لو خبطك توك توك و جري تعمل ايه

[same7mousa]

سلام عليكم جميعا
ياترى لو حد خبطه توك توك لا قدر الله و جري هتعمل ايه أصل الحكاية دي حصلت معايا و أنا جريت وراه لما جبته لقيته عيل صغير اللي سايق ما بقتش عارف أعمل فيه ايه

[aliabutaleb]

حصلت مع واحد زميلي راح جاري وراه وموقفه ونزل الناس اللي فيه وراح قالبه بسواقه بيديه العاريتين :)

[elassar2010]

حصلت مع واحد زميلي راح جاري وراه وموقفه ونزل الناس اللي فيه وراح قالبه بسواقه بيديه العاريتين :)

جاااااااااااااااااامدة جدااااااااااااااااااااااا
بصراحة موقف صعب جدا انا معرفش اية العمل

[iBiZa]

لسة كنت هقولك كدة, هقلبة على جنبة

[NaviGator_13]

هسيبه هعمل ايه يعنى !

[Samir Elshahawy]

طيب توتك توك و لا عربية نقل بمقطورة ؟؟ أيهما اهون ؟؟
احمد ربنا و حمد لله علي سلامتك , بجد انا مش عارف فيه أيه علي الطرق دي بقت حاجة رعب

[TaoTao]

التوكتوك ده مجرد شلوت بسيط في جنبه هاتلاقيه اتقلب باللي فيه .. اقلبه من غير ماتبص .. طالما هو جبان وماكلفش خاطره يقف يشوف الأضرار اللي عملها.

[mada121977]

حصلت فعلا معايا ..وبرضه السواق طلع عيل صغير ومعاه بنتين بيروش معاهم بالتوكتوك .. خبط العربيه وجرى نزلت من العربيه بسرعه وجريت وراه حوالى 20 متر لغايه ماوقفته واديتله علقه محترمه جدااا .علشان يحرم يخبط ويجرى

[ibrahimsaad]

سواقين لتوك توك معظمهم شويه عيال او بلطجيه

لابيفهموا فى اصول القياده ولابيعرفوا حتى اشارات المرور وماشيين بمزاجهم

[beautiful0mind]

لأ انا حصل قدامى موقف جامد جدا

فالهرم وفى شارع التوكتك عاملين موقف فى المهم وفى واحد جى بعربية النترا والتوكتك راكن بيحمل وهب لف مره وحده لدرجة ان الراجل بتاع الانترا ملحقش يفرمل المهم بتاع التوكتك وخدها عافية عايز يلف برضة وهو غلطان ومش همه راح صاحب الانترا راجع لورا جامد وراح داخل فالتوكتك وفضل يذق فى لغايط مقلبة ونزل ضرب الواد علقة لأ والناس فضلت تتفرج وتقوله تستاهل ومشى الراجل بالعربية والناس بتقوله الله ينور


وانا وصحابى مش قادرين نمسك نفسنا من الضحك على موقف الراجل لأنى مكونتش اتوقع انه لما رجع كان نيته يخش فى انا قولته هيوسعله

[Terrible_DaRsH]

[CENTER]يعنى هى جت على التوك توك ..!!!
دى ناس معندهاش دم اصلا لما تشوفوهم تفادوهم وخلاص ...[/CENTER]

[pro_samir]

من شهر تقريبا فى شارع السودان توك توك ماشى على الشمال خالص واخويا ماشى فى وسط الطريق وبيعدى منة مرة واحدة راح قافل علية و واخد اقصى اليمين علشان حد من اللى راكبين معاة وقع منة كيس
طبعا ملحقش يفادية وخبطة من ورا بطرف الأكصدام مع فرملة جاممدة طبعا وكسر الدركسيون شمال
وبرضو خبطة خبطة التوك توك اتنطر والناس اللى كانو راكبين فية طارو منة على الأرض
العربية محصلهاش حاجة الحمد لله خربوش خفيف كدة
و والدى كان هيعملة مشكلة طبعا بس لاقى واحدة من الستات اللى كانو فية مغمى عليها فاضطر يلم الموضوع ومشيو لان اخويا مكانش معاة رخصة لسة

[smsmbakr]

لسة كنت هقولك كدة, هقلبة على جنبة

+100000000000000

[bishoo33]

حصل ذلك مع واحد زميل لى معاه شاهين
دخل مهدى على مطب بمنطقه العجمى التى تكتظ بالتكاتك وكان وراه تكتك مسرع جدا مقدرش يفرمل ويقف فحاول يفادى زميلى هذا ولكنه لم يستطع فأخدله الجانب اليمين كله الرفرفرين والبابيبين
عقبال ما صاحبى نزل يشوف اللى حصل على أمل تكون الحكه خفيفه كان طار وجرى ولكنه طار وراه الى ان لحقه وعطاله علقه جامده جدا اصل صاحبى ده كف ايده ولا ايد المخبريين وطويل وربنا يرحم اللى يقع تحت ايده
ولكن مخدش منه حاجه واضطر فى الأخر يدخل العربيه عمره سمكره ودوكو اصلها كانت على الأخر

[MohaMed_Refaat]

واية اللى حيجيب التوك توك جمب العربية اصلا انا اللى اعرفة ان التوك توك موش بيطلع على الطريق ودة اللى انا بشوفة فعلا عندنا فالواحد لو اضطر يخش عند طريق التوكتوك يبقى هو اللى بيغامر ويقرب منهم ولازم يحرص منهم لان كول سواقينة موش معاهم رخص ولا ترخيص وعلى فكرة انا اعرف واحد اتخانق مرة مع بتاع توك توك فى برج العرب قام سواق التوكتوك استناة فى الموقف لحد لما رجع وجاب اصحابة بتوع التكاتيت وضربوة فالاحسن الواحد يبعد عنهم