موقف غريب حصلي وانا في البيت

[chicobon]

السلام عليكم
حصلي موقف دلوقتي حبيت اقولهالكم و ياريت كل واحد يقول لو كان مكاني قال ايه
الموضوع بي بساطة وانا قاعد بتفرج علي التلفزيون الساعة حداشر بليل جرس الباب رن روحت ابص من العين السحرية لاقيت بنتيت واقفين روحت فاتح الشراع واحدة منهم تسئلني المدام فين انا قلت في بالي دول اكيد من الي بيبيعو حاجة سئلتهم عاوزين مين راحت وحدة قالت عايزة اخش الحمام راحت التانيه قالت احنا الاتنين عاوزين نخش الحمام انا بصراحة معرفتش اقول ايه قلتلهم المدام مش موجودة و خلاص و قفلت الشراع ببص عليهم من البلكونة لاقيت في وحدة تالتة معاهم كمان خارجين يعني معرفش بقي حراميه ولا ايه المهم حبيت اقولكم و تقولولي رد فعلكم يبقي ازاي لو حد خبط الباب بليل وانت لوحدك في البيت و يقولك عاوز اخش الحمام !!!!! ايه الي حصل في الزمن ده حتي لو هما مش حراميه او اي حاجة ازاي هيدخلو اي بيت كده انا مش عارف ؟ مستني ردكم و لكم تحياتي .

[osman hisham]

طبعا حراميه و ربنا سترها معاك و الواجب عليك تنبه جيرانك .

[M.Osama]

خدعه قديمه اوي، دا فين الكلام دا فالقاهره ؟

[kliken]

شكلهم حراميه والله اعلم طبعا بس حاجه تقلق طبعا اتنين يدخلو و انتا معاهم و التالته تلطش اى حاجه

[chicobon]

في مصر الجديدة

[EZABY]

طالما هما بنات يبقى يدخلوا الحمام براحتهم
بس واحده واحده يعني

حرااااااميه طبعا ياباشا
واحده هتدخل الحمام والتانيه هتحاول تشغلك وفي الوقت ده الاولانيه هتكون سارحه في الشقه براحتها وهب التالته هتيجي وهيعملولك فضيحه وانت اللي هتترجاهم يمشوا وبعد كده هتكتشف السرقه

[SAMER_ENGINES]

واحدة قبل كدة جت لنا و قالت كدة و انا كنت عايز أدخلها الحمام بس والدي و والدتي رفضوا و بصراحة أقتنعت بكلامهم بعد لما لقيتها بتتخانق مع واحد جارنا و بتشلأ له (أسف في التعبير) و دلوقتي اقتنعت أكتر و تصرفك سليم و بصراحة برضه (أنا أسف في التعبير) كلنا بنتزنق في الشارع بس مش بنخبط علي اي بيت و نقولهم ندخل الحمام بس أرجع و اقول في حالات استثنائية زي ما يكون أنسان مريض و كدة و ده بيعتبر أستثناء و ربنا يبعد عننا كل مرض يا رب و يشفي كل مريض.

[Hesham_91]

هههههههههههههههههههه الحقيقة أول مرة اسمع حاجة كده بس موقف غريب فعلا انت ساكن دور ارضي ولا حاجة

[karimone]

اكيد حراميه طبعاً
بس الواحد لما بيكون في الموقف ده مش بيخبط علي اي شقه و يقولهم عايز اخش الحمام
اقرب حل هو البحث عن اقرب جامع او مطعم محترم شويه يكون فيه حمام و يخش الحمام هناك

إنما الموضوع ده مقلق جداً؛؛؛ انت طبعاً اتصرفت صح

[magyver]

حرامية 100×100
بس اكيد بيبقي باين عليهم وبجد تصرف صح اللي انت اتصرفتة
وربنا يسترها معانا جميعا

[mo7a_mo7a]

تصرف حضرتك صح ومضبوط
دول ممكن يسرقوك او يورطوك في مصيبة
بنات البيوتات المحترمات صعب يعملوا كده

[ZAKI32]

الدنيا معدش فيها امااااااااااااااان

ربنا هو الستار

والله الواحد عاد بيمشى على رجلة فى الشارع او راكب العربية بيحسس عشان البلاوى اللى بتتحدف.

كنت قلها عندك بير السلم.

كان ممكن اى كافتريا او مطعم او اى صرفة اية الاجرام النسائى دة

[Hussein_Ramdan]

غريبة اوووى
بس رد فعلك كان سليم
حمام اية الى عايزين يخوشو
قولها روحى اتصرفى تحت اى شجرة
ههههههههههههه:k48:

[MoToRiZeR]

هقولهم المياه قاطعة .

إمبارح كنت في توكيل سبيرانزا عالصحراوي بوصل واحد صاحبي عربيته هناك و انا ماشي واحد بيسأل صاحبي هو رايح أكتوبر ؟ قاله لأ المنيل ، قام جي بيقولي ما تاخدني معاك يا باشا .. قلتله انا رايح إسكندرية .. قاللي طب ونبي خدني معاك .. إنت رايح إسكندرية ولا أكتوبر ولا المنيل يا عم الحج .. و سبته و مشيت .. حرااامي وش .

[mahmoud_magdy]

الله الله
اللي يعيش ياما يشوف
وبذات في بلدنا حبيبتنا
ربنا يبعد عني وعنكو الحراميه والنصابين والدجالين وكل شر
امين