ارجوكم شوروا عليا يا اهل الخبرة

[khaledmohamed07]

السلام عليكم
انا عندى عربية مازدا 323 فاميلى مو 98 1600 كاملة اوتوماتيك
العربية ممتازة و باحبها جدا بس عندى مشكلة اود سرد تفاصيلها عليكم :
1- احيانا اجدال rpm غير ثابت و بحصلوا رعشة و خصوصا عندما اكون ماشى و اوقف العربيةالمفروض اتة يثبت عند سرع السلانسية بس الاقية يترعش و ينخفض كان العربية حتبطل بس هى ما بتبطلش
2- رحت للجماعة النصابين بتوع غبور و كشفوا على العربية و قاللى ان طلمية البنزين ضعيفة و محتاجين نغيرها قولت ماشى و خرجت دافع 1260 جنية و مشيت بالعربية اول يوم 100%
3- تانى يوم المشكلة ظهرت تانى فاتعكننت و رحتلهم ففوجئت و انا رايح ان العربية اداؤها مثالى و بالطبع المهندس كفتة صبننى و اوهمنى انى بيتهيالى و بعد ما طلعنا و جربنا و حاولت اعفرت العربية بس ما فيش فايدة و نزل و روحت و انا فى طريق العودة عملتها زى ما تكزن خايفة منهم
4- روحت للميكانيكى بلية فقاللى ان الايدل عوز يتنظف فراح فاكة و راشة اسبراى و ركبة تانى العربية زى الفل لمدة اسبوع من الاداء القياسى و بعد كدة بدات تعملها
5- لكن فى الفترة الاخيرة بدات اربط مدى شدة ظهور تلك المحوظة عندما اكون ماشى بالليل و العربية معشقة على ال D او R و اكون فاتح النور و المراوح شغالة لازم تعمل كدة

هل المشكلة عنى فى طلمبة البنزين - الايدل - مشكلة كهربية تكونمحتاجة كتاوت للنور او المراوح و لا اية
ارجوكم افيدونى لانى تعبت و مش عوز يضحك عليا تانى زى ما اضحك عليا فى غبووووور
و اشكر كل من يتعون معى
خالد

[mo7a_mo7a]

اولا انا مش خبير
بس ححاول اساعدك باللي اقدر عليه

يعني السؤال هي طول ما انت طافي النور بتبقي مثالية؟؟
لو الاجابة نعم يبقي ممكن تكون البطارية هي السبب علي اساس ان استهلاك الكهرباء بيكون اكبر من المتاح
بس تعالي نفصص الموضوع
الرعشة دي عني اضطراب لحظي في اداء الموتور
بسبب اما خلل في التغذية بالوقود (يبقي الايديال كنترول او طلمبة البنزين او الرشاشات او حتي نقاوة البنزين نفسه)
او خلل في التغذية بالكهرباء ويكون السبب اما ان شموع الاحتراق (البوجيهات محتاجة تتغير او ان البطارية مبتشحنش كويس وده ممكن يكون سببه الدينامو او البطارية نفسها او يكون السبب من الموبينة او الكبلات الموصلة منها للبوجيهات علما بانه يلزم تغييرها كل 100 الف كيلو متر)

انا لو مكانك حعمل الاتي
1- حنظف اليديال كنترول تاني بما انه جاب نتيجة بس المرادي بزمة شويتين تلاتة
2- حكشف علي البوجيهات والكبلات بتاعتها.. انت غيرتهم اخر مرة امتي ومتجبش حاجة مش اصلي؟؟
3- لو ممكن تستلف بطارية كويسة وموثوق فيها من حدمعرفة تجرب بيها يكون كويس متقدرش اكشف عليها عند كهربائي مضمون يجوز تكون ضعفت او الكبلات الموصلة من الموبينة للبوجيهات بتسرب او الموبينة نفسها ولو اني مستبعدها شوية
4- يجوز عندك رشاش محتاج يتنضف او حتي يتغير وفي الحالة دي حتشم ريحة بنزين ني خارج من الشكمان وانت علي السلانسيه

ملحوظة مهمة حاول في الفترة دي اثناء بحثك عن العيب تمون من محطة كويسة وموثوق فيها جدا جدا ومتحطش بنزين من اكتر من محطة في التنك
استني لما يخلص التنك اللي معاك وفول من محطة محترمة وكويسة علشان تستبعد العيب بتاع البنزين

ابتدي جرب بالتدريج ابتداءا من التنظيف وانتهاء بالرشاشات وان شاء الله متوصلش للمرحلة دي
وتلاقي المشكلة اتحلت باذن الله

[khaledmohamed07]

اشكرك جزيل الشكر على اهتمامك و افكارك القيمة فعلا و بالمناسبة انا لسة النهاردة راجع من عند الميكانيكى بتاعى و طلعت كل البوابة اللى على المنفول و اللى عليها الايدل و فكيتة و رحت منضفة بالاسبراى الخاص و البوابة و رحت منشف بالهوا و ركبت المجموعة دى تانى و دورت و الاداء الحمد للة زى الفل بس هو بسيييييط اوى الاقى العربية عليت سنة صغيرة على العكس فى البداية كانت بتةطى
هو قاللى امشى بيها يومين و ليا ظبطة موتور تانية
و للعلم انا العربية فيها بطارية جافة
و احب اضيف ان انا فى مرة كشفت عليها بالكمبيوتر و قاللى ان فى رشاش ضعيف سنة و مرة تانية كشفت عليها عند واحد تانى و قاللى ان الايدل ضعيف ----فبالتالى ما غيرتش منهم حاجة لان الكلام مش واحد و بالتالى ممكن اصرف فلوس كتيرة و موصلش لنتيجة لانك عارف الصنايعي بيحب يجرب على حساب العربية و صاحبها

[mo7a_mo7a]

العفو واحنا هنا علشان كلنا نستفيد
والحكاية كده بدات تبان
انت ممكن تعمل حاجة كمانفضي التنك لحد اما المبة بتاعة البنزين تنور وبعدين روح حط منظف رشاشات وفول عليه واتبع الاتعليمات بتاعته
وهات موبيل
وجرب وان شاء الله تلاقي الاداء اتحسن
لان ممكن الوساخة اللي كانت موجوده تدل علي ان ممكن تكون الرشاشات هي كمان متوسخة
وده طبيعي لكن بمنظف الرشاشات ممكن الحكاية تتعالج في الاول بدل ما الرشاشات تليك لا قدر الله وتضطر تغيرها

والف سلامة علي العربية وربنا يقومهالك بالسلامة ويتم عليها الشفاء

[zeyad1810]

اولا انا مش خبير
بس ححاول اساعدك باللي اقدر عليه

يعني السؤال هي طول ما انت طافي النور بتبقي مثالية؟؟
لو الاجابة نعم يبقي ممكن تكون البطارية هي السبب علي اساس ان استهلاك الكهرباء بيكون اكبر من المتاح
بس تعالي نفصص الموضوع
الرعشة دي عني اضطراب لحظي في اداء الموتور
بسبب اما خلل في التغذية بالوقود (يبقي الايديال كنترول او طلمبة البنزين او الرشاشات او حتي نقاوة البنزين نفسه)
او خلل في التغذية بالكهرباء ويكون السبب اما ان شموع الاحتراق (البوجيهات محتاجة تتغير او ان البطارية مبتشحنش كويس وده ممكن يكون سببه الدينامو او البطارية نفسها او يكون السبب من الموبينة او الكبلات الموصلة منها للبوجيهات علما بانه يلزم تغييرها كل 100 الف كيلو متر)

انا لو مكانك حعمل الاتي
1- حنظف اليديال كنترول تاني بما انه جاب نتيجة بس المرادي بزمة شويتين تلاتة
2- حكشف علي البوجيهات والكبلات بتاعتها.. انت غيرتهم اخر مرة امتي ومتجبش حاجة مش اصلي؟؟
3- لو ممكن تستلف بطارية كويسة وموثوق فيها من حدمعرفة تجرب بيها يكون كويس متقدرش اكشف عليها عند كهربائي مضمون يجوز تكون ضعفت او الكبلات الموصلة من الموبينة للبوجيهات بتسرب او الموبينة نفسها ولو اني مستبعدها شوية
4- يجوز عندك رشاش محتاج يتنضف او حتي يتغير وفي الحالة دي حتشم ريحة بنزين ني خارج من الشكمان وانت علي السلانسيه

ملحوظة مهمة حاول في الفترة دي اثناء بحثك عن العيب تمون من محطة كويسة وموثوق فيها جدا جدا ومتحطش بنزين من اكتر من محطة في التنك
استني لما يخلص التنك اللي معاك وفول من محطة محترمة وكويسة علشان تستبعد العيب بتاع البنزين

ابتدي جرب بالتدريج ابتداءا من التنظيف وانتهاء بالرشاشات وان شاء الله متوصلش للمرحلة دي
وتلاقي المشكلة اتحلت باذن الله

تماااام كدة الله ينور عليك انت جبت المفيد كلة