استفسار بخصوص البيع بتوكيل

[K_E]

السلام عليكم

الاسبوع ده ان شاء الله هبيع عربيتي بتوكيل فالشهر العقاري

بس كنت عاوز استفسر على حاجتين

اولاً ازاي اضمن حقي في ان الي هياخد العربية ده لو لاقدر الله خبط حد او حصل حاجه والعربية لسه بأسمي

ثانياً انا كنت عامل توكيل لاخويا ومالغيتهوش هل ده يأثر ؟

شكراً

[ahmed.biso13]

لا انصح بالتوكيل عشان لوعمل حادثة لاقدر اله انت الى هتلبس الاساور مش هو
اغرم 200 وقول انك بعت العربية ب2000 جنيه للشهر العقارى لان الشهر العقار ياخد 10% من قيمة الشى المباع
وغير انك لو بعت بتوكيل وجيت تشترى عربية تانية هتتعملك ضريبة رفاهية
ومش هتعرف تجيبه اللى بعتله تانى وتتحايل عليه عشان يسجل وينقل ملكية

[tasaka]

بيع بعقد مسجل منعا للمشاكل ووجع القلب .. خصوصا لو الرخصه لسه قدامها فتره طويله

المفروض المشترى هو اللى بيدفع .. او اتفقوا انها تكون مناصفه مثلا لو هو رفض .. لكن لا تبيع بتوكيل


و فى عقد البيع .. ضع تاريخ و ساعه استلامه السياره و يوقع عليها

[svneleven]

لو هتبيع بتوكيل خليه يكتب ورقة استلام سيارة و انه اشتراها بالتوكيل رقم كذا و مسؤل عنها مسؤلية كاملة من ساعته و تاريخه.