حاجة غريبة فعقد بيع سيارة مستعملة

[koko616]

اشتريت عربية مستعملة من واحد محامي
و هو عملي عقد و خلصهولي ف الشهر العقاري من غير ما اروح

و روحت اخدت العقد و العربية من غير ما ابص ف العقد للاسف

بعد ما روحت اتفاجئت ان السعر اللي مكتوب ف العقد 2000 جنيه بس مع اني دافع 60 الف

هل ده طبيعي ولا معناه ايه دا و اتصرف ازاي ؟

[sherif_mahalla]

هما بيكتبوا كده طبيعي عشان الرسوم
كل ما بتكتب سعر أكبر كل ما بيخصموا منك رسوم أكتر
أنا نفسي مكتبتش سعر لقيت الموظف كتب 2000 جنيه لوحده
عموما لو العربية بالنسبالك مناسبه و مفيهاش عيوب يبقى عادي
لو انت خايف تطلع فيها حاجه
اطلب من المحامي يكتبلك عقد ابتدائي بالمبلغ اللي انت دفعته عشان لو عايز ترجعها
لكن متقلقش هو منصبش عليك هما اللي بيكتبوا كده لوحدهم

[sherif_mahalla]

بس خلى بالك لو اسمك في العقد كمشتري
يبقى لازم تسجل العربية في خلال شهر
و إلا هتضطر تعمل عقد جديد و قصه

[samirpop2]

مش لازم ينقل ملكيه في خلال شهر اللا لو مضي مشتري في العقد

[رامي مصطفى]

فعلا هما بيحطوا سعر وهمي علشان الرسوم
ماتقلقش

[engaass]

بس الرسوم بقت حاليا على السعه اللترية و سنة الصنع بغض النظر عن سعر البيع
اعتقد مبقاش فيه فايدة من كتابه سعر قليل فى العقد زى زمان لان زمان الرسوم كانت على سعر البيع المكتوب فى العقد

[sherif_mahalla]

بيتهيألي هي تجميعة رسوم
لأن الموظف كتب 2000 من غير ما يسألني
لو مش بتفرق كان قالي أكتب كام

[sherif_mahalla]

مش لازم ينقل ملكيه في خلال شهر اللا لو مضي مشتري في العقد

لو اسمه مكتوب و مضي مشتري

[ehabouf]

بس الرسوم بقت حاليا على السعه اللترية و سنة الصنع بغض النظر عن سعر البيع
اعتقد مبقاش فيه فايدة من كتابه سعر قليل فى العقد زى زمان لان زمان الرسوم كانت على سعر البيع المكتوب فى العقد

هي مش بالظبط كده
الرسوم نسبة من سعر البيع بحد ادنى معين لكل (سنة صنع / سعر بيع) وموظف الشهر العقاري متعود على ان كل الناس بتكتب اسعار متدنية جداً علشان يدفعوا الحد الأدنى

[Soha Shalaby]

عادي انا شارية عربيتي ب 142 , و كتب 1000 جنيه
و العقد خدوه مني في المرور لما جيت اطلع الرخصة