عاوز نصيحة للتقسيط! ارجو الرد

[rasslan]

ارجو من ألأخوة ألأعضاء مساعدتى فى الحصول على سيارة جديدة انا باذن الله ناوى على نوبيرا 2009 وعاوزها تقسيط وممكن ادفع 24000 مش اكتر بس مشكلتى انا أعمل اعمال حرة وليس معى اى اوراق من التى تطلبها البنوك وليس لدى سوى اوراقى الشخصية وانا جاد جدا فى شراء السيارة
وكل الشكر لكل من ساعدنا ورد علينا

[semsem67]

التصيحة هي : إوعى تقسط

[ezzatfox]

هتلاقى بنوك بتقسط للافراد بس بيعملوا استعلام الاول و بعدين بياخدوا عليك ضمانات كتير و فى الغالب شيكات بالاقساط و شيك مجمع بثمن العربية بالكامل بالاضافة الى نسخة مفتاح و حظر بيع ، لكن المشكلة فى حالتك انك هتلاقى الفايدة عالية مش هتقل عن 9% سنويا يعنى لو حسبناها هتلاقى النوبيرا ب 76 و انت معاك 24 يبقى فاضل 52000 هنضيف عليهم الفايدة اللى هى 9% * 5 سنين يعنى 45%
52000+23400= 75400
يعنى العربية هتبقى واقفة عليك ب 100000
و القسط هيبقى 52000 / 60 = 866
و متنساش ان فى تأمين اجبارى بحوالى من 2.5الى 3% من ثمن السيارة
دة غير مصاريف الترخيص و الذى منة

[eino666]

التصيحة هي : إوعى تقسط

يا سيدى الفاضل
واضح ان الراجل ما معهوش فلوس العربية كاش لكن امكانياته
يقدر يدفع اقساط شهرية ماهو مش كل الناس معاها الكاش

تبقى النصيحة له بلاش تقسط ؟؟؟؟؟؟؟؟؟؟؟؟؟؟؟؟؟؟

[ABDULLAH AHMED]

بنك ابوظبي الاسلامي
طريقة شريعية وبعيدا عن الفوائد

البنك ده بيقسط عن طريق المرابحة الاسلامية
بس مش عارف بخصوص الورق والكلام ده
كل اللي اعرفو ان البنك ده ما بتعملش بالفوائد

ولو عايز مساعدة ان شاء الله نقدر نساعدك

[dodi2]

بقالنا شهر و نص مقدمين الورق لبنك ابوظبى مستنين الرد ومردش مات , خرج و لم يعد بعد مخدو 1000 جدية تعاقد و مستنين الفرج و غالبا صرفنا النظر عن التقسيط و غالبا كده حيخدو 1000 جنية من الاخر اتعليت منهم .
و بعدين الفائدة اسمها هامش ربح 9.5 بالنسبة للمهن الحرة و بتقل للموظفين ل 9
و أعمل اللى تشوفه مناسب ( معظم البنوك بدات تتراجع فى تمويل السيارات)

[AshTurbo]

يا سيدى الفاضل
واضح ان الراجل ما معهوش فلوس العربية كاش لكن امكانياته
يقدر يدفع اقساط شهرية ماهو مش كل الناس معاها الكاش

تبقى النصيحة له بلاش تقسط ؟؟؟؟؟؟؟؟؟؟؟؟؟؟؟؟؟؟

مع أحترامي لرأي حضرتك بس أنت كدة بتضر الراجل ومش عايز مصلحته ولو هو مايملكش يشتري عربية غالية موديل 2009 ليه يركب جديد موديل السنة ؟؟ وليه دلوقتي ؟؟ وليه يفضل يشتغل ليل نهار ويتفرم ويتعجن في الشغل على حساب صحتة وأعصابة وعائلتة لو كان يملك أو بيفكر يكون عائلة ؟؟ وبعدين عربية تمنها 76 ألف يدفع تمنها 100 ألف في شرع مين ؟


للأستاذ صاحب الموضوع حضرتك ذكرت أنك تعمل في مجال الأعمال الحرة أي أنك لا تعمل في وظيفة ثابتة ولا تملك دخل ثابت فإذا كان أصحاب الوظائف الثابتة والدخول الثابتة يتم تسريحهم أخي الفاضل فما بالك بالأعمال الحرة راجع نفسك والأهم راجع ميزانيتك وضع في ذهنك الأزمة الحالية وأترك لنفسك متنفساً من الهواء حتى لا تموت خنقاً بالأقساط والفوائد الجائرة وحتى لا تقضي فترة كبير من عمرك وأنت تلهث في سبيل تسديد أقساط السيارة ثم تبيعها بأقل من ربع الثمن الذي دفعته مالاً وتعباً وعرقاً .

[AYMAN4PLUS]

نصيحة لوجه الله

بلاش التقسيط لانه ح يزود عليك ثمن العربية حوالى 25000 أو 30000 جنيه .

نصيحتى ليك بلاش تشترى عربية من أصله ، لان السواقة فى بلدنا زبالة بالاضافة الى ان العربية عايزة على طول متابعة من زيت وصيانة ... الخ .

رأيى انك تحتفظ بنمر تليفونات سواقين تاكسى بترتاح معاهم ، ولما تحتاج تروح مكان اتصل بيهم يأخذوك للمكان اللى انت عايزه .

الفكرة دى اقتصادية ومريحة للدماغ على الآخر.

واذا كنت مضطر للشراء ، أنصحك بلاش التقسيط :k26:

[mo7a_mo7a]

نصيحة شخصية
شوف حاجة مستعملة معقولة
او ادخل جمعية بتمن القسط وهات العربية كاش
او استني شوية
لكن التقسيط ده متعب جدا جدا

[sherif Anton]

بلاش حكاية القسط دي ... انا اتلسعت 6 سنين بدفع اقساط وفوايد لما طلع عيني

[Hussein_Ramdan]

فى اية ياشباب
كلو مش مشجع فكرة القسط لية
ماهو طبيعى ان البنك لازم ياخد فوايد
الراجل عايز يركب عربية زيرو عشان مش عايز قرف المستعمل
وعندو استعدا يدفع كل شهر مبلغ
ودة احسن لى
بنسبة لموضوع القسط للعمل الحر
هو تقريبا لازم تدفع خمسين فى المية وبتستلم عالطول بوصل نور او غاز بتستلم فى ظرف اسبوع
تانى حاجة بنسبة للاخ الى بيقول ان العمل الحرة مالوش دخل ثابت
بالعكس فى ظل الظروف الى احنا فيها دلوقتى
العمل الحر هو الى احسن من الى متوظف
العمل حر مفيش حد بيتحكم فى ممكن يمشى من الشغل وممكن يكون بالعكس بيكسب اكتر مايكون متوظف
(طبعا دى حاجة بتاعيت ربنا لكن اانا بتكلم فى نفطة محددة الاخ اتكلم فيها )
بنسبة ليا
لازم تعرف وانتا بتشترى عربية قسط ان هيكون فى مبلغ عليك ممكن يوم صل ل 45% من المبلغ المتبقى ذيادة
لكن لو انتا شايف ان دة مش هيفرق معاك على مدى خمس سنين
توكل على الله
لكن لو شايف ان انتا ممكن تصبر شوية وممكن تقدر تجمع بقيت المبلغ كمان كام شهر او سنة يبقا اصبر

Hussein Ramdan

[AshTurbo]

العمل الحر هو الى احسن من الى متوظف
العمل حر مفيش حد بيتحكم فى ممكن يمشى من الشغل وممكن يكون بالعكس بيكسب اكتر مايكون متوظف

وممكن يخسر ويفلس ويتعثر في قسط وأتنين وتلاتة و لا دة غير وارد ؟ وهل كل اللي بيشتغلوا في الأعمال الحرة بيكسبوا أكثر من الموظفين ؟

أحنا مش بنقارن هنا بين مين أحسن من مين أحنا بنقول أن الأثنين مهددين بالخطر والتأثر بالأزمة و هو دة لب الموضوع .

[kahamid]

يا جدعان انا شايف ان الظروف اللي احنا فيها دلوقتي ما تضمنش لحد سواء موظف او صاحب عمل استقرار في دخلة لاكتر من شهرين تلاتة قدام
فالافضل بلاش تعامل مع البنوك وتقسيط لغاية لما الدنيا تستقر

[karaktar]

التقسيط ده نظام فاشل بمعنى الكلمه وخاصة فى مصر
حوش فلوس على فلوس المقدم اللى معاك وجيب عربيه زيرو صغيره
او اشترى عربيه مستعمله محترمه