فيات تمبرا

[ramydal@gmail.]

بعد اذنكم يا جماعه كنت بسأل عن التمبرا 1994وايه الفرق بين 1400سي سي 1600سي سي و قطع الغيار غاليه ولا لاء هي ديجيتال ولو هي 1400ايه عيوبها وهي سلسه ف تصليحها ولا معقده

[ahmed.biso13]

بداية من موديل 1990 الى 1996 صناعة ايطالى
من1996 الى 2000 تقفيل مصرى
بالنسبة 1600افضل من 1400 لان العربية وزنها تقيل والماتور 1600 بيساعد على الجرى مع تحميل الافراد ولو 1600 انجكشن افضل من الكربراتيرعشان استهلاك البنزين
بس لو قدامك حاجة 1400البودى بتاعها كويس توكل على الله وممكن تغير ماتور 1800 س س هيخليها طيارة
بس اهم حاجة خد معاك ميكانيكى وسمكرى من طرفك وبص عليها بالنهار
بانلسبة للعداد العادى افضل من الديجتال فى الرؤية لان الديجتال نهار غير واضح الرؤية
قطع الغيار متوفر جديد فى التوفيقية
عند الكيلانى
لهيطة
افريقيا
الفتح
فيات 200
واسعاره اعلى الشاهين ب50جنيه
قطع غيرا المستعمل متوفر فى عزبة شلبى بنصف ثمن الجديد بس ده لاانصح به غير
فى قطع الاجزاء الميكانيكية زى البور والاسكترا والسوست فقط اما باقى اشياء افضل جديد

[ahmed.biso13]

دى مواصافات التمبرا بس اهم حاجة فى اى عربية تكون حالتها البودى بتاعها سليم
بالنسبة للكماليات والمواتير دى قطع غيارها مالية الدنيا
جديد عند الكيلانى ومستعمل فى عزبة شلبى
وعيبها الوحيد ان شنطتها عالية يعنى عشان تركن ماتشوفش الرصيف
او تطر تركن سنة سنة زى اى عربية
وهذا العيب تم التغلب عليه بواسطة حساسات باركن ب90جنيه
واليكم التقرير التالى عن التمبرا
انت وقعت صح على رجالة التمبرا لاننا جميعا هنا على المنتدى لان كل اصحاب التمبرا على المنتدى مجموعة ممتازة و اخوة بالنسبة للسؤال انا ممكن اكتب لك صفحات متعددة عن التمبرا بس حا احاول ألخص لك قدر الامكان توكل على الله و انت مغمض بس اهم حاجة تقع على تمبرا كويسة مش متهانة حا تستريح جدا جدا و صعب تغيرها و نبدأ فى الموضوع بص التمبرا أفضل الموديلات بها أولا خليك فى ال 1600 سى سى مش ال 1400 لانها أضعف كموتور و فية منها من غير كماليات اما التمبرا ال 1600 كمالياتها كالاتى تكيف و بور و 2 زجاج كهرباء أمامى و و صالون واسع جدا انا طولى 180 سنتى مش بعرف أظبط المراية اليمين الا لما بتحرك شوية على الكرسى اليمين و الكنبة الخلفية جيدة و مساحة للأقدام كويسة يعنى ركبك مش حا تخبط فى الكرسى الامامى ابدا زى الشاهين و الدوجان صوت الموتور ناعم مش زى الريجاتا حتى أنعم السحب على السريع ممتاز عاوز تجيب أكتر من 170 كيلو مثلا مفيش مشكلة و ممكن اكتر السرعة القصوى 184 كيلو بالساعة العفشة نظامها قوى جدا جدا بس ناشفة شوية التكيف لو مظبوط جيد جدا بس مش زى تكيف اليابانى و الكورى بس بالاجمال جيد الشنطة بحر مساحتها حوالى 550 لتر يعنى كبيرة الثبات فوق الممتاز العربية وزنها 1580 كيلو ايوة 1580 كيلو جرام الرقم صحيح مش مكتوب بالخطأ الموديلات الاحسن الايطالى يعنى الايطالى كان لحد تفريبا 94 او 95 بعد كدة تجميع شركة النصر للسيارات و سعر الايطالى موديل 94 ممكن يكون أغلى من موديل 98 المصرى هية كدة لو قعدت اعدد المميزات كتير جدا العيوب بقى لازم تفهم العربية كويس جدا علشان ما تكونش متعبة معاك اسعار قطع الغيار أغلى من الشاهين و الدوجان بس الميزة ان صعب تلاقى لها قطع غيار صينى او قطع غيار مضروبة كلة تركى او ايطالى او المانى اسعار قطع الغيار بالنسبة لعربية بالامكانيات دى مش خسارة ابدا فيها و بتعيش و القطعة الى بتغيرها انساها حبتين الصنايعية مش بيحبو يشتغلو اوى فيها بتاخد وقت فى تغير قطع الغيار و خصوصا العفشة لان العفشة نظام متكامل مع بعضة يعنى علشان تغير حاجة حا يفك كذا حاجة من وجهت نظر الميكانيكى دة عيب بس دة من عوامل الامان الممتازة بالسيارة و يوجد نوعين من ال 1600 سى سى كاربراتير و أنجيكشن و ما اظنش انك حا تلاقى الانجيكشن الا لو ايطالى و استيراد يعنى كانت داخلة مصر على اساس انها مخصصة للمعاقين عافاهم الله و شفاهم و دى عربيلت نمرة واحد ممكن تلاقى العربية فابريكا جوة و برة بس موضوع العربيات المعاقين دى انتهت خلاص الا لو لقيت واحدة ما عليهاش حظر بيع مش عاوز أطول عليك و لو ليك

رابط الجزء الأول
http://www.nilemotors.net/Nile/63365-a.html (رابطة مالكي وعشاق التمبرا (الجزء الأول))
رابط الجزء الثاني
http://www.nilemotors.net/Nile/172702-a.html (رابطة مالكي وعشاق التمبرا (الجزء الثاني))
رابط الجزء الثالث
http://www.nilemotors.net/Nile/189802-a.html (رابطة مالكي وعشاق التمبرا (الجزء الثالث))
رابط الجزء الرابع
http://www.nilemotors.net/Nile/208363-a.html (رابطة مالكي وعشاق التمبرا (الجزء الرابع))
رابط الجزء الخامس
http://www.nilemotors.net/Nile/220355-a.html (رابطة مالكي وعشاق التمبرا (الجزء الخامس))

الجزء السادسhttp://www.nilemotors.net/Nile/424335-a-36.html

[ahmed.biso13]

عشان تعرف تشترى تمبرا اقرا الخمس صفح دول وادخل على الرابط ده فيه الخلاصة

http://www.nilemotors.net/Nile/424335-a-31.html

[ahmed.biso13]

واخر حاجة واسف على الاطالة
التمبرا موديل1990 الى 1996 الصاج بتاعها مجلفن معنى معاج ضج الصدا والبارومة
بينما الموديل لمصرى معرفش بصراحة