مرسيدس w114/115

[aderianomakand]

اعضاء المنتدى الكرام
كل عام و انتم بخير
احب اشكر جميع القائمين على المنتدى القوى و الاكثر من ممتاز على مجهودتهم الجبارة المشرفه بجد
ادعو الله ان يجعله فى ميزان حسانتكم جميعا
انا عضو جديد و دى اول مشاركه ليا و يا رب ما تكونش الاخيره
حبيت اسأل عن موضوع شاغل بالى و محتار الحقيقه فيه جدا لانى جديد فى عالم السيارات مع ان والدى ربنا يديله الصحه كان ميكانيكى و عمى كمانكان ميكانيكى لكن مع الاسف مكانش ليا الحظ انى اتعلم الحرفه الجميله دى لانى اتجهت اتجاه اخر
w1141.jpg
W114 steering
w1151.jpg
w115 steering
mercedes_w114_lowrider_by_domino3d-d4ub9t1.jpg
w114 230/250/280
w1153.jpg
w115 200/220/240

حرام الجمال و الاناقه و الشياكه دى تندثر و تضيع مع اللى ضاع و خصوصا ان فى مصر عدد كبير جدا من السياره دى و حنا انا بسأل سؤالى
طبعا لمالكى هذه الاسطوره اولا و ثانيا لليعرف اى معلومات عانها
انا مؤخرا فكرت بجديه انى اشترى واحده و اشدها كويس و اعمل فيها اللى انا عايزه بس السؤال هما هل قطع غيارها متوفره ولا هتعب فى البحث و الاقى نفسى بضيع وقت كتير و مجهود كبير عشان اغير لها قطعه او اركبلها اكسيسوار فابريكا
هل صيانتها و ميكانيكياتها موجودين ولا الله يرحمهم زى عمى او يعطيهم الصحه زى والدى طبعا هو مبطل شغل من سنين لظروفه الصحيه
هل حد يعرف ضريبة التجديد كام بعد الزياده للموتور السولار 240 مثلا
و هل ال 6 سليندر بنزين w114 برضوا موجود حاجتها و كمان ضريبتها كاب بالنسبه ل 230
هل انا اقدر اعدل فى الموتور و ايه هو حدود التعديل ده
سؤال اخير
اللى ركب السياره دى ايه اجمل ما يميزها عن اصدارات جيلها و عن الحديث او المعاصر
و ايه اكبر عيوبها كمان
شكرا

[akmm]

اهلا بحضرتك ................ للأسف انت اشتركت بالمنتدى وهو في اضعف حالاته .... عموما تقدر تعيد طرح سؤالك هذا في قسم المرسيدس أيضا ... اما بالنسبه للنواحى الميكانيكيه لتلك السيارات من الممكن تستعين برأى والدك .

[Darwasha]

اهلا بحضرتك ................ للأسف انت اشتركت بالمنتدى وهو في اضعف حالاته .... عموما تقدر تعيد طرح سؤالك هذا في قسم المرسيدس أيضا ... اما بالنسبه للنواحى الميكانيكيه لتلك السيارات من الممكن تستعين برأى والدك .

فعلا المنتدي فقد حيويته بعد وصلول الفيس بوك وغيرها من وسائل التواصل
لكن علي الرغم من ذلك سيكون بمثابة مرجع علمي وعملي لكثير من الامور ومازلنا نستفيد منه ومن بعص الناس الموجودين فيه الي الان جزاهم الله خيرا

[abokoko]

احيانا كتيره برد بردود انا نفسي بعتبرها ردود هايفه لمجرد ان المنتدى يفضل فيه مشاركات ونفسي يرجع يشتغل تانى عن نفسي بيعجبنى ال123 عمليه وشكلها جميل https://ar.wikipedia.org/wiki/%D9%85...9%8A%D9%88_123

[aderianomakand]

اشكر حضرتك جدا على الرد
فى الحقيقة شئ محبط جدا انى الاقى وضع المنتدى بالمستوى ده
أما عن والدى فهو زهنيا لم يعد قادر على ذلك انا بالفعل سألته و كان الرد أن كل المرسيدس حلو
اشكرك مره اخرى

[عبدة البروف]

كلمنى وانا اظبطك01008311010

[aderianomakand]

كلمنى وانا اظبطك01008311010

تمام يا صديقى هكلمك
بس يعنى لو فى اى حاجه تنفع تقولها هنا و اللى يشوف بعدنا يستفيد يبقى شئ جميل لكن عموما على راحتك