماشية صح بس ﻻزمك حجز مدرسة سواقة حتنفعك و هتجرأك ورأى ماما السديد انك تتعلمى عليها سنة قبل ما تدخلى فى موديل غالى ويمكن كمان تحبيها وتسوقيها مدة اطول بعد ما تتعودى عليها..بالتوفيق.

يعنى فى مدرسة القيادة اللى تبع المرور قصدك دي ولا ايه

انا مشكلتى الدبرياج ومش بعرف اخد المطبات

وبحس حخبط فى كل العربيات وحدوس الناس

[م/أحمد عبد الفتاح]

ميرسي ردك ا /احمد

جزاك الله كل خير هو الدبرياج تقيييل جدااا
ادوس عليه بصعوبة وارفع رجلى بصعوبة جداااا
او ادوس مرة واحدة والعربية تنط قوم انا سايبة كل حاجة
ده غير ان كل شوية ادوس دبرياج وفرامل لما يكون زحمة
وابدا من جديد ؟؟؟
طيب يعنى ايه يعلى الدبرياج وهو ليه تقيل جدا
وفعلا غيرت اللى بيعلمنى اما اشوف حتعلم ولالا

تقل الدبرياج ممكن يكون الكابل بتاعه مصدى فيستحسن يتغير ويتشحم علشان يكون سهل فى الدوس عليه - ويعلى الدبرياج يعنى يخليه مش لازم تدوسى للأخر يعنى يبقى قريب شوية وماتدوسيش للاخر وده بيسهل شوية القصة.

[Lolo86]

تقل الدبرياج ممكن يكون الكابل بتاعه مصدى فيستحسن يتغير ويتشحم علشان يكون سهل فى الدوس عليه - ويعلى الدبرياج يعنى يخليه مش لازم تدوسى للأخر يعنى يبقى قريب شوية وماتدوسيش للاخر وده بيسهل شوية القصة.

ميرسي ا/ احمد حكلم الميكانيكى واقله عالدبرياج يرفعه ويغير السلك وان شاءالله اتعلم لانى تعبت
فكرة العربية الجديدة جاتنى من الزيادة الرهيبة فى الاسعار
خايفة بعد سنة مقدرش على تمنها وتزيد خاااالص
فقلت اجيبها دلوقتى احسن مش ده صحيح بتزيد الاسعار؟؟؟

[عﻻء سالمان]

قصدى على مدارس القيادة الخاصة و فيها معلمين ومعلمات وفى حالة وجود معلم يفضل وجود قريب على الكنبة الخلفية.. انا معرفش منطقة سكنك بس عندنا فمدينة نصر فى مدرسة فى اﻻوتوستراد الجهة المقابلة لجامع رابعة.. و ممكن تدورى عالنت تشوفى حاجة قريبة من سكنك و سمعتها كويسة .. متغامريش و تطلعى لوحدك عشان انتى عارفة السبطرة على المركبة فى منازل ومطالع الكبارى و التفادى لشر سواقين اﻻجرة امور محتاجة تدريب ربنا يوفقك

[Lolo86]

قصدى على مدارس القيادة الخاصة و فيها معلمين ومعلمات وفى حالة وجود معلم يفضل وجود قريب على الكنبة الخلفية.. انا معرفش منطقة سكنك بس عندنا فمدينة نصر فى مدرسة فى اﻻوتوستراد الجهة المقابلة لجامع رابعة.. و ممكن تدورى عالنت تشوفى حاجة قريبة من سكنك و سمعتها كويسة .. متغامريش و تطلعى لوحدك عشان انتى عارفة السبطرة على المركبة فى منازل ومطالع الكبارى و التفادى لشر سواقين اﻻجرة امور محتاجة تدريب ربنا يوفقك

ميرسي ا/ علاء جدا حاضر حشوف اى مدرسة

[م/أحمد عبد الفتاح]

موضوع زيادة الاسعار ده احنا السبب فيه لأننا كلنا بنفكر نفس التفكير إننا نلحق نشترى قبل ماتغلى نفس فكرة الزيت والسكر بتوع زمان :) - فالتجار لما يلاقوا كده يرفعوا الاسعار - يعنى ممكن تلاقى تاجر بيبيع عربية عالزيرو مثلاً بـ ١٠٠ الف جنيه وتاجر تانى بيبيعها بـ ٩٥ الف جنيه وتاجر تالت بـ ١١٠ الف جنيه على حسب ضميره ممكن يكون صحى سنه صغيره أو تاجر محتاج فلوس علشان يلفف دورة رأس المال وهكذا - هل اللى باعها بـ ٩٥ الف ده مش كسبان ؟ طبعاً كسبان لكن مش زى النصابين التانيين.
اعتقد إن الاسعار حاتستقرشوية بعد هوجة الصيف

[Lolo86]

موضوع زيادة الاسعار ده احنا السبب فيه لأننا كلنا بنفكر نفس التفكير إننا نلحق نشترى قبل ماتغلى نفس فكرة الزيت والسكر بتوع زمان :) - فالتجار لما يلاقوا كده يرفعوا الاسعار - يعنى ممكن تلاقى تاجر بيبيع عربية عالزيرو مثلاً بـ ١٠٠ الف جنيه وتاجر تانى بيبيعها بـ ٩٥ الف جنيه وتاجر تالت بـ ١١٠ الف جنيه على حسب ضميره ممكن يكون صحى سنه صغيره أو تاجر محتاج فلوس علشان يلفف دورة رأس المال وهكذا - هل اللى باعها بـ ٩٥ الف ده مش كسبان ؟ طبعاً كسبان لكن مش زى النصابين التانيين.
اعتقد إن الاسعار حاتستقرشوية بعد هوجة الصيف

يعنى ده مش تفكيري لوحدى بقى

للاسف فعلا الاغلب بيفكر كدة واعرف ناس كتير اشتروا قبل متزيد تانى

بس على فكرة استحالة الاسعار تستقر اللى انا شايفاه
كل حاجة بتزيد الضعف و فى عربيات بتزيد فى اليوم الف جنيه

يعنى اعرف واحدة كانت حتشترى عربية تانى يوم لاقتها زادت 3000 جنيه

وفى تفاوت فى الاسعار فعلا بين المعارض

خلاص خليها على الله ححاول اتعلم المانيوال

بس لو متعلمتش اعمل ايه تفتكر حتتباع بنفس السعر ولا حخسر فيها

[م/أحمد عبد الفتاح]

يعنى ده مش تفكيري لوحدى بقى

للاسف فعلا الاغلب بيفكر كدة واعرف ناس كتير اشتروا قبل متزيد تانى

بس على فكرة استحالة الاسعار تستقر اللى انا شايفاه
كل حاجة بتزيد الضعف و فى عربيات بتزيد فى اليوم الف جنيه

يعنى اعرف واحدة كانت حتشترى عربية تانى يوم لاقتها زادت 3000 جنيه

وفى تفاوت فى الاسعار فعلا بين المعارض

خلاص خليها على الله ححاول اتعلم المانيوال

بس لو متعلمتش اعمل ايه تفتكر حتتباع بنفس السعر ولا حخسر فيها

كل زيادة فى اسعار السيارات الزيرو يقابلها زيادة فى أسعار السيارات المستعملة

[Lolo86]

كل زيادة فى اسعار السيارات الزيرو يقابلها زيادة فى أسعار السيارات المستعملة

ميرسي جدا ا/ احمد معلش دوشتك معايا
ومعلش ممكن ادوشك تانى فى اى حاجة تخص عربيتى ؟؟؟

[م/أحمد عبد الفتاح]

مافيش مشاكل وتحت امر حضرتك

[amr011111]

الموضوع انك لسه جديده فالسواقه فاللى انتى فيه ده طبيعى. مع الوقت والتدريب هتلاقى الامور سهله وموضوع تعليم السواقه على حسب اللى بيعلمك. فمثلا تلاقى واحد علشان يعرفك تطلعى بالعربيه ازاى تلاقيه بايده اليمين بيدوس لتحت وايده الشمال بيرفعها لفوق وطبعا ده كلام ميعلمش. لما تدورى العربيه وهى على المور بتدوسى دبرياج عالاخر وبعجين تدوسى بنزين بحيث تسمعى صوت الموتور على شويه وساعتها ترفعى رجلك من على الدبرياج مش للاخر لمسافة تلته مثلا وتثبتى رجلك ساعتها هتلاقى العربيه مشيت. انما اللى بيخليها تفصل منك انك بترفعى رجلك من على الدبرياج بمسافه زياده. مع الوقت هتعرفى ازاى توازتى ما بينهم بس فى الاول اعملى زى الشرخ اللى فوق ومتخافيش الاسطوانه مش هيحصلها حاجه فى الاوائل وبالتوفيق