إعـــــــلان

Collapse

.

,
See more
See less

متوسط ...تكلفة المصنعيات...(الصيانة خارج التوكيل!!!)

Collapse
X
Collapse
 
  • Page of 1
  • Filter
  • الوقت
  • Show
Clear All
new posts
السابق template التالي
  • #1

    متوسط ...تكلفة المصنعيات...(الصيانة خارج التوكيل!!!)

    يا جماعه انا عندي فكرة بسيطة ...ممكن تساعد الناس ايلي معندهاش خبرة في حكاية المصنعيات دي ...وبدل ما الواحد يحس انة اتضحك علية او ان الصنايعي غشة واخد منة فولس اكتر من حقة..

    الفكرة ببساطة ....اننا نقسم المصنعيات علي حسب نوع الخدمة...يعني شغل الصاج السمكرة ..شغل الميكانيكا (تظبيط موتو انجيكشن او تظبيط هوا او تكيهات او تركيب بوجيهات او اي شيء مماثل)...شغل العفشة بمشتملاتة ...وهكذا...

    طبعا هايكون في اختلاف برضة من مكان لمكان ..وبلد لبلد..وطبعا ودة الاهم من صنايعي شاطر لواحد نص نص ...لواحد ضايع وبيضيع العربية...

    انا عامة ...هابتدي بيا وبعربيتي اللادا....

    هابتدي بالعفشة ..ايلي هي اكتر صيانات اللادا:

    تركيب تيل فرامل (امامي وخلفي) 20 جنية بعد الفصال (عامة بيطلب 30)
    اخد هوا الفرامل (دة مش محدد بس ممكن يبتدي من 2 جنية ..وانت براحتك )
    تغير غويشة في الفتيس....(دي كانت ملحمة ...واخد 70 جنية ...بعد ما فك الفتيس كلة تماما وركبة تاني ... والعربية اشتغلت الحمد لله)
    تغيير ماستر فرامل وخزنيتن (60 جنية )

    ثانيا ...الميكانيكا ....:
    تغير بوجيهات وابلتين وكوندسر (20 جنية ....من غير ولا كلمة )
    تغير سير الكاتينة (50 جنية .....وعاملها شغلانة وفك وش السلندر ....مش عارف لية ..بس في ناس قالتلي ان اللادا الكاتينة الكاوتش لازم يفك وش السلندر )
    غسيل كاربيتير وتظيفة (الجاز او بنزين الغسيل علي حسابي ) 30 جنية ...بالعافية ..
    الحمد لله ماعملش اي شيء في العربية غير كدة...وربنا يستر ..

    ثالثا....السمكرة والدهان...:
    دي بقي ايلي مالهاش حل ابدا....يعني ممكن تعمل حتة قد الرفرف بـ 50 جنية وترشها بـ 100..
    وواحد تاني يعملة بـ150 ويرشة بـ150 ....

    رابعا ...الشكمان ...:
    دة انا باغيرة كل سنة تقريبا علشان دايما بيراكم مية في الشكمان ...وبيخلي العلب تصدي وتتاكل ...العلبة بتعمل حوالي من 55 لـ 56 بالتركيب...
    -----------------------------------------------------------------------
    [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
    [/CENTER]
    ------------------------------------------------------------------------
    الكلمات الدلالية (Tags): 20, 50, التو, التوكيل, الصيانة, المصنعياتالصيانة, الي, بنزين, تركيب, تركيب كاسيت, تغيير, تكلفة, تنظيف, توكيل, تيل, تيل فرامل, خارج, خدمة, زيت, زيت الفتيس, سمكرة, سير, شكمان, صاج, صيانات, صيانة, طنابير, عربية, عفشة, عن, فتيس, فرامل, فلتر, فلتر بنزين, في, كاتينة, كاسيت, كاوتش, كل, لادا, ماستر فرامل, متوسط, مع, من, نور, هي, وكيل
  • #2
    موضوع حلو جدا يا هيرو :) و أكيد ناس كثير أوى هاتستفيد منه :)
    [IMG]http://www.nilemotors.com/images/Nile_Audi_Memo_2.gif[/IMG]
    [CENTER][COLOR="DarkOrchid"]
    [SIZE="2"]Dont Exhaust UrSelf in Thinking...Just Do what U have 2 Do...God Will Never Forget & Never Neglect[/SIZE][/COLOR][/CENTER]

    Comment

    • #3
      فعلا موضوع ممتاز ياريت الناس تشارك فيه

      بالنسبة للسمكرة فانا ليا تجارب كتير معاها في عربيتي وعربية الحاجة وخاصة الاخيرة وانا اللي كنت بعملها فعارف الاسعار كويس او بمعني ادق بعرف افاصل كويس

      اولا السمكرة علي البارد :
      وديه لازم تكون علي عيني واتاكد انه حاطط شحم او زيت علي الصاج قبل ما يخبط عليه (حفاظا علي البوية) وفي الغالب اي سمكرة علي البارد متدفعش فيها اكتر من 30 جنية علما بان فيه حاجات لازم تتفك عشان تتسمكر

      عربيتي انا رديت الرفرفين القدامانين علي البارد مع فك احدهما ودفعت 60 جنية (بعد طلوع الروح)

      ثانيا السمكرة علي السخن :
      وديه بتبداء من 60 جنية ل100 بالكتير اوي في بعض الاماكن الصعبة زى فوق التنك او في العتب كمان علي حسب كمية الحموات اللي بيعملها ده غير المناطق اللي فيها سوك والعملية عامة بتبقي تقديريه وطبعا لما يبقي فيه كذا خبطة يبقي تلم الحساب كله ولازم تمشي اللي فى دماغك انت لان حسبة السمكرى دايما بتبقي استغلال

      اخيرا متنسوش تراضوا الصبيان لان دول اولى حتي ولو من منطلق الصدقة

      Comment

      • #4
        السلام عليكم

        موضوع جميل والله بالرغم من اننا لن نستطيع الوقوف على نظام تسعير محدد بس على الاقل الواحد ياخد فكرة!

        انا اول ما اشتريت العربية غيرت سير الكاتينة ورلمان بلي سير الكاتينة وغيرت قاعدة الموتور - الميكانيكي خد 100 جنية! صحابى قالولي شغل الموتور غالي!

        رحت ركبت اسكترا جديدة وربطت عفشة - 30 جنية

        ظبطت نور الفوانيس قدام وورا علشان بعضهم ما كانش بيشتغل - طلب 50 ورسيت على 30 بالعافية! طبعا حرامي جدا! (ياريت حد يتكلم عن مصنعية الكهرباء)!

        وربنا يبعدنا ويبعدكم عن السمكرية والميكانيكية (قولو امين) :lol:
        لاتظلمن إذا ما كنت مقتدراً *** فالظلم آخره يأتيك بالندم

        نامت عيونك والمظلوم منتبه *** يدعو عليك وعين الله لم تنم

        Comment

        • #5
          فيه صيانة انا بعملها كل 8000 - الي - 10.000 وديه بتبقي

          تغير زيت
          تغير فلتر بنزين / فلتر زيت
          تغير / تنظيف فلتر الهواء
          احيانا تغير زيت الفتيس

          الكشف علي / تغيير ( سير دينامو / كاتينة / جوان غطا التاكيهات / ظبط التاكيهات / طقم بوجيهات )

          غسيل الموتور والحوض بالجاز

          تربيط عفشة

          الكشف علي / تغيير ( تيل فرامل / طنابير / ماستر )

          الكشف علي وتظبيط ( دواسة الفرامل / دواسة الدبرياج / عصا الفتيس )

          كل ده بدفع فيه 50 جنية (المكيانيكي حبيبي) او 100 جنية في حالة استبدال او تركيب اي حاجة مما ذكرت وده كله بياخد من 3 بعد ما العربية تبرد طبعا

          ولو ضيفت ليهم 30 جنية الكشف علي الزوايا وملء الاطارات بالنيتروجين
          و 20 جنية غسيل العربية فوق وتحت جوا وبرة في البنزينة (اللي في اخر عباس) وتشميع العربية انا اللي بعملة

          و غسيل الردياتير ( ده انا اللي بعملة )

          وبكده تبقي عملت صيانة 10.000 بتكلفة مصنعيات لا تتعدى ال 150 جنية

          Comment

          • #6
            جامد اوي اللي بتعملوا ده يا ابو نورا ان شاء االله
            هواظب عليه من النهارده

            انا بعمل التشك ده بس مش باستمرار

            Comment

            • #7
              شغل الكهرابا من الحجات المهمة قوي وايلي عايزة فعلا صنايعي بيفهم وشاطر وشغلة نضيف علشان ما يبوظش الدنيا وتلاقي في الاخر العربية بتولع من قفلة ولا سلك ساح من تحميل زايد...
              انا ايلي افتكرة ان شغل الكهرباء ايلي عملتة كان حجات بسيطة بس بصراحة الكهربائي كانت ايدة تتلف في حرير...وتقريبا كانت عربيتي هي اللادا الوحيدة ايلي عندة....كل ايلي بيتعامل معاة ياباني والماني ...وعربيات نضيفة فعلا..اسعارة كانت معقولة ...وماكنتش بفاصل معاة علشان امانتة يعني لو الشغل مش كتير بيطلب قليل قوي ...وساعات ماكانش بيرضي ياخد فلوس....اغلي شيء عملتة عندة كان تركيب كاسيت ..(وبعيد عنكوا الكهرباء عندي زي الفل ...الكابلات عبارة عن لونين بس ...يعني ما تعرفش مين جاي منين .. :mrgreen: المهم الراجل اشتغل فيها يجي ساعتين...وشغلة وقالي 30 جنية ....اديتهملة علي طول...

              بس يا خسارة الحلو ما يكملش.....سافر علي ليبيا...
              -----------------------------------------------------------------------
              [CENTER][SIZE=4][B][COLOR=SeaGreen]"رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"[/COLOR][/B][/SIZE]
              [/CENTER]
              ------------------------------------------------------------------------

              Comment

              • #8
                المشاركة الأصلية كتبت بواسطة hero
                شغل الكهرابا من الحجات المهمة قوي وايلي عايزة فعلا صنايعي بيفهم وشاطر وشغلة نضيف علشان ما يبوظش الدنيا وتلاقي في الاخر العربية بتولع من قفلة ولا سلك ساح من تحميل زايد...
                انا ايلي افتكرة ان شغل الكهرباء ايلي عملتة كان حجات بسيطة بس بصراحة الكهربائي كانت ايدة تتلف في حرير...وتقريبا كانت عربيتي هي اللادا الوحيدة ايلي عندة....كل ايلي بيتعامل معاة ياباني والماني ...وعربيات نضيفة فعلا..اسعارة كانت معقولة ...وماكنتش بفاصل معاة علشان امانتة يعني لو الشغل مش كتير بيطلب قليل قوي ...وساعات ماكانش بيرضي ياخد فلوس....اغلي شيء عملتة عندة كان تركيب كاسيت ..(وبعيد عنكوا الكهرباء عندي زي الفل ...الكابلات عبارة عن لونين بس ...يعني ما تعرفش مين جاي منين .. :mrgreen: المهم الراجل اشتغل فيها يجي ساعتين...وشغلة وقالي 30 جنية ....اديتهملة علي طول...

                بس يا خسارة الحلو ما يكملش.....سافر علي ليبيا...
                ياااااااااه ده الواحد دايخ علي كهربائي نظيف من غير ما ينظف جيوبي طب متعرفلناش عنوانة فين في ليبيا :!:

                Comment

                • #9
                  اخى العزيزالغالى ابو نورا
                  ياريت تعرفنا ازاى بتعمل عملية التشميع بالتفصيل
                  وبتشترى اى نوع من انواع الواكس وبكام
                  وشكرا لك
                  حسام كرم
                  [img]http://www4.0zz0.com/2007/06/05/05/68276924.jpg[/img]

                  Comment

                  • #10
                    انا اسف ليك جدا يا ابو نورا انا لقيتك كاتب موضوع هايل عن التشميع
                    شكرا لك
                    [img]http://www4.0zz0.com/2007/06/05/05/68276924.jpg[/img]

                    Comment

                    • #11
                      ولا يهمك يا حسام لو تيجي المقابلة الجاية كمان ممكن اوريك عملى

                      Comment

                      • #12
                        20 جنية غسيل العربية فوق وتحت جوا وبرة في البنزينة (اللي في اخر عباس) وتشميع العربية انا اللي بعملة
                        كالتكس ولا اية :?:

                        Comment

                        • #13
                          المشاركة الأصلية كتبت بواسطة شريف
                          20 جنية غسيل العربية فوق وتحت جوا وبرة في البنزينة (اللي في اخر عباس) وتشميع العربية انا اللي بعملة
                          كالتكس ولا اية :?:
                          ايوه كالتكس

                          Comment

                          السابق template التالي
                          Working...
                          X