مظاهر الحقد الطبقي في الشارع المصري

[ramylanos]

والله ياجماعة انا كمان حصل معايا موقف ضايقنى جدا
انا طبعى برضه الحمد لله انى استنى الناس تعدى وبراحتهم خالص
مرة طالع من شارعنا وراجل ومراته وعياله معديين الشارع هديت طبعا لحد ما وقفت تماما ونا اصلا مكنتش واخد سرعة لقيت الراجل بيقول لمراته حاسبى الحيوان ده
والله كان هاين عليا انزل ألطشله
ده انا وقفتله عشان يعدى هو وعيلته يكون ده جزائى
وخد من ده كتير وبالذات بقى عشان الواحد لسه صغير وراكب عربية
ربنا يرحمنا وينجدنا من الى احنا فيه

فكرتني بموقف بس اهون شويه من موقفك
مره هديت برضوا علشان اعدي راجل ومراته اول ما هديت لاقيته راح مشوحلي بأيده وهوه بيعدي زي ما كون غلطان اني هديت علشان يعدي

مره تانيه كنت راكب عربيه اخويه بي ام 2007 وانا واقف علي الاشاره الفتيس علق والعربيه مش راضيه تمشي وفتحت الكبوت احاول اعمل اي حاجه وخد عندك بقه الاشتغلات الناس الي معديه وكلها من سواقين تكسيات حقدين الي يقولي شممها بصله وهيه تدور وواحدت تاني يقولي عربيه زباله

[Abo_Lina]

و الله ساعات الواحد يقول الشعب ده مالوش غير الحكومة دي

الجزاء من جنس العمل

ربنا يهديهم

[D . a .\ AYMAN]

الحقد كلمه كبيره اوي ممكن نقول سلوك غير سوي او غير حضاري

bemo,ire

ده فعلاً مش حقد ده سلوك غير سوى من أشخاص لم يجدوا من يخبرهم الصواب والخطأ

والحل مش ان أحنا نبقى ساخطين على بعض أوى كده الحل أن أحنا نربى نفسنا ونربى من حولنا ونحاول نصلح حولنا ولو بأضعف الايمان



بلاش دايماً نذكر السلوكيات الخاطئة ونسود الصورة ادام بعض لأن معظم الردود مخليين الدنيا سودة وده مش طبيعة الشعب المصرى...

أنا لو يمسكونى البلد دى أسبوع واحد بس حلملم الواغش و القذارة دى كلها و أنفيها على جزيرة فى نص البحر أو فى عمق الصحرا أو فى اى مصيبة ما فيش منها رجوع أو أركبهم قطار الصعيد أو عبارة من بتوع الجدع اياه ده أو أسكنهم تحت مقطم أو الجزء الباقى من الدويقة و نخلص بقى و يمكن ننضف البلد يمكن !!!!

أذكرك بقول الله تبارك وتعالى

"فبما رحمة من الله لنت لهم ولو كنت فظاً غليظ القلب لانفضوا من حولك فاعف عنهم واستغفر لهم وشاورهم فى الأمر فإذا عزمت فتوكل على الله إن الله يحب المتوكلين"اّل عمران



وسبحان الله مش عارفه ليه مش بشوف الحاجات اللى بتوصفوها كتير كده أنا بلاقى ناس بتحترمنى وأنا ماشيه بعربيتى وقليل اللى بيفكر يغلس فى الطريق وأنا ما بتكلمش عن الفئه اللى واخدين الطريق فهلوه ولا يعطوا الطريق حقه ربنا يهديهم ويهدينا أنا بتكلم على الناس الطبيعية



أرجوكم بلاش نسلط الضوء على الشر دايماً لأن ذكر الخير وتذكير بعضنا به هو الطريق لإصلاح ما وصلنا به من فساد ولنكون كما قال الله عنا خير أمة نأمر بالمعروف وننهى عن المنكر ولنبدأ بأنفسنا

Mrs_NYSMA

[yaso]

واللهي ياجماعة دي اول مشاركة لي في المنتدي وانا مش عايش في مصر من 10 سنين باشتغل في البحرين لكن طبعا مصري وشارب من نيلها واتفق مع كل ماقولتوة بشأن الحقد الطبقي ولكن

اليس هذا السلوك مدعاة لان نفكر لماذا يتعاملون معنا بهذا الشكل وبهذا الحقد ولتصل للجواب الصحيح لازم تحط نفسك في نفس الظروف وتقرر ساعتها ممكن تصرفك يكون ازاي لاننا مجتمع واحد وهتوصل لحقيقة اننا مقصرين شوية تجاهم سواء كنا نملك مساعدتهم او لا للتخلص من هذا الحقد وبالرغم من كدااا حتي اكون موضوعي فية ناس مهما عملت معاهم لن يتأثروا هما اصلا حاقدين والحقد ماليهم وبيبصوا علي غيرهم كثير ولكن لنحاول ان نتصدق دائما علي الفقراء وان نتواضع عندما يتعرضوا لنا وبلاش انت مش عارف انت بتكلم مين دي لانها دي اساسا اس المصايب واللي بتحسس الناس بالحقد وبالعجز يعني نترفع عنهم ولما نعاملهم كدااا صدقوني الحقد هيقل كثير لان في النهاية المصري طيب القلب وعاطفي ولا سيد العاطفي نفسة

[Ghamrawy]

واللهي ياجماعة دي اول مشاركة لي في المنتدي وانا مش عايش في مصر من 10 سنين باشتغل في البحرين لكن طبعا مصري وشارب من نيلها واتفق مع كل ماقولتوة بشأن الحقد الطبقي ولكن

اليس هذا السلوك مدعاة لان نفكر لماذا يتعاملون معنا بهذا الشكل وبهذا الحقد ولتصل للجواب الصحيح لازم تحط نفسك في نفس الظروف وتقرر ساعتها ممكن تصرفك يكون ازاي لاننا مجتمع واحد وهتوصل لحقيقة اننا مقصرين شوية تجاهم سواء كنا نملك مساعدتهم او لا للتخلص من هذا الحقد وبالرغم من كدااا حتي اكون موضوعي فية ناس مهما عملت معاهم لن يتأثروا هما اصلا حاقدين والحقد ماليهم وبيبصوا علي غيرهم كثير ولكن لنحاول ان نتصدق دائما علي الفقراء وان نتواضع عندما يتعرضوا لنا وبلاش انت مش عارف انت بتكلم مين دي لانها دي اساسا اس المصايب واللي بتحسس الناس بالحقد وبالعجز يعني نترفع عنهم ولما نعاملهم كدااا صدقوني الحقد هيقل كثير لان في النهاية المصري طيب القلب وعاطفي ولا سيد العاطفي نفسة

حضرتك سبت مصر من ايام ما كانت مصر القديمة و احنا دلوقتى فى مصر الجديدة اخر موديل،دى وصلت كمان دلوقتى ان المخلايق دول بيفكروا ان اللى لابس نظارة شمس باين عليها انها من ماركة غالية انه بيتعوج عليهم و بقوا بيتريقوا عليه !!!! مش عربية غالية حتى.
الخلاصة أن البلد دى لازم يحصل فيها حاجة و يا قاتل يا مقتول و يمكن تنضف،يمكن !

[gassermohyaldin]

أولا، يجب أن نذكر أن الحقد الطبقي غير مرتبط بمستوى معيشة الحاقدين. يعني في ناس حاقدة فقراء ومتوسطين وأغنياء أيضا. على كل المستويات. إليكم بعض المواقف

- عربيتك جديدة من غير نمر: تلاقي الشارع كله بيكسر عليك وعامل عبيط. مش بس بيكسر عليك، دول بيحاولوا يخبطوك أو يلبسوك في حاجة.الحل إنك تحسسهم إنك بايع ومش هامك (دي نصيحة سواق في معرض عربيات زيرو)

- عربيتك بفتحة سقف: إلحق أقفلها لو فوقك كبري عليه ناس واقفه. أو أي موقف مشابه. طبعا عارف ليه وإلا هاتلاقي حاجة ادحفت عليك من فوق

- بتركن في منطقة بيعدي عليها طلبة مدارس: نهارك مش فايت. كده عربيتك بقت كلها خدوش بالطول والعرض أحيانا حتى لو راكن تحت البيت. الحل غطي العربية

- عربيتك جديدة ونضيفة وغاليه واتخبطت: تابع تعبيرات البعض في الشارع. تلاقي واحد بيقول: علشان يحرموا يركبوا عربيات بالشيئ الفلاني. واحد تاني بيقول: ما فيش أحسن من العربيات القديمة الظلط. واحد ثالث يقول: الناس دي مفترية بكره يرميها ويجيب غيرها (تلك تعبيرات حقيقية سمعتها من قبل)

- انت فتاة أو ست وبتسوقي: صباح التحرش من غير اقوال. خلي بالك من بتوع التاكسي بيقصد يقف أمامك علشان يبان إنك غلطانة. ويطلع يجعر ويمارس سطوة الذكورية على الغلبانة علشان ياخد 100 جنيه. الحل دائما احرصي على المسافات بينك وبين إللي قدامك، ومتنزليش من عربيتك مهما حصل وخدي نمرة التاكسي وأعملي له محضر تعدي بس ماتروحيش القسم من غير محامي نهائي.


وربنا يستر طريقكم وطريقنا

دى نوعية من الناس زو عقلية محدودة محتاجيين بعض التوعية مش الكورباج ولكن لو جت لحد عربيتى هاولع فيهم عشان دى فعلا اصبحت ظاهرة تدعو للقلق

[Abo_Lina]

انا رأيي ان الانسان الحقود انسان غير سوي بصرف النظر عن ظروفه..
و لو ظروفه اتحسنت هايفضل حقود و الي بيبصق ع البي ام ده لو بقى عنده عربية هاتلاقيه بيبص بحقد لأي عربية احسن من عربيته برضه..
فمالهاش علاقة بالظروف المادية ده مرض

[THETOP]

اكتر جملة بكرها

اصل بابا فرحان بيه وجايبلوا عربية

:@:@:@

حاجة بجد تخنق

ميرسى على الموضوع

[Amrrr]

اللي تف على الازاز دا كان أحسن رد عليه انك تشغل المساحات مع رشة مياه بصابون وهو شايفك بتمسح ( لا مؤاخذة : التفة بتاعته) من غير حتى ماتمسك فوطة بايدك !!!! ماهو معقد اساسا يبقى ترد عليه بطريقته !!

[Sameh]

ولما يبقا ماشى جنبك من ورا تاكسى موديل السبعينات بيدخن وتديله إشارة عشان تدخل ، بقدرة قادر يتحول لأسد ويقرص على الموتور بأى شكل عشان مايدخلكش !

وتبقى ماشى تلاقى عيال على جنب الطريق بيهوشوك ، بيمد رجله ويعمل نفسه هيعدى فجأة عشان تفرمل عليه ، اللى زى دول أنا بكسر عليهم بقا وبيطلعوا يجروا زى الفيران

وموضوع العربية اللى من غير نمر ده عانيت منه بيبقوا فاكرينك بتتعلم وأول مرة تركب وعايزين يخوفوك ويدوك درس فى السواقة ، بس كله بيتلم أول لما بيلاقوك قلبك ميت فى السواقة وعندك إستعداد تكسر العربيتين

[THETOP]

دنا يوم السبت اللى فات كنت رايح التوكيل

وطالع الكوبرى اللى قبل المعرض اللى فى مدينة نصر

فا سهو منى كسرت يمين وكان فى عربية جمبى ستروين موديل قديم

فا رفعت ايدى وعديت وانا اسف وبتاع واضايقت اووى بصراحة

بعديها بيجى 500 متر قدام البانورما حرب اكتوبر لاقيتوا جيه قدامى

يمين فى شمال وفرامل وبتاع قدام العربية فطلعت منه وفتحت الزجاج بتاع العربية.. قولتلوا انا اتأسفتلك لازمتها ايه الحاجات دى...

قالى حد يطلع كده وبتاع كان شاب فى العشرينات اللى سايق واحد كبير جمبوا وو قاعد وراه كبير برضو

والتالتة فى نفس اللحظة ايه ياعم انت انت مش بتشوف وكلام سافل اصلا

وواحد بيقولى هو بابا فرحان بيك وجيبلك عربية .. وواحد تانى طالما مش بتعرف تسوق .. بتركب العربية ليه..

بصراحة مقدرتش امسك نفسى خالص قولتلوا اسف منفعش انت عايز قلة الادب يعنى..

قالى اه قولتوا انا هاعرفك انى بعرف اسوق ولا لا تعالى ورايا وروحت مدى D روحت ماسك رجلى على البنزين وعينك ماتوشف النور ..

الله يسامحهم بجد

ويجعله عامر