هل انت راض تماما عن عربيتك؟؟؟؟؟

[hazem_khidr]

Suzuki Swift 1.3 100000 km
1.خبطف في الباب اليمين عاوز ارشها بقالي اكتر من 5 شهور و مكسل و رش الاكصدامات علشان بدأو يقشرو
2.تفييم الزجاج فيميه خفيف و رش النمر سمراء.
3.غسيل السياره من تحت
4.تغيير كاتوش البابين الاماميين و بس كده كفايه اوي :D

[معاذ الشرباصى]

اوبل كورسا 98 كانت 1000 سي سي
99991 كيلو متر

بس ان شاء الله يوم الاتنين هتكون 1400 سي سي 90 حصان


و هيا دي المفاجأة اللي هيجيلكو عليها كلها من الالف للياء

مستنين المفاجأة :)

[معاذ الشرباصى]

العربية بولو 99
204000 كم
فضى

1- باب السواق فسبا خبط فيه عاوز يترد على البارد
2- تغيير الزيت, فلتر زيت, فلتر بنزين
3- الزجاج الامامى فيه شرخ اشوف ممكن يتصلح و لا هيحتاج يتغير (بقاله اكتر من سنة و مكسل اعمل فيه حاجة)
4- هجرب لأول مرة الزيت بتاع غسيل الموتور و ال injector cleaners مع الصيانة بتاعت تغيير الزيت
5- الفانوس الامامى شمال الزجاج بتاعه اتكسر, عاوز انزل الحرفيين اجيب واحد
6- غسيل العربية غسلة حلوة من تحت و من جوة, و الموتور بالفوم

مكسل لصلا اعمل اى حاجة علشان عاوزين نبيعها :), بس اكيد هغيرلها الزيت و الفلاتر لأن ناقص 1000 كم بس

[modux]

الاخ معاذ
ان شاء الله بس اخلص من الموضوع و هجي اجكي القصة من الالف للياء

عشان الاستفادة

[محمدايهاب]

أولا : أخ تربو ربنا معاك
ثانيا :أخ مودكس أنا كمان مستغرب
ثالثا : أنا نفسي
1 - جنوط سبور15
2-ازاز كهربه عدد(4)
3-2 شاشة مخدع
4 - تغيير الكلاكس لأنه مريض ( أخذ برد وصوته منبوح )
5-كساحات جانبية
6 -استيكر أبيض بطول العربية عدد(2)
7-زينون عالي و واطي مع فلاشر
8 - عاكس للأزاز
9-تركيب سنتر لوك محترم و رمي السنتر الحالي
10 -تركيب أكواليزر للسماعات الخلفية
11- تركيب عفشة رياضية
و ربا يعين

[Abdallah]

لانوس 99 حوالى 73 الف كم

كابود امامى استيراد نفس لون العربية
رش الباب اليمين الخلفى
زينون عالى وواطى
رش الفوانيس الامامية اسود
طقم جنوط 15 مع كاوتش جوود يير ايجل
تركيب الطارة الاسبور بتاعتى
دة الى فاكرة حاليا.

[Karim_Monir]

كرولا 2007
عملت فرش جلد وزينون واطي وجبت جنوط وطاوتش 15 عشان ماخرجش برة الضمان
كان نفسي في جنوط وكاوتش 17/205/50
بس بعد الضمان بقي
دلوقتي عايز زينون عالي وزينون فوجات
والخبطة الكبيرة بقي
اربع مساعدين غاز في زيت كوني مع اربع سوست كوني سبور عشان الثبات
بس برضه بعد الضمان

[Abonora]

معلش سؤال يا ابونورا ازاى جوان وش سلندر بدرى كده

أنا كمان عاوز أعرف

انا اسف اقصد جوان غطا التاكيهات مش وش السلندر عشان علي طول بلاقي تعريق حولين جوان غطا التاكيهات هو مش جامد بس انا بحب الموتور يبقي محبوك علي الاخر

[aboalm]

اه صح كده يا ابو نورا انا اتخضيت بصراحه قلت صعب جدا تجيب جوان وش سلندر بالسرعه دى
ربنا يبارك لك فيها

[belal rashed]

128 مو 87
1- تغيير كتاوت المارش(اللى كانت مغلبانى)
2- ضبط العفشه
3-تلميع البويه .
4- عرضها للبيييييييع علشان أحدث بقه :mrgreen:

[P_R_I_N_C_E]

نوبيرا 2007 شهر 6 3000 ك ملحقتش اسوقها

هيا بيتعمل فيها دلوقتى تلت قدام عدا المتور علشان عملت حدسة من شهر زى ما قولت وهيا فى التامين بقالها اسبوعين

وهما طمنونى انى هاستلمها فابريكا زى الزريرو بضبط

وانا كنت ناوى اعمل فيها زينون وجنط 14 بس ملحقتش :?

[Abonora]

ربنا يعوض عليك يا برنس ويكفيك شرها وان شاء الله تستلمها احسن من الزيرو كمان وتركب فيها كل اللي فنفسك ( هيا بتتكتب ازاي فنفسك صح :lol:

[abo3bdolrahman]

واجا 2006 أتوماتيك عاملة 15000 كم
العربية فلة مش محتاجة حاجات كتير.
عملتلها فرش جلد
و عاوز بس أغير الكاسيت السى دى اللى فيها لMP3 بس عاوز نفس اللى بيركب فيها علشان الريموت اللى فى الدريكسيون.
و عاوز أركب تيربو للمحرك و إن كان دلوقتى كويس بردوه بس أن من هواة السرعة يعنى حاجة ثانوية مش ضرورى أوى.
و عاوز ألمع وش الفوانيس الأمامية و الشبورة علشان الرمل سنفرهم الشتا اللى فات.
بس. :lol: :lol: :lol: :lol: :lol: :lol:

[Abonora]

تلمعهم ازاي يا ابو عبدالرحمن

[goodwave]

ربنا يعوض عليك يا برنس

انت اكيد خدت عين علشان قفلت العداد بتاعها

ربنا يرزقك خير منها ويكفيك شر الحوادث