البقعة العمياء

[Samir Elshahawy]

هل و أنت ماش بعربيتك مرة لاقيت عربية معدية من جنبك و ماكنتش شايفها في المراية ؟

لو ده حصل تفتكروا أيه السبب غير أنك تكون سرحان و مابصتش في المرايات ؟

ساعات كتير تكون باصص في المراية الجانبية لكن في جزء مش باين , كمان و أنت بتلف ملف ممكن القائم الأمامي يحجب عنك الرؤية لثواني معدودة

ساعتها تكون هي دي البقعة العمياء

ياريت كل واحد يكتب عن تجربته مع هذه البقعة العمياء و هل هي متواجدة بكل السيارات و لا في انواع معينة نتيجة لتصميمها

[asbeats]

اعتقد في موضوع عن البقعة العمياء في المنتدى التعليمي لأنه قريت عنه في النتدى بالتفصيل قبل كده

اعمل عليه بحث وانا لو لقيت اللينك هاحطها ان شاء الله

[magomago]

عموما الرؤية الخلفية فى اللانوس بحس انها محدودة
ولازم تعتمد على المرايات الجانبية قبل أى تحرك للجانب
أنا كان معايا بولونيز 6 سنوات وكانت بدون مراية جانبية يمين
ومحتاجتش لها نهائى , كنت باعتمد على الخلف فقط

[dr_abooody]

انا بردة مرة ببص في المراية اللي على شمالي ما لقيتش حاجة

جي احود شمال لقيتلك كلاكس جامد اوي

اتاري عربية تريوس ماشية جنبي و مش طالعة في المراية

المشكلة دة حلها مرايات كبيرة و تكون بارزة لبرة العربية زي مرايات الهيونداي النترا كدا بتشوف الطريق كلة و كمان بتجيب المعاكس

[pro_samir]

فعلا الموضوع دة اتفتح اكتر من مرة
بس عموما لازم تبص فى المراية الجانبية + لازم تبص بعدها نظرة
موازية لكتفك من الجانب لأن المنطقة دى مش بتيجى فى المراية

أو ممكن تقرب من الدركسيون شوية هتلاقى زاوية الرؤية فى المراية بقت اكبر لكن الطريقة الأولى احسن وأضمن

بعد كدة تكسر وانت مطمن ولو سمعت كلاكس .. يبقى اكيد مش ليك :d

[أبو كنوز]

ومن الممكن أحيانا تكون المرايات الجانبيه مش مظبوطه بالشكل الكافي.يعني مثلا عند ظبط المرايا الشمال أو اليمين يجب أن تكون مفتوحه علي الأخر (الباغه) ويجب أن يكون الجزء الأخير من العربيه ظاهر للسائق. و بكده يظهر الحد الاقصي من الطريق.

[Karim_Monir]

البقعة العمياء سبق وانت تم التكلم عنها بكل استفاضة في التعليمي
وحلها حاجة واحدة المراية الصغيرة المقعرة اللي بتتحط فوق المراية
بتجيب اي حد جنبك بكل سهولة وتكشف المنطقة العمياء دي
والعربيات الحديثة كلها بتنزل المراية اليمين مسومة نصين
نص عادي ونص بميل للخارج يكشف المنطقة دي

[Samir Elshahawy]

واضح كده أني فتحت موضوع سبق الكلام فيه , و أنا بأعتذر عن هذا الخطأ الغير مقصود أو تقدروا تقولوا عليه كده جهل بموضوعات المنتدي السابقة

مرة اخري بكرر أسفي و أعتذاري علي أهدار وقتكم و مساحة المنتدي و أذا رأت الادارة حذف الموضوع فلامانع عندي لأني ضد المواضيع المكررة

و شكرا

[Karim_Monir]

لاء ابدا مفيش حاجة
ممكن تشوف الموضوع ده يمكن يفيدك
http://www.nilemotors.net/Nile/showt...C7%E4%C8%ED%C9

[SAMER_ENGINES]

ابدا ابدا و الموضوع حلو و بنشكر مجهودك
و حصل لي موقف بسبب المرايات ده من كام يوم بس, كنت ماشي بعربية واحد صاحبي سيات 133 و بكسر في شارع لطفي السيد شمال بس علي مهلي و العربية اللي انا سايقها مفيش فيها مرايات جنب فيها مراية صالون كبيرة بتجيب العربية كلها بس بصراحة مهتمتش اني ابص فيها لاني المسافة اللي بيني و بين الرصيف ساعتها كانت صغيرة و متوقعتش انها تعدي عربية و ابص الاقي لانسر بطة حسب ما اتذكر طاااااااااااااير و جنب الرصيف فيه مية و مبلول خالص تقريبا العربيات بتاعة النظافة اللي بتغسل الشوارع (لزوم النضافة و عشان يبقي كله (نظيف)) المهم بجد لميت العربية لاني حسيت انه هيحك فيا و لميتها بالعافية و فعلا مرايات الجنب هااامة بس الأهم البني آدمين اللي بتعدي من خرم ابرة و بسرعة جنونية يحاولوا يقدروا الخطورة.

[samirayad]

ابدا ابدا و الموضوع حلو و بنشكر مجهودك
و حصل لي موقف بسبب المرايات ده من كام يوم بس, كنت ماشي بعربية واحد صاحبي سيات 133 و بكسر في شارع لطفي السيد شمال بس علي مهلي و العربية اللي انا سايقها مفيش فيها مرايات جنب فيها مراية صالون كبيرة بتجيب العربية كلها بس بصراحة مهتمتش اني ابص فيها لاني المسافة اللي بيني و بين الرصيف ساعتها كانت صغيرة و متوقعتش انها تعدي عربية و ابص الاقي لانسر بطة حسب ما اتذكر طاااااااااااااير و جنب الرصيف فيه مية و مبلول خالص تقريبا العربيات بتاعة النظافة اللي بتغسل الشوارع (لزوم النضافة و عشان يبقي كله (نظيف)) المهم بجد لميت العربية لاني حسيت انه هيحك فيا و لميتها بالعافية و فعلا مرايات الجنب هااامة بس الأهم البني آدمين اللي بتعدي من خرم ابرة و بسرعة جنونية يحاولوا يقدروا الخطورة.

البقعة العمياء بصورة مبسطة بتحدث فى حالة مرور سيارة قادمة من الخلف...وفى حالة تجاوز للسيارة التى تقوم بقيادتها وللتغلب على هذة المشكلة لابد من متابعة كل من مراية الصالون والمراية الجابية الخاصة بالجانب المراد توجية السيارة تجاهة....تفاديا لأى تصادم قادم من الخلف لاقدر الله