جددت رخصه العربيه مدة سنتين في ساعه وعشرة دقائق!!

[رامي مصطفى]

طلعت براءة الذمه من النيابه اللي انا تابع ليها
وروحت لمرور المنصوره دخلت الساعه ١١:٠٠ صباحا وخرجت بالضبط الساعه ١٢:١٢ م.كل حاجه من اول سحب الملف ودفع التأمين وتأشيرة الضابط وتسليم الملف للموظف (أ/جمعه) طبعا بتوع المنصوره كلهم عارفينه.هههههه. ومراجعة الملف ودفع الضريبه واستلام الرخصه لدرجه اني فضلت اراجع في الرخصه حرف حرف خوفت اكون استلمت رخصه واحد بايت من انبارح في المرور.هههههه حاجه جميله والمروى منظم جدا والناس محافظه على الطابور غريبه حسيت اني مش في مصر.لأ ودخلت المرور لاقيتهم مشغلين قرآن بصوت مشاري راشد في سماعات متعلقه في السقف زي بتاعت السقف المعلق..!!!!!! حاجه تشرح كده والله.
ياريت كل المصالح الحكوميه تكون كده
وللعلم ما دفعتش جنيه رشوه والله
والتكلفه للعلم عربيتي تيريوس ٢٠٠٠ ١٣٠٠cc
تأمين اجباري ١٨٧ج سنتين
ملف ٣٢ج
ضريبه سنتين ٤١٨ج
ومشيت وانا زعلان قلت في نفسي لما المرور يتظبط كده اعمل الرخصه بسنتين ومش هشوف النظام ده غير بعد سنتين! ياللا الحمد لله
اسف للإطاله بس حبيت اطمن الاعضاء اللي من المنصوره ان الدنيا بأت محترمه جدا في المرور

[bluemail]

ما شاء الله، مبروك الرخصه يا دكتور
عقبال مرورنا كلنا لما يبقي كده
وكل مصالحنا الحكوميه باذن الله
بس ليه ما عملتش الرخصه 3 سنين احسن

[sherif_mahalla]

بس تقصد ايه بأستاذ جمعه اللي كل الناس عارفينه؟

[hugan]

هههههههه اكيد في حاجه مش طبيعيه عندكم
خير علي الله العدوي تنتقل
الي باقي وحدات المرور

[فتح الباب]

كلامك مبشر والله انا سعدت بذلك . اما بخصوص انك عايز تروح تانى علشان تشوف النظلم الجميل ده ممكن تعمل مخالفه رادار وسلم الرخصه علشان تروح تجيبها من هناك تانى . تحياتى لحضرتك ارجو تقبل مرورى

[ahmed_wagih]

متفق معاك ان المرور عامتا تحسن انا بردة كنت شارى عربية مستعملة وكنت بنقل من مرور لمرور الناس كلها خوفتنى بس الحمد لله الدنيا كلها خاصت فى يومين بسبب انى مكنتش جبت شهادة المخالفات لو كانت معايا كنت خلصت فى يوم واحد وماشى بدرى كمان - مرور شبرا الخيمة

[lancer06]

انجاز تاريخى بصراحة
عقبال عندنا

[bahaa mohamed]

سبحان الله

[رامي مصطفى]

ما شاء الله، مبروك الرخصه يا دكتور
عقبال مرورنا كلنا لما يبقي كده
وكل مصالحنا الحكوميه باذن الله
بس ليه ما عملتش الرخصه 3 سنين احسن

الف شكر لحضراتك
علشان الفحص بعد سنتين لأني فحصت السنه الي فاتت ورخصت سنه واحده

[رامي مصطفى]

هههههههه اكيد في حاجه مش طبيعيه عندكم
خير علي الله العدوي تنتقل
الي باقي وحدات المرور

آميين

[رامي مصطفى]

كلامك مبشر والله انا سعدت بذلك . اما بخصوص انك عايز تروح تانى علشان تشوف النظلم الجميل ده ممكن تعمل مخالفه رادار وسلم الرخصه علشان تروح تجيبها من هناك تانى . تحياتى لحضرتك ارجو تقبل مرورى

الله يخليك
لأ الف شكر مش عايز
متقبل مرورك طبعا

[رامي مصطفى]

متفق معاك ان المرور عامتا تحسن انا بردة كنت شارى عربية مستعملة وكنت بنقل من مرور لمرور الناس كلها خوفتنى بس الحمد لله الدنيا كلها خاصت فى يومين بسبب انى مكنتش جبت شهادة المخالفات لو كانت معايا كنت خلصت فى يوم واحد وماشى بدرى كمان - مرور شبرا الخيمة

ربنا يباركلك

[رامي مصطفى]

انجاز تاريخى بصراحة
عقبال عندنا

آمييين ويارب كل المصالح الحكوميه

[رامي مصطفى]

الف شكر لكم جميعا

[sherif_mahalla]

النت واقع من الخميس للسبت
و كل الرخص و الشهادات اتسلمت السبت بعد الظهر