بعد تصليح وش السلندر السياره سحبها ضعيف

[خليل ابراهيم]

السياره سخنت مني بسبب عدم قفل غضاء الرديتر جيدا وتم تغير جوان وش السلندر ومسحه وتغير التيكهات عند احسن خراط وبعد كل هذا السياره سحبها ضعيف جدا مع زياده استهلاك البنزين
فذهبت للميكانيكي مره اخري فعاد النظر في التقسيمه وقال لي انه عيب انسداد في الشكمان في علبه البيئه او اي علبه اخري
فهل من الممكن ان يؤثؤ وش السلندر علي الشكمان
افيدوني بالله عليكم
ما الحل

[salam100100]

لو الميكانيكى حط 2 جوان وش سيليندر فاكيد السحب هيضعف واستهلاك البنزين هيزيد

الميكانيكيه بيلجاءوا لدا عشان يعوض الجزء اللى اتكشط ويقلل الضغط على الوش الجديد وكمان عشان ياخد ويدى اى فروقات مابين السطحين

ومعتقدش ان فى حاجه فالشكمان, والدليل ان حضرتك مشتكتش من السحب قبل كدا- ولاحظت ان السحب ضعف بعد تغيير الجوان0 فاكيد العيب من عمليه التصليح دى

[Ahmedelgendy28]

لو الميكانيكى حط 2 جوان وش سيليندر فاكيد السحب هيضعف واستهلاك البنزين هيزيد

الميكانيكيه بيلجاءوا لدا عشان يعوض الجزء اللى اتكشط ويقلل الضغط على الوش الجديد وكمان عشان ياخد ويدى اى فروقات مابين السطحين

ومعتقدش ان فى حاجه فالشكمان, والدليل ان حضرتك مشتكتش من السحب قبل كدا- ولاحظت ان السحب ضعف بعد تغيير الجوان0 فاكيد العيب من عمليه التصليح دى

عايز اعرف ايه علاقه السحب بتغير الجوان بتنين جوان وش سلندر علشان انا الميكانيكي عمل معايا كده برده وعزم العربيه ضعف وخصوصا مع تشغيل المكيف وفي المطالع ياريت حد يوضح

[ahmedsrs]

لا اعتقد ان فى علاقة الا فى حالة اذا كان الجوان الواحد او الاتنين جوان بيسربوا ضغط الموتور بس لازم يبقى فيه تسريب زيت فى الحالات ادى الاوقع ان فى مشكلة فى التقسيمة او التاكيهات

[salam100100]

عايز اعرف ايه علاقه السحب بتغير الجوان بتنين جوان وش سلندر علشان انا الميكانيكي عمل معايا كده برده وعزم العربيه ضعف وخصوصا مع تشغيل المكيف وفي المطالع ياريت حد يوضح

غرفه الاحتراق ليها حجم معيين, لما الميكانيكى بيحط جوانين فوق بعض, هو بكدا كبر غرفه الاحتراق, فبالتالى كبس الموتور او الضغط هيقل عشان الحجم كبر, فبالتالى قدره الموتور هيقل

[Ahmedelgendy28]

طيب ماهوا بيعوض فرق الكشط بوضع جوان اخر فاعتقد ان كده مقاس الغرفة مش هيتغير ؟؟؟

[Ahmedelgendy28]

تاني حاجة لو هوا ده السبب فعلا طيب الحل ايه في الحلات ديه ( كشط وش السلندر ووضع جوانين وش سلندر ) علشان العزم يرجع زي الاول او افضل الحلول

[salam100100]

طيب ماهوا بيعوض فرق الكشط بوضع جوان اخر فاعتقد ان كده مقاس الغرفة مش هيتغير ؟؟؟

الميكانيكى مش بيعوض الفرق
الكشط فى حدود 0.2 مم
والجوان الجديد فى حدود 1.0 مم
الفرق 0.8 مم دا هو اللى كبر غرفه الاحتراق
هو رقم صغير لكن بيفرق

بالنسبه للحلول مش عارف
ممكن نجرب نغير البوجيهات ببوجيهات 2 شمعه يمكن دا يحسن الاداء