مقاطعة السيارات الأمريكية

[smax]

استاذ اميركو كلام حضرتك ممتاز.

انا متفق مع حضرتك و مع استاذ توت عنخ امون , بس عايز اضيف 3 نقاط:

1-حتي لاو المقاطعة او العمل دي اعمال فردية ازاي المقاطعة هتأثر اكتر من العمل, لاو مجهودنا كلنا مش هيأثر في مصر اكيد فلوسنا مش هتأثر في مصر و لا طبعا في امريكا.
2- في حملات شعبية و قومية لتشجيع المقاطعة علشان تزود عدد الافراد و تكون مؤثر, مفيش ولا نصف حملة للشغل!! انا اقصد ان لازم يكون في حملات تشجع الناس علي العمل, لاو كم الناس الي بتقاطع اشغلت بضمير تخيل كدة النتيجة هتكون ازاي!!!
3- المقاطعة لازم تكون علي المنتجات المستوردة بالكامل. يعني مش اقاطع شركات او مصانع امريكاني موجودة في مصر مشغلة مصريين اتسبب في ازيتهم.(علي فكرة انا مش بشتغل في شركة امريكاني)

[ae_yg]

ياباشا لا صح الا الصحيح وكما قلنا من قبل خلوها تصدي وموديلها يعدي
حملة مقاطعة السيارات الجديدة

[Samah AbdAllah]

3- المقاطعة لازم تكون علي المنتجات المستوردة بالكامل. يعني مش اقاطع شركات او مصانع امريكاني موجودة في مصر مشغلة مصريين اتسبب في ازيتهم.(علي فكرة انا مش بشتغل في شركة امريكاني)

اتفق مع حضرتك جدا لاننا كده هنزود البطالة والازمة عندنا مش عندهم

[TefaShoman]

يا جماعة الناس اللي عايز تتخلص من ويندوز ( أنا عن نفسي أستخدم لينوكس منذ 6 سنوات )
فيه حاجة أسمها لينوكس و مش أمريكاني و مش يهودي
و اللي عايز معلومات أكتر أنا مستعد و تحت أمره

و بالنسبة للكمبيوترات الأمريكاني فهي معروفة
أما بقية الكمبيوترات و أغلب ما هو موجود في مصر فهو تايواني أو صيني
هو بس الزفت البروسيسور انتل اللي يهودي و ليهم كمان فرع في إسرائيل من أكبر فروع الأبحاث

محدش يقعد بعد أذنكم يهبط معنوايتنا

قاطع على أد ما تقدر .......... بدل ما نقعد نتريأ على بعض و اللي مش عايز يقاطع بلاش يهبط معنويات زمايله

و ربنا يبارك لكل واحد ........ و لا تنسوا أن الأعمال بالنيات و لكل إمرئ ما نوى
و ربنا يبارك في العمل حتى لو كان صغير
اللهم وحد صفوفنا و رأينا و أنصرنا على أعدائنا
اللهم أهدي حاكم المسلمين و حكام العرب يارب العالمين
لو قاطعنا شركة واحدة حتى ........ هايكون له تأثير إيجابي علينا و تأثير سلبي عليهم
على الأقل نوصل رسالة ليهم أن مصالحهم في ضرر من مقاطعتنا ليهم

إنما نستسلم بالطريقة دي و نقعد نقول
أصل ده ألماني و ده ياباني و ده أمريكاني و ده ملوش بديل
يبقى هانفضل كدا على طول

ياريت نساعد بعض و لو بالقليل من التشجيع بدل الآراء الإنهزامية
و السلام عليكم

تسلم إيدك ....

[eyadmorsy]

السلام عليكم،

طبعا انا مع المقاطعة فمن غير المعقول نفضل نأكل ونزغط فيهم ونكبر بأموالنا وفلوسنا والأخر يضربونا.

[dodo_bdr]

يبقى كمان السيارات الالمانية والانجليزية والفرنسية لأن كل هذه الدول تؤيد وتدعم اسرائيل علنا بالمال والسلاح ومننساش دولة التشيك (سكودا) وموقفها الاخير من الحرب على غزة حينما كانت ترأس الاتحاد الاوروبى