صور من الاوتو كروووووووووووووووو س بتاع النهاردة

[mixd99999]

اللينك بتاع الرابيد شير شغال 10/10
تسلم ايدك يا كوبرا على المجهود الرائع ده
وجاااااري التحميل

[MohaMed_Refaat]

يا ريت لو فيه صور أكتر لها، بجد نفسي أشوفها أكتر.

اتفضل صور ليها اكتر

[WalidAdel]

للناس اللي راحوا يوم السبت ياتري رامي سيري نزل بالايقولوشن ولا لأ اصلي مرحتش السبت و ياريت لو اي حد لقي الفيديو بتاع التراك دا او اي حد شافوا حتي
شكراً

[magyver]

هو مكنشي فية تخميس ولعب حر ولا اية ولو فية يااريت اللينكاات بتاعتها

اصل انا مرحتش ياااخسااااااااارة

[KoDaK_Gti]

فى تخميس طبعا ولعب وكله اومال احنا بنروح ليه ؟؟
بس انا مصورتش فيديو بصراحة
وده موضوع الصور اللى انا عملته

http://www.nilemotors.net/Nile/showthread.php?t=52140

[shafey]

اللينك مش شغال ياباشا

[Jato.33]

أنا روحت السبت الحمد لله
يا ريتني كنت روحتوا من زمان أول ما إتعمل لكن قدر الله وما شاء فعل
لاحظت إن الناس مش زي يوم الجمعة
أعداد أقل كتير عربيات كذلك أقل كتير تقريباً مفيش حد راح من الناس إلي راحت يوم الجمعة خالص لأني شوفت الصور إلي مصورها الأستاذ كوداك ملاقيتش منهم حاجة يوم السبت إلا قليل

وعلى الرغم من كده إستمتعت جداً الحمد لله

وبعد كده إن شاء الله مش هفوت يوم

عمرو مجايفر دخل بالميني كوبر بس كان واضح طبعاً إنه مش في الفورمة خالص والعربية كمان متكتفة أوي وعشان كده غيرها بالهوندا سيفيك بعد كده وعمل تراك حلو بس الحق يقال التراك صعب صعب صعب ضيق جداً وملفاته متخلفة بصراحة وده يفسر إنتشار العربيات الصغيرة جداً بيت المتسابقين وبالذات العربية البرودترا دية عكننت علينا كل الناس راكبها عشان تعرف تعمل الملفات كويس

رامي سري منزلش وكنت فاكرة مش موجود أصلاً لو كنت أعرف إنه هناك كنت سألت عليه لأني معرفش شكله أوي

تامر بشات الكينج
والعربية اللانسر التحفة مش ممكن كانت وهم والتراك بتاعه الأخير كان وهمي بس حصلت حاجة غريبة أوي إنه نسي ال360 وطبعاً ده كان معناه إنه بره الحسابات

طبعاً مش مهم مين كسب خالص
المهم مين خطف قلوبنا وعيونا بصراحة كان يوم جميل أوي ربنا يحفظ الجميع ويوفقهم

طبعاً بحيي بشدة الكام عربية سويفت إلي كانوا في السباق بصراحة رفعوا رأسي والرجالة عملوا بيهم شغل حلو أوي أوي
وكمان بصراحة المتسابقة إلي كان معاها السويفت الكابورلية بصراحة تستحق التقدير ومفيش غيرها حتى لو كانت على قدها بس عملت تراك مش وحش بصراحة

طبعاً الكُبة التانية إلي كان معاها العربية الإسكودا كان نفسي تتقلب بيها ويشيلوها على الإسعاف لكن المرة الجاية إن شاء الله

وكمان لاحظت وجود إسكندرانية كتير وكانت معاهم عربيات حلوة ما شاء الله نورتوا يا جدعان

فية صور كتير إن شاء الله أنزلها بس شوية عشان ملحقتش أقعد على الجهاز من ساعة مرجعت إمبارح وطبعاً بعد إلي شوفناه من كوداك منقدرش نرفع حاجة بصراحة الله ينور عليك

[M.Mokhtar]

يا ريت لو فيه صور أكتر لها، بجد نفسي أشوفها أكتر.

اسف يا باشا مش صورتها بس الكبييير حطلك لصور ليها رائعه بجد
ربنا يبعد عن صاحبها شرها ان شاء الله ويباركله فيها

[KHALED AYMAN]

الاسترا ال gtc دى فى واحد بييجى عندنا جامعه طنطا بيها بس اخر مره شفتها كانت من شهرين ولا حاجه كان فيها جنط بى بى اس و نمر تجاريه زى الى فى الصور جايز تكون و جايز لا؟؟؟على اى وضع فدى تعتبر مثال لسيارات اوبل فى مصر و الايزى ترونيك

[م/محمد صلاح]

انا رحت اليومين الجمعه والسبت وماقابلتش هناك غير بودى وخالد وطبعا كان رايح معايا صديقى عمرو فراج وبصراحه استمتعنا جدا باليوم بس الجو كان تلج تلج تلج

بس اكتر حاجه ضايقتنى ان الناس وهى خارجه من دريم لاند كل واحد فاكر نفسه شوماخر وعمال يجرى ويحرق ويشد بهبل كانه بيقول لنفسه الناس اللى جوه دى مش احسن منى مانا برضه اهوه

[ehabbasha30]

انا رحت اليومين الجمعه والسبت وماقابلتش هناك غير بودى وخالد وطبعا كان رايح معايا صديقى عمرو فراج وبصراحه استمتعنا جدا باليوم بس الجو كان تلج تلج تلج

بس اكتر حاجه ضايقتنى ان الناس وهى خارجه من دريم لاند كل واحد فاكر نفسه شوماخر وعمال يجرى ويحرق ويشد بهبل كانه بيقول لنفسه الناس اللى جوه دى مش احسن منى مانا برضه اهوه

انت عاوز الناس ماتسخنش بعد اللى شافتة فى الاوتوكروس
دنا شفتة فى التليفزيون بس لقيت نفسى سخنت وكنت عاوز اسوق الكنبة اللى انا نايم عليها واعمل بيها خمسات
بالمناسبة هو السباق دة مذاع فى التليفزيون ولا لأ وهييجى امتى ؟؟؟؟؟؟؟؟؟؟؟

[ouba2]

علي فكرو الاوبل الgtc بتاعت واحد عندنا في طنطا لسمة محمود توفيق و شهرتة بومبا و هو جايبها سبيشيال اوردر 2000 سي سي بس مش عارف بتيربو ولا من غير

[Jato.33]

الصور للحبايب

[KHALED AYMAN]

علي فكرو الاوبل الgtc بتاعت واحد عندنا في طنطا لسمة محمود توفيق و شهرتة بومبا و هو جايبها سبيشيال اوردر 2000 سي سي بس مش عارف بتيربو ولا من غير

فعلا زى منا قلت اصل انا بشوفه فى كليه اداب عندنا .
حضرتك متأكد من موضوع 2000 سى سى ده اصلها لو كده تبقى طلقه و بتجرى جرى محصلش و طبعا بسعر محصلش برده

[KHALED AYMAN]

مشكووووووووووووووووووور يا باشا على الصور