إعـــــــلان

Collapse

.

,
See more
See less

قائمة بالسيارات التي تحمل لقب سيارات الخدمة الشاقة....!!

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    قائمة بالسيارات التي تحمل لقب سيارات الخدمة الشاقة....!!

    سمعت في المنتدي عن سيارات كتير يقال عنها انا تصلح للخدمة الشاقة...
    فيما يبدو ان الخدمة الشاقة هنا معناها السير في الطرق الوعرة او الغير الممهدة....ودة كان احد الاسباب ايلي خلتنا نفكر في اللادا...

    حاليا افكر في شراء سيارة....ومستبعد اللادا (كفاية لحد كدة!!)....وبرضة عايزها خدمة شاقة بنفس المعني المذكور عالية (شوارع غير ممهدة او مسفلتة مطبات وحفر وتكسير)...بس يكون بيها نوع من الرفاهية الي حد ما...

    السيارات ايلي سمعت عنها ...كانت كالآتي :

    شاهين 1400 او 1600

    تويوتا كورولا (بس من كلام الاعضاء عن قطع الغيار شكلها كدة مش هاتكون مناسبة ...!!!)
    نيسان صني ..(ما زالت تحت الدراسة ....)
    البعض رشح اللانسر (حيث يقال ان العفشة رياضية ...وتتحمل ظروف شوارعنا)

    ياريت لو اي حد من الاعضاء....يرشح اي نوع اخر من السيارات ذات صفات الخدمة الشاقة ..من حيث العفشة خصوصا...

    ملحوظة: تم استبعاد سيارات الدفع الرباعي نظرا لشراهة استهلاكها للبنزين ...

    وياريت يا جماعه ...نعمل موضوع مخصوص باسعار قطع غيار العفشة تحديدا لكل سيارة...العفشة بالذات من الاجزاء المهمة قوي في السيارت ايلي بتتحرك في مصر....بسبب الطرق والشوارع ذات الطابع الرياضي....
    -----------------------------------------------------------------------
    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
    [/CENTER]
    ------------------------------------------------------------------------
    الكلمات الدلالية (Tags): 1300, 1500, 1600, 20, 40, 400, 50, nile, اسعار, اسعار قطع الغيار, اسعار قطع غيار, اسكندرية, التسارع, التي, الخدمة, الشاقة, الشنطة, الفئة, اللانسر, الي, بالسيارات, بدون, بنزين, بيع, تحمل, تغيير, تويوتا, تويوتا كورولا, خدمة, رياضية, سعار قطع غيار, سعر, سيارات, سيارة, سير, شاهين, شراء, صيانة, صيانه, عايز, عداد, عربية, عفشة, عفشه, عن, غالية, غطاء, غيار, في, قائمة, قطع, قطع الغيار, قطع غيار, كبوت, كل, كماليات, كورولا, لادا, لانسر, لقب, محلات, مصر, مع, مقالب, من, موتور, ميتسوبيشي, ميكانيكى, نيسان, هل, هنا, هي
  • #2
    الاستاذ الفاضل hero الشاهين هى اختيارك بدون منافس سواء ال 1400 او ال1600 وان كانت ال 1600 احسن بالطبع علشان التكييف و الباور الشاهين من السيارات ذات الخدمه الشاقه جداااااااااااا و اسأل مجرب تستحمل كل الظروف سواء حاله الطريق من مطبات و تكسير و حفر و تستطيع تحديد ابعاد العربيه بسهوله علشان زواياها حاده و فيها ميزه مهمه و هى رخص اسعار قطع الغيار اللى ببلاش و توافرها عند كل محلات قطع الغيار و سهوله صيانتها عند اى ميكانيكى و سعر اعاده البيع بتاعها ممتاز عاوز اييه اكتر من كده :P

    Comment

    • #3
      ما ينفعش نقول عربيه خدمه شاقه مع تمن قليل معادله صعبه اوي.
      بالنسبه للكورولا تعتبر احسن حاجه في فئه ال 1300 سي سي و لو عاوز موتور يعمر و يستحمل هات كورولا 1600 ب 133 الف!!!!
      اقل من 100 الف و قطع غيار رخيصه مفيش غير الشاهين .
      لو حنزود لحد 200 الف نشوف بقي بي ام الفئه التالته مستعمله او حاجه قريبه من كده.

      Comment

      • #4
        الموضوع المطروح غريب شوية!

        المقارنة بين عربيات بينهم اختلاف كبير جدا في الفئة السعرية! شاهين مقارنة بكورولا مقارنة بالصني!

        ياريت يكون في تحديد في الفئة السعرية لان دة حيفرق جامد جدا!

        اما اذا كان الموضوع مطروح للمناقشة فقط دون الجدية الشرائية ففي رايي التويوتا كورولا لانها لها سمعة جيدة وعالية ةالياباني معروف عنة الكفاءة وقوة التحمل!

        اما قطع الغيار فطبعا غالية سواء كورولا او صني او ميتسوبيشي بس اللي معاة تمن هذة السيارات (في حدود 120 الف جنية) اعتقد غلو قطع الغيار مش حيكون مشكلة عويصة!
        لاتظلمن إذا ما كنت مقتدراً *** فالظلم آخره يأتيك بالندم

        نامت عيونك والمظلوم منتبه *** يدعو عليك وعين الله لم تنم

        Comment

        • #5
          [quote="goodwave"]الموضوع المطروح غريب شوية!

          المقارنة بين عربيات بينهم اختلاف كبير جدا في الفئة السعرية! شاهين مقارنة بكورولا مقارنة بالصني!

          ياريت يكون في تحديد في الفئة السعرية لان دة حيفرق جامد جدا!

          اما اذا كان الموضوع مطروح للمناقشة فقط دون الجدية الشرائية ففي رايي التويوتا كورولا لانها لها سمعة جيدة وعالية ةالياباني معروف عنة الكفاءة وقوة التحمل!



          المشكلة مش في تمن العربية بس....انا زي ما شفت من بعض الاعضاء ..ان في ناس شاريين عربياتهم قسط...يعني حتي تمن العربية مش كامل ...وعلية اقساط كمان...

          انا باسأل لان حتي لو معايا تمن العربية فمن الممكن اني بعد كدة ماعرفش اصرف علي العربية لو حصل ليها حاجة لاقدر الله...وبالذات في قطع غيار الميكانيكا الغالية زي العفشة مثلا ...او الكبالن...او غيرة...

          انا في رأي ان شراء السيارة مش مهم قد قدرة الشاري علي متابعه مصاريف السيارة نفسها من صيانة وقطع غيار.....

          ايلي خلاني برضة اسأل....هو ان مثلا عربية زي الشاهين الـ1600 علي الزيرو هاتعمل حوالي 70 الف (بعد تغيير الكاوتش والمساعدين) يعني بقي بينها وبين عربية زي الصني الـ 1600 حوالي 15 الف جنية ....وايلي برضة في وجهه نظري مش فرق كبير قوي بين عربية زي الشاهين بتكنولجيتها وكمالتها و الصني وشكلها وكونها ياباني وفيها جميع الكماليات !!!!

          ايلي هايفرق بينهم هو تكاليف الشتغيل ...اكيد الصني هاتتكلف اكتر في الصيانات وقطع الغيار...بس لو الفرق في قطع الغيار مش كبير او قطع الغيار في الاتنين ليهم نفس درجة التحمل ...او حتي لو قطع الغيار الياباني هاتعيش اكتر مع غلوها في السعر ....يبقي كدة ممكن كفة الصني ترجع ...ويبقي فرق الـ 15 الف مناسب جداا....

          هو دة بالظبط ايلي انا عايز اعرفة....
          -----------------------------------------------------------------------
          [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
          [/CENTER]
          ------------------------------------------------------------------------

          Comment

          • #6
            شوف

            حتى لو انت جايب العربيه بالقسط فانت غالبا بأذن الله لن تحتاج لمصاريف صيانه عاليه خلال مده القسط (انا بافترض مده معقوله يعنى من 4-6 سنين)
            فى خلال المده دى لو معاك كورولا هاتعمل بيها متوسط 100 الف كيلو ودول غالبا لا تحتاج فيهم الا للصيانه الدوريه (فى حدود 1500-2000 سنويآ)

            اما لو هاتقسط على 7 أو عشر سنين, دى بقى مده بعيده قوى انك تفكر فيها لآن اسعار وظروف كل شىء فيها هايتغير بالتأكيد

            Comment

            • #7
              شوف يا عم
              انا مع الاستاذ nile heart في موضوع ظهور المصاريف بعد 4-6 سنين!

              بس احب ارجع لسوءالك لية تجيب صني مثلا مش شاهين وانت شايف الفرق مش كبير؟

              اولا قطع غيار الياباني معمرة
              ثانيا الصني عربية محترمة ومش حتخزلك او تحرجك على الطريق
              راي الخاص شايف ان الشاهين عربية عادية جدا وليس بها اي نوع من الرفاهية في التقفيل الخارجي او الداخلي (دة رائ شخصي مع احترامي لملاك الشاهين)
              لاتظلمن إذا ما كنت مقتدراً *** فالظلم آخره يأتيك بالندم

              نامت عيونك والمظلوم منتبه *** يدعو عليك وعين الله لم تنم

              Comment

              • #8
                هسهل عليك المسالة شوية

                هنقارن عربيتين مالهمش دعوة ببعض خالص هم الشاهين والصنى لكن اهم حاجة تجمع بين الإثنين فى نظرى انى كان عندى شاهين وجبت صنى وبالتالى انا على دراية بالإتنين

                بص ، لو أنت بتتكلم عن فكرة الخدمة الشاقة باعتبار انك بتتكلم عن شوارع القاهرة العادية يبقى الشاهين مش هايكون لها اى ميزة سوى انها اريح فى المطبات على جسم الراكب، لأن الصانى انشف شوية على جسم الراكب وذلك فى مقابل ثباتها الخرافى فى السرعات العالية والذى تفتقر إليه الشاهين بعد 130

                وذلك فى مقابل مميزات عديدة للصانى منها سهولة المناورة عن الشاهين وتفوق التسارع الى حد كبير وتفوق تكييفها تماما بالمقارنة بتكييف الشاهين، واتساع الصالون وشكل التابلوه الاحدث والزجاج الكهربائى

                لكن ، لو انت بتقصد خدمة شاقة تشتمل على السير فى مدقات واستخدام السيارة فى مناطق عشوائية وانتظار السيارة فى اماكن يحب الأطافال والشباب فيها اتخاد كبوت السيارة منتدى للقاءاتهم يبقى لا صنى ولا تويوتا ولا اى حاجة هتسد معاك غير الشاهين،كما ان استهلاكها للبنزين معقول جدا

                وعلى فكرة عن تجربة سنوات طويلة مع الشاهين سواء سيارتى السابقة او سيارات الشركة التى اعمل بها، هذة السيارة محترمة جدا وليست لها اية دقات نقص ولا مقالب ، وععلى مدى 5 سنوات و 100 ألف كيلومتر قطعتها بهذة السيارة عمرها ما عطلت منى او عملت فى اى مقلب من اى نوع، كما ان بها كماليات لا باس بها لا تتوافر لسيارات اخرى مثل عداد الأر بى إم وفوانيس الشورة الامامية والخلفية والإضاءات المتعددة للصالون وفتح الشنطة مع السنتر لوك،
                هى سيارة لا تفتقر للرفاهية لكنها تمتلك فقط الحد الادنى منها، لكن بالمقابل هى السيارة الوحيدة المعقولة سعريا التى تتحمل العمل فى ظروف الخدمة الإستثنائية (لا أنسى ذلك اليوم الذى طلعت بيها فيه فوق غطاء بلاعة متركب مايل كان كفيل بقص بطن اية سيارة اخرى، ولم اجد اى اثر للطلوع فوق الغطاء سوى خرابيش فى قضيب الحماية الالمصنوع من الصلب الموجود اسفل المحرك)
                اما لو انت بتتكلم عن الخدمة فى شوارع القاهرة العادية يبقى طبعا العربيات اليابانى هتديك نفس مستوى تحمل الشاهين مع درجة رفاهية اعلى
                [SIZE=5][COLOR=navy]سبعاوى[/COLOR][/SIZE]
                _______________________________________________

                Comment

                • #9
                  الف شكر يا سبعاوي باشا ....انا فعلا العربية معايا ممكن تتبهدل ...نتيجة استخدامها في شوارع مش مسفلتة اصلا...غير انتظارها في اماكن ...سهل انها تستخدم فيها ككنبة ....

                  بس انا لية سؤال تاني صغير ....اية رايك في السفر بالشاهين...بمعدلات عالية ...يعني مرتين او 3 في الاسبوع مسافات توصل لحد 300 كم في االمرة الواحدة.....هل السفر الكتير دة بيفكك عفشة العربية وبالتالي هاتحتاج تتربط كل مرة (زي ما بيحصل معايا في اللاد) ولا يفي تربيط العفشة كل 5 آلاف كيلو بغض النظر عن طبيعه قطع الكيلومتر (سفر او داخل المدينة)...

                  سؤال اخير :

                  هل تفضل شراء السيارة الشاهين الـ1600 من الزيرو ....يعني حوالي 70 الف جنية بعد تغيير الكاوتش وخلافة ...ام البحث عن سيارة مستعملة بحالة جيدة جداا مع فارق كويس في المبلغ اعلاة....

                  ولك جزيل الشكر ..
                  -----------------------------------------------------------------------
                  [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
                  [/CENTER]
                  ------------------------------------------------------------------------

                  Comment

                  • #10
                    بس انا لية سؤال تاني صغير ....اية رايك في السفر بالشاهين...بمعدلات عالية ...يعني مرتين او 3 في الاسبوع مسافات توصل لحد 300 كم في االمرة الواحدة.....هل السفر الكتير دة بيفكك عفشة العربية وبالتالي هاتحتاج تتربط كل مرة (زي ما بيحصل معايا في اللاد) ولا يفي تربيط العفشة كل 5 آلاف كيلو بغض النظر عن طبيعه قطع الكيلومتر (سفر او داخل المدينة)...
                    الشاهين عربيه تستحمل السفر و حتسد معاك ما تقلقش و مش حتحتاج تربيط عفشه كل شويه لكن انت لو بتمشي في شوارع مكسره و طرق غير ممهده كتير ف لا الشاهين ولا اللادا و لا اي عربيه حتستحمل كده و لازم عينك علي العفشه علي طول.
                    هل تفضل شراء السيارة الشاهين الـ1600 من الزيرو ....يعني حوالي 70 الف جنية بعد تغيير الكاوتش وخلافة ...ام البحث عن سيارة مستعملة بحالة جيدة جداا مع فارق كويس في المبلغ اعلاة....
                    دي مساله ترجع ليك انت اللي تقدر تحدد انت عاوز ايه انا من رايي ان الزيو ليه طعم تاني و عربيه انت اول يد عليها حتبقي عارف كل حاجه فيها.

                    Comment

                    • #11
                      إجابة السؤالين:

                      1- سافر بيها زى ما انت عايز ، احنا عندنا 6 عربيات شاهين موديل 2004 فى الشركة ، اللى ماشتغلتش منهم عاملة 250 ألف كيلومتر، يعنى بمعدل عشرة آلاف كيلومتر فى الشهر وبتسافر كل يوم اسكندرية والمنيا ومطروح والغردقة، والعربيات شغالة بدون اى مشاكل

                      2-اى عربية فى بلدك لازم تحتاج تربيط عفشة، بس انا كنت بربط العفشة فى الشاهين كل 5 آلاف كيلومتر تقريبا، وده بيحصل فى كل العربيات التانية، هو بس الملحوظة على عفشة الشاهين انك هاتغيرالمساعدين والعربية جديدة (هات مونرو) زهتغير المقصات على عمر 50 ألف الى 70 ألف، بس هى كلها رخيصة

                      3- الشاهين حاجة تانية خالص غير اللادا، انعم بككتير واريح
                      [SIZE=5][COLOR=navy]سبعاوى[/COLOR][/SIZE]
                      _______________________________________________

                      Comment

                      • #12
                        يا جماعه الف شكر ....ربنا يخليكوا للمنتدي ....وواضح غالبا ان الاغلبية بتؤيد السيارة الشاهين من عوامل كتيرة:

                        كفاءة عالية جداا خصوصا في الطرق الوعرة والغير ممهدة
                        قطع غيار رخيصة ان لم تكن الارخص في السوق
                        اعتمادية عالية لاتقل عن الياباني
                        الحد الادني من الكماليات
                        اعادة بيع جيدة
                        واهم شيء هو انك مش هاتبقي مرعوب عليها زي العربيات الياباني...يعني تقدر تقول هاتسوق وانت مكبر دماغك....مش هاتحسس علي الارض...
                        -----------------------------------------------------------------------
                        [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
                        [/CENTER]
                        ------------------------------------------------------------------------

                        Comment

                        • #13
                          لا شكر علي واجب يا هيرو و طالما انت قولت ان دي اسباب تعلقك او تمسك بالشاهين يبقي مش حتندم علي اختيارك و حتريحك و يوم ما تحب تبيع مش حتخسر فيها كتير و حتبيعا في نص ساعه و تروح :D

                          Comment

                          • #14
                            المشاركة الأصلية كتبت بواسطة sab3aawy مشاهدة المشاركة
                            هسهل عليك المسالة شوية

                            هنقارن عربيتين مالهمش دعوة ببعض خالص هم الشاهين والصنى لكن اهم حاجة تجمع بين الإثنين فى نظرى انى كان عندى شاهين وجبت صنى وبالتالى انا على دراية بالإتنين

                            بص ، لو أنت بتتكلم عن فكرة الخدمة الشاقة باعتبار انك بتتكلم عن شوارع القاهرة العادية يبقى الشاهين مش هايكون لها اى ميزة سوى انها اريح فى المطبات على جسم الراكب، لأن الصانى انشف شوية على جسم الراكب وذلك فى مقابل ثباتها الخرافى فى السرعات العالية والذى تفتقر إليه الشاهين بعد 130

                            وذلك فى مقابل مميزات عديدة للصانى منها سهولة المناورة عن الشاهين وتفوق التسارع الى حد كبير وتفوق تكييفها تماما بالمقارنة بتكييف الشاهين، واتساع الصالون وشكل التابلوه الاحدث والزجاج الكهربائى

                            لكن ، لو انت بتقصد خدمة شاقة تشتمل على السير فى مدقات واستخدام السيارة فى مناطق عشوائية وانتظار السيارة فى اماكن يحب الأطافال والشباب فيها اتخاد كبوت السيارة منتدى للقاءاتهم يبقى لا صنى ولا تويوتا ولا اى حاجة هتسد معاك غير الشاهين،كما ان استهلاكها للبنزين معقول جدا

                            وعلى فكرة عن تجربة سنوات طويلة مع الشاهين سواء سيارتى السابقة او سيارات الشركة التى اعمل بها، هذة السيارة محترمة جدا وليست لها اية دقات نقص ولا مقالب ، وععلى مدى 5 سنوات و 100 ألف كيلومتر قطعتها بهذة السيارة عمرها ما عطلت منى او عملت فى اى مقلب من اى نوع، كما ان بها كماليات لا باس بها لا تتوافر لسيارات اخرى مثل عداد الأر بى إم وفوانيس الشورة الامامية والخلفية والإضاءات المتعددة للصالون وفتح الشنطة مع السنتر لوك،
                            هى سيارة لا تفتقر للرفاهية لكنها تمتلك فقط الحد الادنى منها، لكن بالمقابل هى السيارة الوحيدة المعقولة سعريا التى تتحمل العمل فى ظروف الخدمة الإستثنائية (لا أنسى ذلك اليوم الذى طلعت بيها فيه فوق غطاء بلاعة متركب مايل كان كفيل بقص بطن اية سيارة اخرى، ولم اجد اى اثر للطلوع فوق الغطاء سوى خرابيش فى قضيب الحماية الالمصنوع من الصلب الموجود اسفل المحرك)
                            اما لو انت بتتكلم عن الخدمة فى شوارع القاهرة العادية يبقى طبعا العربيات اليابانى هتديك نفس مستوى تحمل الشاهين مع درجة رفاهية اعلى
                            أوافق هذا الكلام تماما

                            Comment

                            السابق template التالي
                            Working...
                            X