بيان هااام ( الحمله فشلت ) وصدت

[dynamic_alpha]

القرار ده معناه انه مينفعش اي مصري يستورد سيارة لمصر بعد ان كان مستعملها هناك الا لو كانت من بلد المنشأ ؟؟!!!

اعذار فاشلة لحماية التوكيلات... فعلا القرار ده هيخلي التوكيلات يهملوا العميل اكتر و اكتر علشان هم حيكونوا المصدر الوحيد

[SAMER_ENGINES]

أصبروا يا جماعة......
أحنا لسه في أول الطريق مش لازم نضعف أو نتهزم أو نتكسر بالسهولة دي الطريق طويل و مش مفروش بالورود و اللي حيصبر حيلاقي اللي يرضيه في الآخر.
خلي نفسنا طويييييل و نشوف مين فينا هيتعب الأول أحنا و لا التجار.
و علي كل, كل واحد يبص للعربية الي معاه و يشوف التاجر بيكسب منها كام و خاصة لو قسط و فايدة مركبة طبعاً.

[Ahmed Samy]

القرار ده معناه اعلان حرب على المستهلك المصري
و الرد لازم يكون قاسي خصوصا على الشركات اللي ليها بديل خليجي
زي ميتسوبيشي و تويوتا و فولكس وسكودا
انما في ناس مش هايستفيدو بشكل مباشر زي
نيسان رينو و هوندا

ده غير في ماركات هاتنتهي تماما زي مازدا
و سونستا ده يقفل بقى

الله يلعنهم

[Ghamrawy]

كلام ابن عم حديث
فلوسنا فى جيوبنا و عربياتهم عندهم و ما حدش خسران حاجة و احنا اصحاب الفلوس=احنا الملوك

[tomcruies_egy]

يا جماعة الحملة دي أساسها التصدي للجشع بوجه عام ... يعني مش القرارات اللي هتطلع هي اللي تخلي الحملة تفشل ... واضرابنا هو اللي هيخللي السيارات ترخص سواء من بلد المنشأ او من بلد العفريت
ايه معنى ان تاجر يكون عنده عربية ومفيش مشتري ليها لازم يرخص ويكون سعرها مناسب عشان يبيعها
زي العروسة الجميلة اللي مهرها غالي اوي وفيها جشع .. اكيد هتبور
أو هتتجوز لما مهرها يرخص شوية

متصدقوش اللي صاحب الموضوع .. لأنه من لهجته باين عليه ضد الحملة وعايز يهز الناس بس

ويا جبل ما يهزك ريح
أرجو ان تكون الرسالة وصلت

[khalidkzz]

هذا ليس معناه فشل الحملة

[Anxs111]

على فكره أنا أحييك على زكائك ده وطريقتك فى الكلام
بس أحب أوضحلك الحقيقه ووضحها لكل الاعضاء فعلاً أنا لا مع الحمله ولاضدها مش معنا كده إنى بلعب على الجنبين لا أنا ليه موقفى وموقف محدد وده محبتش اظهرو
حبيت اتعامل بطريقه مختلفه عن اى عضو
بأنى اطرح الرأى والرأى الاخر اطرح اراء الناس اللى مع الحمله واراء الناس اللى ضدها بطريقه مختلفه بمعنى
مثلاً ابتدى بموضوع مخالف للحمله وفى نفس الموضوع ارد برأى يناقضو يعنى برأى مضاد للموضوع نفسه
وبصراحه انا نفسى اكون مع الحمله بس هاكون منافق لأن انا لسه شارى عربيه من كام يوم
طلب أخى ( ياريت تعيد كلامك باللغه العربيه ) واكون شاكر ليك

تحت أمرك وشاكر لأسلوبك الراقي في عرض وجهت نظرك. والله يا جماعة مش صعبة إن احنا نكون كلنا راقين.

الترجمة أسفله


قرأت كل ما جرى منذ البداية وكتاباتك علي محافل أخرى.
أود أن أؤكد أن موقفكم غير واضح وكان الموقف الوحيد الذي لم يكن واضحا من البداية ، والتي شغلت انتباهي.

الشكر لتأكيد هذا الموقف من قبل إختيار عنوانك ومحاولة اصابت الناس بالاحباط والفشل والتظاهر بأنك تدعم الحملة.

حتى أولئك الذين يعارضون الحملة أنني افضلهم على الذي يلعب على الجانبين.

إذا كنت مع الحملة لكنت قد اختارت أن لا تقدم موضوع جديد رسالتك ووضعتها داخل الموضوع الأصلي. بالاضافة الى العنونان . إذا كنت تحب الحملة وتؤمن بها كنت بذلت في محاولة للتفكير في حلول لهذه المشكلة في حالة وجودها أصلاً.

اعتقد انك متأكد 100 ٪ على النجاح في الحملة وتهديد استراتيجية التجار في مصر. ومع ذلك كنت ذكي جدا ، وحاولت أن تكون واحد منا ، والنزول بنا الى الحفرة. هذا بالطبع يأتي من شخص ذكي جدا جداً.


ايها الاخوة والاخوات لا تقلق الحملة لم تنته بعد لأننا لا نخسر شيئا ، ونحن ستبقى حتى الفوز ليس فقط حتى نقول فعلنا كل ما في وسعنا.

الفارق هنا هو :

إذا أنضميت عشان تقول لنفسك على الأقل فعلت ما يمكن فإنك لن تفوز أبداً، ببساطة لأن هدفك قد تحقق عند هذه النقطة

أولئك الذين انضموا إلى حملة للفوز (غالبية الشعب الذي انضم الى الحملة) فليستمر في تقديم أفضل الحلول و الأفكار للابقاء عليها كما هي.

بالفعل الفوز قادم على المصنعين والتجار هذه حقيقة وهذا هو السبب في ان الحكومة تسعى الى تخفيف الضرائب والجمارك عليهم (مش علينا) . هذا هو السبب في وجود كوبونات الخدمات من مختلف الشركات ، وتوسيع نطاق الضمانات ،وإنخفاض الأسعار. كل دة مكنش حيحصل من غير حملتنا .

والأهم إن احنا نعرفهم اننا بني أدمين مش شوية عرايس بفتل يرقصوها على كفهم .

حتى نواصل مسيرتنا

[جندى مجند]

لو فرضنا ان الخبر صحيح دة مش حيحسن المبيعات فى حاجة لسببين:

1- نقص السيولة فى البلد لأسباب كتيرة منها زى الأخ MotorX ما قال البورصة و حذر البنوك فى التمويل و منها ما أشرنا اليه فى موضوع سابق بعنوان "تعليقاً على حملة "خليها تصدى" و الأزمة الاقتصادية"

2- مين اللى قال ان سبب نقص المبيعات هو وجود العربيات الخليجى فى السوق؟؟ العربيات الخليجى أسعارها منزليتش و حملة المقاطعة شغالة فى الخليج زى ما هى شغالة عندنا، و تجار الخليجى عندهم مخزون راكد زيهم زى التوكيلات و كدة كدة حيخافوا يجيبوا أى عربيات جديدة حتى لو أسعاها أقل عشان هم محتاجين يصرفوا المخزون اللى عندهم الأول.


ثم ايه اللى يمنع لو واحد راح جاب عربية ألمانى من ألمانيا أو فرنساوى من فرنسا أو برازيلى من البرازيل بالأسعار المخفضة و نزل بيها مصر؟ أهى من بلد المنشأ المرة دى ... ناقص بقى يطلعوا قرار بمنع دخول العربيات لمصر الا عن طريق التوكيل و فى الحالة دى يبقى قرار مخالف لقانون منع الاحتكار.


مساحة من الأمل: زمان من حوالى 20 سنة يمكن أو أقل شوية لو تفتكروا سعر كيلو اللحمة كان وصل 10 جنيه و وقتها سكان المعادى بدأوا حملة قوية لمقاطعة اللحوم و بعدها الجزارين فى مصر كلها اضطروا ينزلوا سعر الكيلو الى 7 جنيه ... لو حد فاكر الحملة دى يا ريت يصحح لى الأرقام لأنى مش فاكرها أوى ...

[mahmoud_nov1985]

الحملة لازم تستمر

[mabdelaziz]

الحملة إن شاء الله تنجح مادام فى عدد كبير ملتزم بيها.

لو تفتكروا كمان حملة مقاطعة شركات المحمول لما قرروا يزودوا سعر الدقيقة وعملوا أنظمة جديدة يمصوا بيها دمنا زيادة, كانت حملة وقف استخدام المحمول ليوم واحد فقط, وتانى يوم كانت الأنظمة الجديدة ملغية وفى أنظمة أرخص من القديمة كمان.

لا يأس مع الحياة ولا حياة مع اليأس

[ahmedali]

انا على فكره كنت هشتري الشهر الجاي بس بجد كده بئا خلوها تصدى انا معاكو ومش هشتري مع انى محتاج العربية جدا والله بس معلش اصبر لان ده موقف جديد على مصر وانا فرحان بيه وربنا معانا ونقدر على الجشع في البلد دى

[segsauer]

خلـــــــــــــــــــوهــــــــــا تصـــــــــــــــدى

[karaktar]

تحت أمرك وشاكر لأسلوبك الراقي في عرض وجهت نظرك. والله يا جماعة مش صعبة إن احنا نكون كلنا راقين.

الترجمة أسفله


قرأت كل ما جرى منذ البداية وكتاباتك علي محافل أخرى.
أود أن أؤكد أن موقفكم غير واضح وكان الموقف الوحيد الذي لم يكن واضحا من البداية ، والتي شغلت انتباهي.

الشكر لتأكيد هذا الموقف من قبل إختيار عنوانك ومحاولة اصابت الناس بالاحباط والفشل والتظاهر بأنك تدعم الحملة.

حتى أولئك الذين يعارضون الحملة أنني افضلهم على الذي يلعب على الجانبين.

إذا كنت مع الحملة لكنت قد اختارت أن لا تقدم موضوع جديد رسالتك ووضعتها داخل الموضوع الأصلي. بالاضافة الى العنونان . إذا كنت تحب الحملة وتؤمن بها كنت بذلت في محاولة للتفكير في حلول لهذه المشكلة في حالة وجودها أصلاً.

اعتقد انك متأكد 100 ٪ على النجاح في الحملة وتهديد استراتيجية التجار في مصر. ومع ذلك كنت ذكي جدا ، وحاولت أن تكون واحد منا ، والنزول بنا الى الحفرة. هذا بالطبع يأتي من شخص ذكي جدا جداً.


ايها الاخوة والاخوات لا تقلق الحملة لم تنته بعد لأننا لا نخسر شيئا ، ونحن ستبقى حتى الفوز ليس فقط حتى نقول فعلنا كل ما في وسعنا.

الفارق هنا هو :

إذا أنضميت عشان تقول لنفسك على الأقل فعلت ما يمكن فإنك لن تفوز أبداً، ببساطة لأن هدفك قد تحقق عند هذه النقطة

أولئك الذين انضموا إلى حملة للفوز (غالبية الشعب الذي انضم الى الحملة) فليستمر في تقديم أفضل الحلول و الأفكار للابقاء عليها كما هي.

بالفعل الفوز قادم على المصنعين والتجار هذه حقيقة وهذا هو السبب في ان الحكومة تسعى الى تخفيف الضرائب والجمارك عليهم (مش علينا) . هذا هو السبب في وجود كوبونات الخدمات من مختلف الشركات ، وتوسيع نطاق الضمانات ،وإنخفاض الأسعار. كل دة مكنش حيحصل من غير حملتنا .

والأهم إن احنا نعرفهم اننا بني أدمين مش شوية عرايس بفتل يرقصوها على كفهم .

حتى نواصل مسيرتنا

أشكرك أخى على سرعة الاستجابه
وانا حبيت يكون الكلام بالعربى عشان اللى ميعرفش انجليزى يفهم وجهة نظرى من خلالك لإن فى كثير مفهموش طريقتى وافتكرو ان انا مضاد للحمله وليه مصلحه فى فشل الحمله بالعكس طبعاً انا فى قمة السعاده ان الحمله تستمر وان شاء الله الحمله دى هاتكون بدايه لعصر جديد فى شعبنا الغلبان ده ايوه هانقف مع بعض ضد اى جشع سواء من الحكومه او التجار او حتى الافراد
احب اقول ان احنا ابتدينا نتغير وشباب مصر ابتدى يشكل دور ايجابى فى هذه البلد وابتدى المنحدر يعلى تانى وإن شاء الله التغيير جاى بلا محاله وتأكدو إذا الظلم اشتد لأقصى حد سيأتى من بعده الفرج بإذن الله

[karimone]

حتي لو افترضنا إن الحمله فشلت و ده طبعاً غير صحيح بدليل العروض اللي نزله علي كتير من العربيات دلوقتي
يبقي احنا برده بنحاول و ادينا بنتعلم عشان نبتدي حملات تانيه لمنتجات تانيه غير العربيات يعني مادام الناس نجحت انها تنزل سعر العربيات يبقي اكيد تقدر تنزل اسعار منتجات اخري بس المهم نتعلم ثقافة المقاطعه في ظل زيادة الاسعار الغير مبرره او غير منطقيه

[checo]

معا يدا بيد حتى النهايه

بمنتهى الامانه يا اخوتى الاعزاء مفيش حد محتاج عربيه قدر احتياجى لأسباب سبق و ذكرتها فى مشاركه سابقه

و لكنى اكرر هنا و بأعلى صوتى ((( ماضاع ابدا حق وراؤه مطالب )))ـ

ايدينا فى ايد بعض انتم مش متخيليين احنا ممكن نعمل ايه ؟

و كلام الجرائد ده و تصريحات المسؤليين الالمعيين ده لا يتعدى كونه المسمار الاخير فى نعش جشع التجار و المستوردين

انا فى رأيى المتواضع ده اكبر فخر ان الحمله على طريقها الصحيح

• معا يدا بيد ضد الجشع

• معا يدا بيد ضد الاحتكار

• معا يدا بيد ضد سياسه القطب الواحد بالسوق

• معا يدا بيد ضد سياسه اللى معاه جنيه يساوى جنيه و اللى ممعهوش ميلزموش

صدقونى بدايه مشوار الالف ميل تبداء بخطوه و احنا على الطريق الصحيح و الخبر ده اكبر دليل على هذا

و زمان قالوا لنا
(((الريح اللى متكسرش العود تقويه)))ـ