التعرض لعمليه نصب اثناء بيع عربيتي

[abdel samie]

باختصار شديدانا كنت بيبيع عربيتي من ٣ أسابيع وجه واحد يشتريها وفضل ينزل في السعر وفي الاخر بيعتها وقبضت تمن العربيه ناقص ٣ آلاف جنيه علي أساس اعمل توكيل للمشتري وبعد ما عملت التوكيل وطبعا الرخصة معايا لاقيته بيقولي العربيه محتاجه تيل وشويه حاجات هبله في حدود ٦٠ج وقلي الحاجه ديه هتتكلف ٤ آلاف جنيه بالنص بيني وبينك فانارفضت انزل جنيه وقلتله عايز ترجع العربيه انا موافق ودلوقت انا عامل توكيل ومازال معايا وكمان الرخصه وهو مكبر دماغه ومش بيتصل وانا حاسس انه هيروح الشهر العقاري يطّلع بدل فاقد من التوكيل ومش عارف اعمل ايه ياريت ال عنده خبره في الموضوع يفيدني

[م/أحمد عبد الفتاح]

روح إلغى التوكيل

[shake]

متابع

[hugan]

لو مايعرفش من اي شهر عقاري التوكيل طالع
سيبك منه

[الاسد المهاجر]

اعمل محضر

[Colin Chapman]

روح إلغى التوكيل

[رامي مصطفى]

روح إلغى التوكيل

هل ينفع يلغي التوكيل بمفرده .متهيألي لازم الطرفين يكونو موجودين وإلا ابيع لحضرتك عربيتي واروح الغيه واعمل الكلام ده مع كذا حد.
ولا انا غلطان

[ahmedkb]

انا سالت على الفيس حد قالى انك تعمله انزار فى المحكمة وبغدين لما ييجى تستلم منه العربية بمحضر

[A7medelfe2y]

التوكيل مش هينفع يتلغي للاسف
مفيش اي حل غير التفاوض

[sherif_mahalla]

لو التوكيل و الرخصة معاك
روح إلغى التوكيل
أو ممكن تبيع العربية لحد تاني و تسجلها
و هو لو رجعلك إديله فلوسه
ناقص تمن التسجيل
و ممكن تبلغ عن سرقتها
و هو عموما مش هيعرف ينقل ملكية أو يجدد الرخصة من غير الرخصة القديمة و أصل التوكيل
و لو بلغت عن السرقة
مش هيعرف يطلعلها شهادة بيانات

[tasaka]

انا شخصيا لا اعرف ما هو الحل للموقف ده

لكن علشان الكلام يبقى وافى و اوضح .. علشان الناس تقدر تساعدك

1- هل انت عملت التوكيل و هو كان معاك فى الشهر العقارى و قدم بطاقته هناك .. يعنى اقصد التوكيل اتعمل بحضور الطرفين امام موظف الشهر العقارى ؟

2- ايه هى صيغه التوكيل اللى عملته

3- طبعا هو استلم العربيه ؟ مظبوط

4- العقد اللى بينكم مكتوب فيه المبلغ المتبقى .. و شرط جزائى فى حاله عدم تسديد المبلغ ؟

5- هل مضى اقرار على نفسه انه استلم العربيه و اصبح مسئول عن اى شيئ يحدث .. طبعا بالتاريخ و الساعه

6- هو استلم العربيه منك من فتره قد ايه ؟

ربنا يسهل لك الامور ان شاء الله

[م/أحمد عبد الفتاح]

بص فى التوكيل لولقيت جملة "لايجوز إلغاء التوكيل إلا فى حضور الطرفين " يبقى مش حاتعرف تلغيه إلا بمحامى وقضية - ولو مكانتش الجملة دى مكتوبة روح بأصل التوكيل وإلغيه .

[abdel samie]

أنا كنت فعلا النهارده في الشهر العقاري وسالت علي الالغاء لقيت انه مينفعش ال في وجود الطرفين والموثق قالي المشتري يقدر يطلع صوره من التوكيل بمفرده بس السؤال الرخصه هينفع يطلعها بالتوكيل انا التوكيل شاطب علي التجديد والترخيص

[abdel samie]

طبعا هو مكنش معاي في الشهر العقاري وده الغلط الا انا عملته ومكنتش وقعت الا وانا واخد فلوسي كامله
التوكيل البيع للنفس والغير وتوكيل الغير والتعامل مع المرور
العقد الابتدائي فيه مبلغ متبقي ٣ آلاف مؤجلين لحين عمل التوكيل وشرط جزائي ٥ الاف حنيه العربيه طبعا استلامها وفي محضر استلام ماضي عليه

[Colin Chapman]

م/أحمد عبد الفتاح

م/أحمد عبد الفتاح