سحب الاوبترا

[م.محمد حافظ]

اوبترا 2010 اتو. عندى استفسارين من اهل الخبرة
بحس ان العربية بتنح شوية كده بعد المطباط او بعد الضغط على الفرامل لحد متوصل لسرعتها والغريب انها بعد سرعة 70 بحس ان هى طيارة
تانى شىء باستغرب لية لما ابدأ ادوس فرامل الاقى السرعة بتزيد اول ملمس الدواسة ومع بداية الضغط تستجيب لدرجة انى ساعات بشك انا بدوس اية بالظبط!!!
ثالت حاجة وياريت تساعدونى فيها لانى لسة جديد فى الموديلات الحديثة...الفرامل عندى بتصفر خاصة لو العربية محملة ...ياترى القطع الاصلية بتيجى منين وبكام تقريبا واغيرها فى التوكيل ولا عند بلية الميكانيكى؟
وشكرا لمن ساهم فى التوضيح

[م/أحمد عبد الفتاح]

موضوع انها بتجمع ببطئ دى ممكن يكون العربية محتاجه شوية صيانات بسيطة زى البوجيهات لو بقالها فترة كبيرة وفلتر الهوا ممكن يكون محتاج يتغير والبوابة تتنضف وتشوف هل حصل تحسن - بالنسبة لانك لما بتدوس فرامل لو الار بى ام ( عدد لفات الموتور ) هو اللى بيعلى فده طبيعى لان الفتيس بيسقط نقله او اكتر من نقلة فالار بى ام بيرفع معاك لما تدوس فرامل - ولو سرعة العربية نفسها بتزيد فدى ممكن تكون مشكلة فى السيرفو او الخراطيم بتاعته اللى واخده من الموتور. وصفارة التيل ممكن تبدأ بالنظافة للتيل وتشوف هل الطنابير كويسة ولا فيها ريجه يبقى نوعية التيل وحشة ولما تشترى تيل جديد تجيب الكورى .

[م.محمد حافظ]

ولو سرعة العربية نفسها بتزيد فدى ممكن تكون مشكلة فى السيرفو او الخراطيم بتاعته اللى واخده من الموتور.
هو جميع العدادت لاحظتها مفيش مشكلة ولكن السرعة دى عباره عن دفعة . ويمكن كلام حضرتك ان تغيير الغيار للفتيس صح لان نفس الشىء كان معايا فى هيونداى الاكسل الاتوماتيك


وصفارة التيل ممكن تبدأ بالنظافة للتيل وتشوف هل الطنابير كويسة ولا فيها ريجه يبقى نوعية التيل وحشة ولما تشترى تيل جديد تجيب الكورى .

لو فى رخامة شويه نضافة التيل بتكون بماده معينه!
وشكرا جدا لحضرتك

[م/أحمد عبد الفتاح]

لو فى رخامة شويه نضافة التيل بتكون بماده معينه!
وشكرا جدا لحضرتك

هو يستحسن الميكانيكى يفك التيل ويغسله ببنزين هو والطنابير كويس ويركبه تانى - وفيه اسبراى بيتباع فى كارفور او فى البنزينات اسمه brake cleaner فى علبة لونها رمادى والكتابة بالبرتقالى .