سكودا فيليشا أم هيونداى أكسيل

[Eng.M_Gamal]

السلام عليكم

أرجو من أهل الخبرة و المعرفة الافادة هل سكودا فيليشيا افضل ام هيونداى اكسيل

و شكرا جزيلا

[sherif_mahalla]

الفيليشيا تسعينات حلوه بس كماليتها تعبانة
هتجيب بفلوسها اكسيل ألفينات بكماليات معقولة
بس طبعا الألماني أعلى من الكوري كفتيس و محرك و شاسيه و صاج
بس الكماليات و قطع الغيار هي اللي هتفرق
طبعا الكماليات دي دلوقت أساسيات و أقصد بيها
الباور و السنتر و مكن القزاز و وحدات الرفع و المرايات و الكاسيت و السماعات و الكشافات و ما إلى ذلك
و قطع الغيار الأصلي بتاعتها مش متوفرة قوي لكن في منها كوري و صيني و ماليزي و تركي
في المقابل العربية الفليشيا دي ما شاء الله عليها طيارة مبلحقهاش عالطريق و دحلاب كده بتنساب في الزحمة
طبعا الكوري عكس اللي قلته
كماليات - قطع غيار
في رأيي
الفيليشييا أفضل أداء و أقل مشاكل و أصعب صيانة
الأكسيل أفضل راحة و أكثر مشاكل و أسهل صيانة
و الرأي الأخير لك على حسب ظروفك

[sherif_mahalla]

الرأي عن طريق تجربة زملائي لكن أنا لم أقود أحدهما
فقط ركبت بجانب الزملاء

[miam0502788391]

انا ركيت الاكسيل 6 سنين عملت بيها 120.000 كيلو اقدر اقولك اهم مشاكلها تنحصر فى حاجتين
الشاسيه بتاعها ضعيف وزنب اللحام بتفك خصوصا بين الفردتين الاماميتين وده اسوأ عيوب الاكسيل
الشيء الثانى العفشة محتاجة صيانة كل شوية كل 6 شهور مثلا

الاكسيل اتزانها مش وحش ومش حلو برضه يعنى فى الطوالى لحد 140 كيلو حلوة لكن فى الغرز والملفات اخرها 80 كيلو
الفرامل برضه مش وحشة لكن مش قوية
التكييف طبعا ضعيييف
الصالون واسع امامى وخلفى
الشنطة كويسة جدا بالنسبة لحجم العربية
العربية واطية شوية لكن لو ركبت علايات مش هتحك فى المطبات
الصاج ضعيف شوية لكن مش ورق يعنى
السحب جميل جدا بالنسبة لل 1500 سى سى ووممكن تشد مع لانوس واكسنت
قطع الغيار بالنسبة للمكانيكا والعفشة متوفرة وسعرها رخيص بالنسبة للصاج استيراد ونادرة شوية
الاضاءة للفوانيس الامامية مش حلوة ختى النور العالى
البور جمييييل لكن بيكون خفيف اوى بعد 110 كيلو

[borio1704]

http://www.nilemotors.net/Nile/489153-97.html