ارجو المشاركة

[hic]

يا ريت لو حد اتعرض لموقف ان عربيته تعطلت منه فى الطريق يحكى لنا عن نوع العطل كان ايه و حله ازاى و نوع العربية ايه حتى تعم الفائدة و نتجنب هذه الاعطال ان شاء الله
يارب اكفينا شر الطريق

[hic]

انا عن نفسى تعرضت بعربيتى السابقة و كانت ريجاتا كنت ماشى على طريق البحر فى اسكنرية و سمعت صوت كركرة و وجدت الفتيس لا يعمل و العربية دايرة زى ما هى بس مفيش تعشيق من الفتيس فما كان منى انى اوقفت تاكسى و قطرنى لغاية الميكانيكى فوجد ان الترس بتاع السرعة الرابعة مكسور طبعا بحثت عليه فى الاستعمال و غيرت الاسطوانة و الديسك و الرلمان بلى(بالمرة) و كانت التكلفة الكلية تقريبا 600 جنيه العربية كانت موديل 1986

[mada121977]

انا عمرى ما انسى يوم ما الشاهين عطلت منى على الطريق الزراعى بعد قليوب بحوالى 5 كم و كان ده حوالى الساعه 7 صباحا و انا راجع من الشغل علشان كان عندى شيفت من الساعه 10 مساء و كان اخر يوم فى عيد الاضحى كمان و كان نفسى اروح بدرى علشان انام و للاسف بعد ما عديت كوبرى قليوب بشويه لقيت العربيه فصلت خالص و بطلت فركنت على جنب و احايل فيها يا ستى دورى يا حبيبتى اشتغلى عاوز اروح انام و هيا ابدا و دخت على بال ما لقيت ميكانيكى فاتح اليوم ده على الطريق و اتصلت بواحد ميكانيكى من عندنا جالى بعد 4 ساعات و كان السبب ان مشط الاسبراتير قطع و الراجل قالى لازم انزل التوفيقيه اجيب مشط جديد و المشوار ده كان فيه ساعتين كمان و يوميها كنت متغاظ جدا من العربيه مع انها كانت اول و اخر مره تعملها

[ahmed ismail]

ياااااه حتقلب علينا المواجع ليه بس سا عمونا

كان فيه موقف صعب جدا جدا جدا
اتعرضت له وانا فى تانية كلية
كان معايا الغير مؤسف عليها البلونيز
الكلام ده كان الساعة اتنين بليل على الطريق الدائرى ما بين المفارق وكارفور

كنت الصبح لسه مضبط العربية عند الميكانيكى كنت بركب بوجيهات واظبط تاكيهات وتقسيمة المهم هو لعب فى الاسبراتير بالظبط فى حاجه اسمها ساعة الاسبراتير بتاعت العربية كنت حاسس ان فيه حاجه غريبة المهم العربية طول اليوم معايا مش متظبطة كويس مش زى الاول فيها حجاه غلط جت فى اخر اليوم موتور العربية بيكركر كده وبيعمل اصوات غريبة و كل ما اجيب الاول قعد يكركر جامد وبعدين يفصل قعدت على كده كتير لحد ما ملقتشي امل
وكان الكام ده من سنتيت وكنت لسه صغير فكان الموقف تقيل عليا شوية وكنت لوحدى المهم وقفت تاكسي وقاعد معرفلهاش قت احين حل نقطرها لحد البيت والميكانيكى يبقى يصلحها الصبح
قعدت لفيت على عربية نص نقل فى امعادى عشان ينقلها للتجمع الخامس لقيت واحد اخيرا والحمد لله تانى يوم الميكانيكى ظبطها والعربية مشيت بس بعد ما طلعت عينى الساعة اتنين بليل