معرض فورميلا الاهرام وانخفاض اسعار السيارات

[tamerafifi]

والله احنا مش عارفين نواجه جشع مين ولا مين ؟ تجار وسماسرة العربيات ولا شركات تنظيم المعارض ولا تجار البقالة ولا تجار الخضار ؟ طيب نروح فين؟ هيا الناس دى مش حسه فعلا ان الدنيا واقعه ولا احنا اللى الفقر بيجرى ورانا مارثون طويل ولا ممكن احنا اللى اتحولنا لشعب مستغل لبعضه ؟
على العموم مش هروح المعرض بردو ادام بتذكرة دخول مع انى ساكن فى كوبرى القبه بينى وبين ارض المعارض 5 دقائق اعد على الكافيه احسن واصرف فلوس فى حاجه انا مستفيد منها

[abdelmessih67]

الملاحظ على معرض الاهرام للسيارات ان ملحق السيارات اليوم مع جريدة الاخبار فيه اعلانات لعشرة شركات فقط بالاضافة الى اعلان شركة المصرية اللى مجمعه كل الماركات
ولوحظ ايضا ان العشرة شركات ينقسمو الى خمسه اسماء كويسه زى شيفورليه وابل وسوزوكى وفيات وتويوتا والخمسه شركات الاخرى بتوع الاخوة رجال الاعمال الهليبة اللى احضرولنا اسماء غربية من الصين والله مش عارف اقرا نصها يعنى المعرض شكله فقير
وطبعا الاستاذ خالد اباظة المشرف العام على ملحق السيارات بيبشرنا فى مقاله اول صفحه ان استحاله ولايمكن ان اسعار السيارات هتنزل لا بالعكس اشترى الان قبل ما تغلى فكرنى والله بفيلم اسماعيل ياسين وهو فى مستشفى المجانين ( يلا يا جدعان قبل ما يعقل يا جدعان) وبيحمس الناس علشان تروح تشترى النهرده قبل بكره ؟ غريب او الاستاذ خالد اكنو مش من كوكب الارض وشايف الظروف وطبعا كله مظبط علشان يعرفو يضحكو على المستهلك لما نعلى الاسعار نقول اصل الاسعار العالميه ارتفعت طيب الاسعار العالميه انخفضت يا ناس يقولو ايه بئا اصل الاقتصاد المصرى مالوش دعوة بالاقتصاد العالمى متخاصمين دلؤتى يا ريت نتعاون علشان الاسعار تنزل فعلا للمستوى الطبيعى

مصر ليست في كوكب تاني كما يقول مدحت صالح و لكن الفكرة أنهم منتظرين يسلكوا المخزون القديم عندهم اللي صنعوه بالسعر العالي قبل ما يبدأو في تخفيض الجديد اللي أصلا هيكون رخيص بعد رفع الجمارك و ضريبة المبيعات على مكونات السيارات التي تصنع محليا

[Fadi Ezzat]

ياعم ماالعربيات نازلة اهية انتو عايزيين اكتلا من كدة اما عربية 15 الف والتانية 10 يبقى كويس اوى واى دى
طبعا وجهة نظر

[tamerafifi]

ياعم ماالعربيات نازلة اهية انتو عايزيين اكتلا من كدة اما عربية 15 الف والتانية 10 يبقى كويس اوى واى دى
طبعا وجهة نظر

عايز تعرف الأسعار الحقيقية لاى عربية اعمل بحث عن اسعار السيارات فى السعودية مثلا او الامارات وترجم سعرها الى الدولار وشوف نفس العربية سعرها بالجنيه كام فى مصر وترجمها الى الدولار بردو شوف احنا بنتسرق فى اد ايه؟ من التجار والسماسرة والحكومة ؟ احنا مقلناش ان نشوف سعر العربيه فى اوروبا ولا امريكا قلنا دول مستوردة زينا بردو؟ ساعات الفرق بيكون اكثر من ضعف ثمن العربية وطبعا مش هنتكلم بئا على خدمة ما بعد البيع والصيانة وتوافر قطع الغيار فى الخليج واسعارها:k30:

[Rsarabia]

الطبيعى ان ميبقاش فى فلوس للدخول بس هما لو عملو كدا كل من هب و دهب هيدخل يعنى ممكن تلاقى واحد لا عاوز يشترى عربية ولا معاه فلوس اصلا وداخل يتفرج و يلعب بس انا عاوز اقول حاجة ان لازم السنة دى الناس دى يكون عندهم عقل و يفتحوها ببلاش لانه مطلوب يزيد عدد الناس لان فى ناس كتير مش هتروح زى السنين اللى فاتت

ملحوظة انا معاكو مش مع التانيين

[mohamedbook]

خـــلــوهــــا تــــــصـــــــدي

خلوها تصدي:k48:

[mohamedbook]

ياعم ماالعربيات نازلة اهية انتو عايزيين اكتلا من كدة اما عربية 15 الف والتانية 10 يبقى كويس اوى واى دى
طبعا وجهة نظر

يعم انت مش عيش في الدنيا ولا اية
السيارات برة مصر شبة ببلاش
ويجو السفاحيين الي هنا يجبولنا اردئ انواع السيارات ورفعوا سعراها للخيال
ونت جي تالي 10 و 15 الف

[sam07]

[saidbakr]

النهارده المعرض هيبدأ وهيتفتح للجمهور ابتداء من بكره الخميس

وطبعا كاتبين ان فى تسهيلات وفايده قليله والكلام ده
بس اللى لفت نظرى ان فولكس نزلت اسعارها بجد وكاتبه الاسعار
بولو هاتشباك السعر 100 بدلا من 115
بولو سيدان 85 بدلا من 95
سوران 90 بدلا من 100
اما بالنسبه لباقى الشركات فكلهم تقريبا هيشاركوا فى المعرض لكن مش كاتبين اى اسعار تخفيضات

ومفيش موديلات جديده نازله غير المرسيدس C 180 الجديده وبعض العربيات الصينى زى جيلى وغيرها

يا حبيب قلبي، هو 13% ده يعتبر نزول؟!!! ده مجرد ضحك على الدقون و تمادي في الاحتيال. علشان نبقى واضحين، أقل من 30% تخفيض، يبقى ما عملوش حاجة غير انهم ضحكوا علينا.

المهم بقى و اللي عاوزين نركز فيه (لأنهم إن شاء الله كدة كدة هينزلوا الاسعار ) موضوع قطع الغيار، بمعنى اننا المفروض نبعد عن العربيات اللي قطع غيارها محتكرة من جهة واحدة، و نشوف أكتر العربيات اللي فيه ناس كتيرة بتجيبها، علشان ما يزنوقوناش في الركن و هاتك يا ضرب بعد كدة.

[saidbakr]

عايز تعرف الأسعار الحقيقية لاى عربية اعمل بحث عن اسعار السيارات فى السعودية مثلا او الامارات وترجم سعرها الى الدولار وشوف نفس العربية سعرها بالجنيه كام فى مصر وترجمها الى الدولار بردو شوف احنا بنتسرق فى اد ايه؟ من التجار والسماسرة والحكومة ؟ احنا مقلناش ان نشوف سعر العربيه فى اوروبا ولا امريكا قلنا دول مستوردة زينا بردو؟ ساعات الفرق بيكون اكثر من ضعف ثمن العربية وطبعا مش هنتكلم بئا على خدمة ما بعد البيع والصيانة وتوافر قطع الغيار فى الخليج واسعارها:k30:

سيبك يا سيدي من موضوع الحكومة اللي انت بتقصد به الجمارك. يعني نشوف السعر زي ما انت قولت و نحسب الجمارك كمان، و نشوف احنا متقرطسين في كام في المية. يمكن تلاقي برضو أقل حاجة انك بتشتري عربية ليك و عربية تانية أختها لواحد جايز انت ما تعرفوش (يا ترى مين؟!!!)

[ahmad7610]

أكتر موقف غاظنى كان فى معرض أوتوماك أخبار اليوم و الدخول تقريبا كان ب 20 أو 25 مش فاكر .. ولقيت معظم العربيات مقفولة ..
والله كان هاين أعمل زى ولاد ال **** وأطلغ مفتاح و ..... :)
-------
مش رايح معرض الأهرام لانه لا يستحق .. وندمت انى روحت السنة اللى فاتت كان عامل زى معارض الملابس بتاعة الصينيين ..

[myatooooo]

السيارات الفولكس فاجن صنع المانى تجميع صينى وهذا للعلم يا جماعة دة غير ان الواجد مش متأكد لسة من سنة الصنع هل 2008 ولا 2009 ؟؟؟بس تم التأكد من انها فولكس الصينية