تكلفة اعاده ال airbags

[hero]

متهيألي ان التابلوة كلة لازم يتغير في حالة ان الايرباج ايلي فتحت دي تكون بتاعه الراكب الامامي (ايلي جنب السواق يعني)...لكن لو العربية مافيهاش اصلا للراكب الامامي والايرباج بتاعه السواق بس يبقي التابلوة مالوش لازمة لانها في الدركسيون ...
يبقي الاحسن ان الواحد يشتري عربية ايرباج واحد بس ...لنفسة يعني (للسواق ...) ومش مهم الراكب القدماني بقي ... :mrgreen:

ويجعلة عامر ...

[PAYOO]

يبقي الاحسن ان الواحد يشتري عربية ايرباج واحد بس ...لنفسة يعني (للسواق ...) ومش مهم الراكب القدماني بقي ... :mrgreen:

ويجعلة عامر ...

[hero]

اصل يا جماعه ....لو الراكب الامامي ماعندوش ايرباج ولابس الحزام ....متهيألي تكلفة علاجة هتبقي اقل من تكلفة اعادة الايرباج بتاعتة..... :mrgreen:

[hazem_khidr]

اصل يا جماعه ....لو الراكب الامامي ماعندوش ايرباج ولابس الحزام ....متهيألي تكلفة علاجة هتبقي اقل من تكلفة اعادة الايرباج بتاعتة.....

:D :D :D :D :D :D :D :D :D :D :D :D :D علي رايك

[د.أحمد سمير]

أنا اللي مش فاهمة بصراحة كيف يكون ثمن التابلوه 30 أو 40 ألف جنيه ، هذا بلا شك استغلال وانتهاز للفرص ، لو حسبنا تكلفة السيارة وعزلنا أجزائها كم سيكون ثمن التابلوة ، بعدين نضرب في 3 مثلاً علشان هاشتريها كقطعة غيار ، برضه مهما كان السعر ما يوصلش ل40 ألف جنيه .. دي مأساة والله
تقبلوا خالص مودتي

[Hossam Mounir]

سمعت معلومة بس مش متأكد منها ... أن ال Air Bags ... أصلاً مش مجدية من غير ما يكون حزام الأمان محطوط ... يعنى ديناميكية عمل ال Air Bag ... بتبقى فعالة ... مع وجود حزام الأمان ... يعنى هيا هتفتح بس مش هتبقى فعالة إلا لو الحزام مشدود ... فيعمل الأثنان سوياً ... على حماية السائق ... أو الراكب الذى بجوارة ... ودى كنت سمعتها فى أحدى التوكيلات ... لحد عامل حادثة مميتة على طريق العين السخنة ... وقالوله أن الحمد الله أنك كنت حاطط الحزام لآن ال Air Bag من غير الحزام ما تعملش حاجة ... أحب أقولكم أن السائق ( بالمناسبة كانت واحدة ست) محصلهاش غير شوية كدمات ورضوض ... وان التأمين قدر العربية Total Loss ... والعربية كانت Megane موديل 2005 ... وكانت تكلفة أصلاحها من سنة يعنى سنة 2006 ... 140,000 ألف جنيه ... وربنا يسترها علينا جميعاً ... والستار موجود ...

تحياتى للجميع ....

م / حسام منير

[elpasha009]

فعلا كلام حضرتك مضبوط يا استاذحسام وعلى فكرة الكلام ده مكتوب في كاتالوج عربيتي لانسر 2007 وعلى فكرة مكتوب كمان ان الايرباج لو اتفتحت من غير مايكون حزام الامان مربوط ممكن يؤدي لاصابات خطيرة جدا للراكب.
يعني بدل ما تكون وسيلة أمان هتتحول لوسيلة موت

[hazem_khidr]

أنا اللي مش فاهمة بصراحة كيف يكون ثمن التابلوه 30 أو 40 ألف جنيه ، هذا بلا شك استغلال وانتهاز للفرص ، لو حسبنا تكلفة السيارة وعزلنا أجزائها كم سيكون ثمن التابلوة ، بعدين نضرب في 3 مثلاً علشان هاشتريها كقطعة غيار ، برضه مهما كان السعر ما يوصلش ل40 ألف جنيه .. دي مأساة والله
تقبلوا خالص مودتي

ماهو فعلا استغلال يا دكتور احمد .بمعني ان تمن تلات تابلوهات يجيبو عربيه جديده!!!!

[NaderNabil]

if u notice some cars write on the airbag"
SRS Airbag
the SRS means Supplement for Restraint System
the restraint system is the seat belts
this means that the airbag is a suplemntal feature that help to reduce the risk of injury to the paasenger

another thing, there are some cars that have a pplace inside the dash board for the airbag as the drivers one in the steering wwheel..this makes it possible to change only the part that the airbag come out from

as for the prices of the dashboards i think it is reasonable especially for the modern and high priced cars, consider the special moulds and electrical equipment,in addition to the airbag price itself which is near 10000 l.e.
finally i consider the airbag one of the most important options to be put in any car now. for me i put a priority to a car that has saftey options like ABS and Airbags than a car that might be better in shape or performance. as we know all roads in Egypt are not safe at all

[hero]

دة ببساطة لان التابلوة مش قطعه غيار ....يعني مش نازل من المصنع علي انة من قطع الغيار المستهلكة....
زي بالظبط ايلي بيصلح جهاز الكتروني ويغير فية قطعه مش موجودة كقطعه غيار....فيروح يجيب واحد جديد ويقطعه ...ويبيع منة زي ماهو عايز.....متهيالي ايلي بيحصل بردة كدة....

هما ياما بيجيبوا تابلوة كامل من عربية متقطعه...او بيبعت يطلبة من المصنع مخصوص...وفي الحالتين هايكون غالي فعلا وسعرة مش طبيعي....

[مهندس محمد صلاح]

انا واحد من الناس بعد ما سمعت الكلام ده عن الابرباج عمرى ما افكر اشترى عربية فيها اير باج .. بس السؤال اللى مش فاهمه .. ايه علاقة الايرباج وخروجه من المكان المقرر خروجه منه وبين تغيير التابلوه كله .. مش فاهم انتوا تقصدوا ان الايرباج ما بيخرجش الا فى حالة انكسار التايلوه بسبب الصدمة القوية يعنى طيب افرض ان التابلوه سليم بعد الخبطة والاير باج خرج فلازم برضه اغير التابلوه ولا عاوزين تقولوا ان اثناء خروج الايرباج بينكسر التابلوه علشان يخرج سعادته لانقاذ الراكب .. انا مش فاهم .. ياريت حد يفهمنى النقطة دى

[NaderNabil]

اثناء خروج الايرباج بينكسر التابلوه علشان يخرج سعادته لانقاذ الراكب

[khalid_adel]

بجد من ساعة ما قرأت الموضوع ده وانا مندهش وقلقان
طبعا لاقدر الله لو حصل حادثه والايرباج فتحت مش مشكله لانها عملت فايده المشكله اللي مقلقاني جدا ان لو حصل والايرباج فتحت ومكنش في حد جنب السواق اصلا تبقى كده الايرباج اليمين قتحت على الفاضي وكمان التكلفه العاليه دي اعتقد انها من اليمين عشان السواق في الطاره واكيد اقل بكتير من اللي على اليمين
انا كده بفكر الغي اليمين :twisted: ويبقى قداء وقدر :lol:

[مهندس محمد صلاح]

طيب فين تعليق سيادتك .. انت كتبت الاقتباس وخلاص افيدنا افادك الله

[hazem_khidr]

الاير باج اليمين فعلا لو اتفتحت التابلوه بيبوظ انما الشمال بتبقي في الدركسيون يعني الطاره بس مالهاش علاقه بالتابلوه.
الكارثه بقي انك الاير باج ممكن تفتح من خبطه بسيطه في معظم العربيات علشان السينسور بتاعها بيبقي موجود ورا الاكصدام الامامي ف حتفتح غصب عنك و انت مش محتاجها!!!!
و حاجه كمان تضحك اوي:
تعرفو ان لو مثلا انت نزلت تحت عربيه نقل ان الاير باج مش حيفتح !!!اه مش حيفتح علشان الشينشور تحت الاكصدام و طالما الخبطه ما جاتش في الاكصدام و في منتصفه بالذات يبقي مش حتشتغل.
انا شوفت الحركه دي في عربيه نيسان صاني الله اعلم بباقي العربيات