شكمان السيارة

[abokoko]

انواع الشكمان
الفرق بين الشكمان الاصلى - البلدى - الاستثمارى
اجتهادات التركيب بالغاء اجزاء او الغاء علبة البيئة
اجتهادات التركيب بلحام ماسورة صلب
انواع اللحامات المستخدمة فى التركيب - كهرباء او اكسوجين - وايهما افضل
تركيب شكمان كامل ولا العلب التالفة فقط
تغيير المواسير التالفة
الفرن

رجاء من السادة الافاضل المساهمة بكل معلومة
و لا داعى للكسل

شكرا

[م أحمد]

ابعاد شكمان العربية مش هرتلة...مرتبطة بتصميم الموتور

السيارة مرة كانت مكتومة ...غيرت بوجيهات و ضبط سير كاتينة...المحصلة حريق عالى الكفاءة و سماع صوت شخللة واضحة من الشكمان و بفكه تبين انه نوع محلى الصنع ملىء بالزلط و قطع الحديد الدايبة و باستبداله بالاصلى فرق شاسع جدا
الماركة المشهورة اللى بتنتج اى نوع شكمانات لاى عربية لقيت نفس الشكوى من ملاك آخرين...و بالاخص الزلط داخل العلبة الخلفية....تقريبا بيعاملو العربية زى شريط السكة الحديد لما بيتحط بازلت اسود جنب القضبان علشان خمد الذبذبات !!!!!

[abokoko]

مقتنع بكلام حضرتك

بس المشكلة ان ظهر عيب للعلبة مفاجئ
وقتها بنبقي مضطرين نروح لورشة واحنا وحظنا فى اللى موجود
لاننا مش هنركن العربية علي بال ما نلاقي الاصلي

فانا بسال لان العلبة عندى بدات تتاكل
وعايز اشترى شكمان واكون جاهز بيه
وبما ان عندى وقت
فانا عايز كل المعلومات المفيدة


سؤال
الشكمان 3 علب
ممكن اعرف انهى واحدة هى علبة البيئة
هل هى اللى فى الوسط ؟

[م أحمد]

لا يا باشا
نركنها لغاية لما نلاقى الاصلى طبعا

علبة البيئة هى اول علبة بعد الموتور مباشرة فيها مواد بتحول اكاسيد الاكسجين و النيتروجين لاوكسجين و نيتروجين و تمنها غالى جدا علشان مكوناتها (آلافات)....و مبدأيا لو تصنيع محلى اركنها و انت مطمن....الغش فى الاكل و الشرب و حاجات كتير انتشر فمش هييجى فى علبة البيئة اللى جواها مكونات غالية و يقف....هو مين هيفتحها و يشوف و لا يعرف ايه الموجود

بالمناسبة اهمية علبة البيئة ان برة الترخيص على نسبة العادم مش على السى سى