ياجماعة اناا اسف جدا على الموضوع الى كنت عاملة بتاع 170كم

[Mostafa Hessen]

ربنا يهدى الجميع

[amelsahn]

أتمنى فعلاً ان ربنا يهدينا كلنا و نبطل جري بس أنا بافكر فى حاجه... كل واحد فى الدنيا ديه له "كيف" أو مزاج يعنى فى حاجه معينه... الحاجه ديه هى اللى بتوصللو الأحساس بالمتعة... و طبعاً زى ما احنا عارفين الحاجه ديه بتختلف من واحد للتانى، يعنى مثلاً فى ناس بتجد متعتها فى المزيكا، فى ناس متعتها الكوره، و فى طبعاً حاجات تانيه زى المعاكسه مثلاً أو البنات أو المخدرات...الخ، المهم أن فى ناس - و اعتقد انهم كثيرين فى المنتدى هنا - متعتها فى السرعه... أنا مش بتكلم على واحد لسه حيفكر و يعقل و كده... أنا بتكلم على الأحساس باللزه أو المتعه المطلقه Feel the rush and the sensation(رغم انها فى لحظه ممكن تقلب نكد) - ازاى بقى نقدر نوفر لنفسنا المتعه ديه بس بطريقه امنه اكثر و ما يكونش فيها أزيه لحد؟ لأن من الأخر و بصراحه هو ده بيبقى المنفس اللى بينسيك همومك و يصبرك على البلاوى اللى بتشوفها كل يوم و كل ساعه!!! السؤال... نعمل ايه فى روحنا؟ بره و فى دول زى الأمارات ابتدو يزودو السباقات المحليه و الحلبات الصغيره للهواه... هل ممكن يكون ده حل لينا؟ اللى عايز يجرى أو يشد مع واحد صاحبه أو يخمس و كده يروح ياخدله ربع ساعه بـ20 جنيه مثلاً؟

[Dr. Elsaadani]

أتمنى فعلاً ان ربنا يهدينا كلنا و نبطل جري بس أنا بافكر فى حاجه... كل واحد فى الدنيا ديه له "كيف" أو مزاج يعنى فى حاجه معينه... الحاجه ديه هى اللى بتوصللو الأحساس بالمتعة... و طبعاً زى ما احنا عارفين الحاجه ديه بتختلف من واحد للتانى، يعنى مثلاً فى ناس بتجد متعتها فى المزيكا، فى ناس متعتها الكوره، و فى طبعاً حاجات تانيه زى المعاكسه مثلاً أو البنات أو المخدرات...الخ، المهم أن فى ناس - و اعتقد انهم كثيرين فى المنتدى هنا - متعتها فى السرعه... أنا مش بتكلم على واحد لسه حيفكر و يعقل و كده... أنا بتكلم على الأحساس باللزه أو المتعه المطلقه Feel the rush and the sensation(رغم انها فى لحظه ممكن تقلب نكد) - ازاى بقى نقدر نوفر لنفسنا المتعه ديه بس بطريقه امنه اكثر و ما يكونش فيها أزيه لحد؟ لأن من الأخر و بصراحه هو ده بيبقى المنفس اللى بينسيك همومك و يصبرك على البلاوى اللى بتشوفها كل يوم و كل ساعه!!! السؤال... نعمل ايه فى روحنا؟ بره و فى دول زى الأمارات ابتدو يزودو السباقات المحليه و الحلبات الصغيره للهواه... هل ممكن يكون ده حل لينا؟ اللى عايز يجرى أو يشد مع واحد صاحبه أو يخمس و كده يروح ياخدله ربع ساعه بـ20 جنيه مثلاً؟

هو حضرتك عندك سيارة مجهزة لمثل هذه الاشياء
ومن سيقوم بانشاء صالة تصلح لتلك الافعال


الموضوع مش بسيط

[amelsahn]

هو حضرتك عندك سيارة مجهزة لمثل هذه الاشياء
ومن سيقوم بانشاء صالة تصلح لتلك الافعال


الموضوع مش بسيط

ولله يا أ/محمد ماهو الناس كده وللا كده بتعمل الحاجات ديه فعلاً سواء كانت السيارات مجهزه أو لأ... أنا كل اللى أقصده ان الموضوع يكون متنظم و بدل ما الناس تجرى فى الشوارع و تعرض الغير للمخاطر يبقى الموضوع خاضع لإشراف... و خد الأوتوكروس كمثال... هى يعنى كل العربيات اللى بتشترك فيه مجهزه مخصوص للسباقات؟

الموضوع ده ممكن يتعمل كمشروع تجارى عن طريق القطاع الخاص مع دعم أو تشجيع من الدوله و أنا أعتقد انه لو اتعمل صح ممكن يكون مربح جداً - بصراحه لو كان معايا التمويل كان ممكن أعمله أنا :-)

عامةً أنا كل قصدى ان فى الوقت اللى نكون بنحاول نقفل فيه باب فساد على الناس نفتح فيه باب اصلاح علشان محدش ينط من الشباك - و أنا أولهم ؛-)

[EslaM_NagY]

هل ممكن يكون ده حل لينا؟ اللى عايز يجرى أو يشد مع واحد صاحبه أو يخمس و كده يروح ياخدله ربع ساعه بـ20 جنيه مثلاً؟

الناس حتقول:10D5C8~1107:
وليه ادفع 20 جنيه لما ممكن اعمل كدة ببلاش فى الشارع

[amelsahn]

الناس حتقول:10D5C8~1107:
وليه ادفع 20 جنيه لما ممكن اعمل كدة ببلاش فى الشارع

سببين على الأقل... ارتفاع غرامات المخالفات و اغراء "دخول التراك" خصوصاً لو فعلاً اتعملت تراكات مظبوطه... و بعدين بارده مش عايزين نظلم الشباب أوى كده... ممكن مع شوية توعيه بسيطه الناس برده مش غاويه تخييش يعنى ولما يلاقو حاجه فيها نفس المتعه و امنه أكيد حيعيدو النظر فى تصرفاتهم

عموماً ديه مجرد فكره مش أكثر و ربنا يهدينا جميعاً:-)

[ringoo84]

انت بمساعدتك ليهم ممكن تكون بتفدي ناس تانيه

[Fadi Ezzat]

رربنا يوفقو ان شاء الله

[Golfer05]

انا كنت بمشي علي سرعة 220:230 كم وكانت سيارات مرسيدس 560sec و هوندا اكورد v6 2.8 و دودج تشالينجر v10 ماجنوم . بس دي عربيات بجد وقوية فعلا واتزانها عالي جدا علي الطرق مش زي العربيات اللي بشوفها في الشوارع دي خالص.بس عموما انا بعد ما اتجوزت بحاول اني اهدي من سواقتي بكتير عشان بقي في مسئولية في رقبتي وبصراحة كمان في حاجات وحوادث الواحد بيشوفها صعبة قوي وبصراحة كمان ان انا كنت هاروح في داهية كتير بسبب اخطاء الغير التحف اللي الواحد بيقابلهم علي الطريق. ربنا يهديني واهدي من طريقة سواقتي

[khaledazizeg]

انا نفسى اهدى من سرعتى
انا كل اما احاول احترم نفسى فى السواقة وامشى 90كم\س فى طريق مصر الاسماعيلية الصحراوى الاقى واحد بيجرى وغرز وكدة
يقوم شوشو (الشيطان ) لاعب فى دماغى واقوم جايب 160 - 170
ونفسى بجد احترم نفسى ومش عارف ونفسى اعمل حاجة تخلينى ما أجريش

[أشرف فتحى]

ياريت اللى بيجرى يفكر متعه الجرى دى تساوى روح انسان حتى لو هو الغلطان وجرى قدام العربيه؟؟؟؟
والله يا جماعه منظر اللى بيتخبط وهو خايف وبيطلع فى الروح منظر صعب جدا ربنا يعافينا ويعافيكم

[أشرف فتحى]

انا مش من الناس اللى بتجرى ومع ذلك ربنا سلمنى من كذا موقف كاوتش بيفرقع وسلك دبرياج بينقطع فى الهوو....و....و...
امال لو بجرى كنت حصلى ايه؟؟؟الحمد لله

[ابوهاشم]

لازم نضع فى الاعتبار ان السرعه لو زادت عن 100ك اصبحت سلاح ضدك لاقدر الله لو كاوتش فرقع تبقى كارثه او مطب مفاجئ او حفره او اى انحراف مفاجئ لسياره امامك وربنا يسترها علينا جميعا
ياجماعه احنا ماشيين على هواء

[Golfer05]

علي فكرة انا عملت حادثة قبل كده بسبب ان السرفو مكانش ظاغط هوا علي الفرامل فا بالتالي ملاقتش فرامل ودي المرة الوحيدة اللي كنت ماشي فيها بالراحةومكانشي قدامي غير اني اختار عامود الكوبري واخش فيه و الا كنت ها أخد في وشي اكتر من 20 بني ادم وانا راكب عربية جيب يعني النتيجة كانت هتبقي مزرية وتخيلوا بقي وانت داخل علي عمود كوبري علي سرعة عادية وجيت اسقط تاني قامت حارقة اكتر فكانت حادثة زي الفل الحمد لله علي سرعة 60كم بدون اي نوع من انواع الفرامل او التهدئة ربنا ستر وطلعت منها الحمد لله بس عندي كدمات محترمة بس من ساعتها بقيت اهتم باصلاح فرامل اليد ما بقيتش اجيب قطع غيار استيراد فيما يخص الفامل والعفشة و بحاول امشي بالراحة مع اني كنت ماشي بالراحة في الحادثة دي بس لو كنت ماشي بسرعة كان الله اعلم بالنتيجة

[karimone]

السرعات العاليه الواحد بيحب يمشي عليها بس ده المفروض مايكونش العادي...

يعني واحد جايب عربيه جديده و عايز يجربها في الجري مثلاً ممكن يجيب بها 150 او اكتر انما مايبقاش ده الطبيعي...

إذا ماكنتش خايف علي نفسك و عربيتك خاف علي الناس اللي ماشيه علي الطريق معاك...

ربنا يهدي الجميع...