محتاج اراء وتفاعل الخبرا في المنتدى معايا لو سمحتم !!!!!

[netawygames]

سلام عليكم ورحمة الله وبركاته، مبدئياً عاوز اشكر القائمين على المنتدى ده بجد اكتر من رائع في تخصصه ومفيد جداً ليا على المستوى الشخصي اي حاجة بستفسر عنها في جوجل دايماً الاقيه في وشي بالاجابة :d

يا جماعة انا محتاج مساعدتكم .. عاوز اجيب عربية كويسة في حدود 30 - 40 الف محتاج ترشيحاتكم
والاهم من كدا انا مييييح في العربيات معرفش اي حاجة حرفياً :d يعني ممكن يتضحك عليا بسهولة ف اي بيعة ف محتاج نصيحتكم اعمل ايه بالظبط عشان ميتضحكش عليا

انا والدي الله يخليه علمني السواقة على عربيته من سنة واتمرست وبقيت محترف الحمدلله :d بس انما في الميكانيكا حماااااار كبير xd الموضوع ده مضايقني جداً ومحتاج نصيحتكم

شكرا مقدما ;)

[mahmoudselim]

ربنا يوفقك ان شاء الله. اهم نصيحه ليك عدم الاستعجال نهائي اوعي تستعجل في اي بيعه تحت اي ظرف. ثانيا ماتنخدعش نهائي بأي مظهر للعربيه و90٪ من العربيات اللي مشيسه او فيها مشاكل كتير هتلاقي اصحابها بيوضبوها احلي توضيب وقت البيع علشان تخطف عين الزبون. ثالثا ماتثقش في اي حد للاسف ميكانيكي او سمكري . لو عندك اصحاب عندهم فكره كويسه عن العربيات خد واحد منهم كل جمعه وانزل السوق لفه كله حاول تعمل الموضوع دا 3 شهور قبل ما تشتري وانزل اتفرج كل جمعه وشوف واتعلم من الناس البايع والمشتري وابني لنفسك وجهه نظر في المنظومه دي كلها... عن تجربه مشابه لتجربتك انا كنت بنزل السوق الجمعه كتير اتعلمت كتير جدا واخدت ثقه في نفسي كويسه واتعلمت حاجات كتير الحمدلله فادتني كتير جدا. لو معندكش اصحاب اقرأ كتير عن مواضيع ازاي تكشف علي العربيه المستعمله واتفرج علي اليوتيوب. توكل علي الله وصلي استخاره قبل ما تخلص في العربيه دي اهم حاجه ان شاء الله. بالتوفيق

[salam100100]

فعلا انا مع مشاركه العضو اللى بتقول متستعجلش
ابعد عن التجار (بيبان من معملتهم) التاجر تاجر مش هيخسر - ميهموش البايع- بيحلى العربيه فنظرك وبس (اغلبهم)
ادرس السوق- دخل العربيات اللى بتختارها فى مقارنات- صفى مابينهم- ركز- حط مجهودك فالعربيات اللى تستاهل- متقلش هسترخص واجيبها واظبطها - دا وجع دماغ ومصاريف
فلوسك جاهزه
خد معاك صديق تثق فيه
عاين العربيه- حط فى بالك اى عربيه مستعمله هتصرف على الاقل 3000 جنيه اول متستريها (مصاريف نقل ملكيه- صيانه احتياطيه- تظبيط حاجات بسيطه)
عربيه حلو وتستاهل خلص فيها
العربيات الحلوه بتطير بسرعه

نيجى للميزانيه
30-40 ممكن تجيب ماروتى لكن يعيبها انها بدون تكييف وصغيره للعيله

[netawygames]

:)))

ربنا يوفقك ان شاء الله. اهم نصيحه ليك عدم الاستعجال نهائي اوعي تستعجل في اي بيعه تحت اي ظرف. ثانيا ماتنخدعش نهائي بأي مظهر للعربيه و90٪ من العربيات اللي مشيسه او فيها مشاكل كتير هتلاقي اصحابها بيوضبوها احلي توضيب وقت البيع علشان تخطف عين الزبون. ثالثا ماتثقش في اي حد للاسف ميكانيكي او سمكري . لو عندك اصحاب عندهم فكره كويسه عن العربيات خد واحد منهم كل جمعه وانزل السوق لفه كله حاول تعمل الموضوع دا 3 شهور قبل ما تشتري وانزل اتفرج كل جمعه وشوف واتعلم من الناس البايع والمشتري وابني لنفسك وجهه نظر في المنظومه دي كلها... عن تجربه مشابه لتجربتك انا كنت بنزل السوق الجمعه كتير اتعلمت كتير جدا واخدت ثقه في نفسي كويسه واتعلمت حاجات كتير الحمدلله فادتني كتير جدا. لو معندكش اصحاب اقرأ كتير عن مواضيع ازاي تكشف علي العربيه المستعمله واتفرج علي اليوتيوب. توكل علي الله وصلي استخاره قبل ما تخلص في العربيه دي اهم حاجه ان شاء الله. بالتوفيق

تمام يا ريس الف شكر ع النصايح

[netawygames]

فعلا انا مع مشاركه العضو اللى بتقول متستعجلش
ابعد عن التجار (بيبان من معملتهم) التاجر تاجر مش هيخسر - ميهموش البايع- بيحلى العربيه فنظرك وبس (اغلبهم)
ادرس السوق- دخل العربيات اللى بتختارها فى مقارنات- صفى مابينهم- ركز- حط مجهودك فالعربيات اللى تستاهل- متقلش هسترخص واجيبها واظبطها - دا وجع دماغ ومصاريف
فلوسك جاهزه
خد معاك صديق تثق فيه
عاين العربيه- حط فى بالك اى عربيه مستعمله هتصرف على الاقل 3000 جنيه اول متستريها (مصاريف نقل ملكيه- صيانه احتياطيه- تظبيط حاجات بسيطه)
عربيه حلو وتستاهل خلص فيها
العربيات الحلوه بتطير بسرعه

نيجى للميزانيه
30-40 ممكن تجيب ماروتى لكن يعيبها انها بدون تكييف وصغيره للعيله

تمام .. شكرا يا رجالة ^_^
طيب عندي سؤال انا كان مترشحلي اجيب ايبيزا بالمبلغ اللي معايا ايه رايك فيها ؟