انخفاض اسعر البنزين

[ofaashash]

قرار وزير البيترول المصرى

انا يا جماعة قريت الخبر ده على مصراوى من بق سامح فهمى
" اذا استمر انخفاض اسعار البترول عالميا ستضطر مصر الى رفع الدعم عن المنتجات البترولية "
هيه دى مصر يا عبلة

[Ghamrawy]

انا يا جماعة قريت الخبر ده على مصراوى من بق سامح فهمى
" اذا استمر انخفاض اسعار البترول عالميا ستضطر مصر الى رفع الدعم عن المنتجات البترولية "
هيه دى مصر يا عبلة

طبعا لازم الدعم ساعتها يتشال علشان كده سعره حايبقى = أو أقل سعره بالدعم و الا ايه هى فكرة الدعم اساسا ؟؟؟ الدعم معناه ان الحكومة بتدفع جزء من ثمن السلعة و الجزء التانى احنا اللى بندفعه
يا ريت الفكرة تكزن وضحت و كفاية بقى كلام فى سعر البترول و البنزين اللى ما منوش اى لزمة

[Nader]

سمعت في برنامج البيت بيتك أن اسعار الوقود ستنخفض في مصر إذا انخفضت عالمياً عن 30 دولار كمتوسط السعر بالعام الواحد!!

[Ramy_Ali]

ايه هو اللى ب 8.5 ونص
بس على اللينك ده

http://www.eia.doe.gov/oil_gas/petroleum/data_publications/wrgp/mogas_home_page.html

ده بيديلك السعر لحظيا لسعر البترول فى كل ولا يه من ولايات امريكا
ده سعر الجالون 1.7 دولار

الجالون 4 لتر
يبقى اللتر ب 0.425 دولار
يبقى بالمصرى 230 قرش

ارجو ان اكون قد افدت

الله ينور عليك

استاذ ومعلم
بالاضافة ان سعرة عندهم بيكون اغلى بكتيير عننا وذلك لتحمل مصاريف النقل

[hanyelwaly2010]

بصو يا جماعه الحكومه مش عايزه تنزل سعر البنزين لسبب انا عارفو من حد موثوق منه اولا عشان تكسب طبعا و السبب الرئيسي عشان الزحمه في الشوارع يعني لو نزلو ال 92 مثلا بدل ما تحط 20 لتر هتكملهم ل 40 لتر و هاتك يا لف في الشوارع و شوف الزحمه بقا
انا عن نفسي لما ال92 غلي مابقيتشي اخرج غير الخروجات ألي تستاهل

[ahmedkafas]

ايه هو اللى ب 8.5 ونص
بس على اللينك ده

http://www.eia.doe.gov/oil_gas/petroleum/data_publications/wrgp/mogas_home_page.html

ده بيديلك السعر لحظيا لسعر البترول فى كل ولا يه من ولايات امريكا
ده سعر الجالون 1.7 دولار

الجالون 4 لتر
يبقى اللتر ب 0.425 دولار
يبقى بالمصرى 230 قرش

ارجو ان اكون قد افدت

فعلا ده السعر الحر طبقا للاسعار العالمية
علي اساس ان راتب المواطن في اي مكان في العالم يتناسب مع الاسعار

اما في مصر
الرواتب لا علاقة لها باي شيء
فعلي اي اساس هتحاسبني الحكومة علي البنزين ولا اي خدمات اخرى بالسعر العالمي

لازم اولا تديني راتب بالسعر العالمي وتشتري من الافلاح انتاجة بالسعر العالمي

مش كدة ولا اية؟؟؟؟؟؟؟؟؟؟؟؟؟؟؟؟؟

[tutankhamoun]

مينفعش نقارن مصر بأمريكا أو أوروبا
الدول دي مش بتدعم أي حاجة من مشتقات البترول و علشان كدا السعر قابل للزيادة أو النقصان حسب السعر العالمي
أما في مصر فأسعار المشتقات البترولية مدعمة بواسطة الحكومة و لذلك فهي عبئ على الميزانية العامة للدولة ( بغض النظر عن نزاهة الحكومة أو عدمها )

طيب ليه اسعار البنزين في مصر لسة زي ما هي و ما نزلتش و بكدا الدعم هايقل

الإستهلاك عالي طبعا لزيادة عدد السكان و معاه زيادة عدد السيارات مما يتطلب زيادة الدعم للبترول و مناطق أخرى في الميزانية
أسعار البنزين في مصر تعتبر من أرخص دول العالم و حتى الان حتى مع نزول سعر البرميل الخام في السوق العالمي
على سبيل المثال أسعار البنزين في أمريكا يمكن تكون على الأقل 3 أضعاف سعره في مصر و في أوروبا هي أربعة أضعاف أسعار البنزين في مصر ( علشان السوق هناك حر و لا يوجد دعم )

لو عايزين أسعار البنزين تطلع و تنزل مع أسعار السوق العالمي .... يبقى لازم ندفع ثمن البنزين الفعلي و ليس المدعم

[mazen86]

مينفعش نقارن مصر بأمريكا أو أوروبا
الدول دي مش بتدعم أي حاجة من مشتقات البترول و علشان كدا السعر قابل للزيادة أو النقصان حسب السعر العالمي
أما في مصر فأسعار المشتقات البترولية مدعمة بواسطة الحكومة و لذلك فهي عبئ على الميزانية العامة للدولة ( بغض النظر عن نزاهة الحكومة أو عدمها )

طيب ليه اسعار البنزين في مصر لسة زي ما هي و ما نزلتش و بكدا الدعم هايقل

الإستهلاك عالي طبعا لزيادة عدد السكان و معاه زيادة عدد السيارات مما يتطلب زيادة الدعم للبترول و مناطق أخرى في الميزانية
أسعار البنزين في مصر تعتبر من أرخص دول العالم و حتى الان حتى مع نزول سعر البرميل الخام في السوق العالمي
على سبيل المثال أسعار البنزين في أمريكا يمكن تكون على الأقل 3 أضعاف سعره في مصر و في أوروبا هي أربعة أضعاف أسعار البنزين في مصر ( علشان السوق هناك حر و لا يوجد دعم )

لو عايزين أسعار البنزين تطلع و تنزل مع أسعار السوق العالمي .... يبقى لازم ندفع ثمن البنزين الفعلي و ليس المدعم

+100000000000000000000

[Anxs111]

أن من أنصار إن أسعار إن البنزين يفضل زي ما هو في مصر . و هو كدة يعتبر مدعوم.

إللي ميقدرش يملى بنزين 92 يبقي غالباً العربية دي شيء زايد على إمكانياته انصحه يشوف حاجة أرخص ويحطلها 80 دة بتاع الغلابة إللي بفضل حكومتنا اصبحوا كل الموظفين اللي مش مرتشين . حتي دكاترة الجامعة والضباط و رجال القضاء والاطباء في وزارة الصحة .

دة طبعاً وضع مش طبيعي بس هو وضع عملي بدل منقعد نؤول المفروض و مش المفروض .

في اهدار من ناس كتير في السلعة دي والدعم بيتم اسائة استغلاله في حالة كتير جداً . w اللي ميقدرش على الغالي خليه في الرخيص و دة مش عيب أبداً .

[abzoabzo]

:k48: :k48: :k48: :k48: :k48: :k48: :k48: هى فى حاجة بترخص فى البلد ده غيرنا

[zeyad1810]

اكيد لنا الحق نطالب بان البنزين يرخص
وهما كمان ليهم الحق ينفضولنا
هى دى مصر

[Bossy_Fadl]

لما نزلت اسعار البترول بالشكل الرهيب ده

تم سؤال الوزير ليه اسعار البنزين في مصر لم تنخفض برغم انخفاض اسعار النفط العالمية؟

قالهم و كنتو فين لما سعر البترول كان في السما و الحكومة كانت بتحط من جيبها 60 مليار جنيه دعم؟

جايين دلوقتي و بتقولو ننزل اسعار البنزين؟

ما تسيبوا الحكومة تشم نفسها شوية

بتهيالي رد الوزير ده كان فيه الاجابة الشافيه علي الموضوع ده كله

يعني مالهاش حل و الاسعار هتفضل زي ما هي

[moudy88]

مافيش حاجه بتحصل بتريح الشعب في البلد دي .....دي الحكومه بتخاف علينا.... يعني ازاي البنزين يرخص والشعب يجري بعربياته ويعمل حوادث ...ولا الناس تركب العربيات ومايمشوش على رجليهم وتزيد نسبة السمنه.....ولا الناس تستخدم البنزين ويولعوا في بعضهم ...بجد ربنا يخليهم لنا ..

[amelsahn]

يا جماعة أنا قلتها قبل كده 100 مره الموضوع شرحه بسيط...

البترول يغلى = البنزين يغلى (السبب: تماشياً مع الأسعار العالميه)
البترول يرخص = البنزين يغلى (السبب: تعويض خسارة فرق سعر البترول)

على فكره... الموضوع ده على قد ما هو جد و لكن من أكثر الحاجات اللى ضحكتنى... يمكن علشان مش قادر أعييط خلاص!!!