ارفع العربية ...بعادم الشكمان!!

[magomago]

حيث أن البعض لا يعرف كيفية استخدام الرافعة بالشكل الصحيح لرفع السيارة مما قد يسبب تلف أجزاء سفلية من السيارة . بمبلغ 130 دولار يمكننا توفير الجهد والوقت مع رافعة هواء العادم الواضحة في الصورة ، ضع بالون الرافعة تحت إطار هيكل السيارة ثم قم بتوصيل الخرطوم إلى ماسورة عادم السيارة وانتظار لحظات لتجد أن سيارتك ارتفعت بما فيه الكفاية لتغيير الإطار . يبدو أن هذه الرافعة قوية بما فيه الكفاية لرفع سيارة تزن 3 طن إلى إرتفاع 18 بوصة لمدة أقصاها 45 دقيقة وهي كافية لتغيير الإطار من قبل أي شخص مبتدئ . شاهد الفيديو إدناه لمزيد من التوضيح

http://www.youtube.com/watch?v=lOmAe-WKQmo

[M!NA]

جامدة جدا !!!!
و ان كنت معترض على المادة اللي مصنوعة منها الرافعة ... حاسس أنها ممكن تتقطع بعد كام مرة استخدام...

[marsguy]

very nice idea

[SAMER_ENGINES]

فعلا فكرة حلوة بس هل فيها ضرر للعبية او للموتور و لا لا؟؟
لاني العربية بترفع نفسها بعادمها يعني تقل العربية ده كله بيبقي علي العادم مش عارف هل ممكن يضر العربية في حاجة يكتمها مثلا؟؟

[M!NA]

فعلا فكرة حلوة بس هل فيها ضرر للعبية او للموتور و لا لا؟؟
لاني العربية بترفع نفسها بعادمها يعني تقل العربية ده كله بيبقي علي العادم مش عارف هل ممكن يضر العربية في حاجة يكتمها مثلا؟؟

جت في دماغي نفس الفكرة بس لو تلاحظ ... هو استخدم العادم في النفخ فقط يعني البالونة اللي تحت العربية فيها حاجة زي البلف.. بتاخد و مبتديش... و في الآخر تفرغها انتا
فمش بيكتم الشكمان بالشكل ده
شوف الفيديو تاني و انتا هتاخد بالك أنه بعد ما وصل للارتفاع المطلوب شال الخرطوم من الشكمان و فضلت العربية فوق...

[SAMER_ENGINES]

فهمت يا M!na و شكرا للتوضيح

[pro_samir]

اللى اعرفة ان العربية لو سديت الشكمان ممكن تبطل
ولا اية ؟
وبعدين ماهو فى منفاخ عادى بينزل وبيركب على فيشة الولاعة :d
لية وجع القلب دة

[firestorme]

الحاج الله يرحمة كان شريها من السعودية سنة 86 من سني وكانت شغالة زي الفل علي عربية ريجاتا لحد لما سلفته لواحد بعربية نص نقل اللحام بتاعها فك ومبقتش نافعة

[Ahmad Allawy]

الحاج الله يرحمة كان شريها من السعودية سنة 86 من سني وكانت شغالة زي الفل علي عربية ريجاتا لحد لما سلفته لواحد بعربية نص نقل اللحام بتاعها فك ومبقتش نافعة

والله انا كنت هاقول برضه اني شوفته ف السعودية من حوالي 10-12 سنة..

[migomax]

الموضوع أقدم من كده بكتير..

الأختراع ده من أكثر من 25 سن ..

الأسهل من كده حلين:

1- شراء كمبرسور حيث السعر يبدأ من 60 جنيه والواحد يزود الفردة اللي نايمة لغاية أقرب واحد بتاع كاوتش .

2 - في عبوة زي الأسبراي سعرها يتراوح ب 120 جنيه تقريبا تفضيها في الأربع فرد .. وف حالة اتخرمة فردة المادة تلحمها فوري..

ولا داعي للبهدلة وتغيير الأستبن وتبقى مش عارف تنظف ايدك ازاي..

[M!NA]

2 - في عبوة زي الأسبراي سعرها يتراوح ب 120 جنيه تقريبا تفضيها في الأربع فرد .. وف حالة اتخرمة فردة المادة تلحمها فوري..

ممكن حضرتك تديلنا معلومات أكتر عن الاسبراي ده؟ و ايه فكرته؟ و ممكن يتجاب منين؟

[migomax]

ممكن حضرتك تديلنا معلومات أكتر عن الاسبراي ده؟ و ايه فكرته؟ و ممكن يتجاب منين؟

بإذن الله ح أبحث عن المعلومة وح اجيبلك الرد.. انا اللي فاكره ان الوكيل بتاعه كان في المعادي وأكيد في محلات الكمليات الكبرى.. اديني شوية وقت وانا تحت أمرك

[M!NA]

بإذن الله ح أبحث عن المعلومة وح اجيبلك الرد.. انا اللي فاكره ان الوكيل بتاعه كان في المعادي وأكيد في محلات الكمليات الكبرى.. اديني شوية وقت وانا تحت أمرك

شكرا على ذوقك
و في انتظار المعلومات :)

[abo_hosni]

كان عندنا واحد زمان و اتسرق، أعتقد السمكري سرقه في مرة

على فكرة مفيد جداً لو عجلة غرزت. و نظيف و سريع خاصة لو موتورك كبير و بينجز :)

[magomago]

استخدم العادم في النفخ فقط يعني البالونة اللي تحت العربية فيها حاجة زي البلف.. بتاخد و مبتديش... و في الآخر تفرغها انتا
فمش بيكتم الشكمان بالشكل ده
شوف الفيديو تاني و انتا هتاخد بالك أنه بعد ما وصل للارتفاع المطلوب شال الخرطوم من الشكمان و فضلت العربية فوق...

توضيح سليم..شكرا